Amosi 1:4 - Gourmanchéma Bible

⁴ N baa soani mi fantama man buoni o bado Asayeli puoliŋuani. Mi baa je o bado Beni-Adadi badidiegu.

U TIENU MAAMA TILI 2013

⁴ N baa soani u mu Wun buoni o bado Asayeli puoliŋuani. U baa je o bado Beni-Adadi diegu.

Amosi 1:4 ပူးပေါင်းရင်းမြစ်များ

1 Bi Badiba 19:15

Li Miali Diedo den yedi o: «Fii ki goa ki tagini ŋan tagini yaa sanu ki poandi mi fanpienma nni ki gedi hali Damasa. A yaa ban pundi, ŋan wuli Hasayeli yuli po li bali kpama ki gagidi o wan tua Sili bado.

2 Bi Badiba 13:25

Yoahasi bijua, Joasi den goa ki ga Hasayeli bijua Beni-Hadadi nuu nni Hasayeli n den fie yaa dogi o baa Yoahasi kani bu toabu yogunu. Joasi den paadi o taalima taa ki ga Isalele dogi.

2 Bi Badiba 13:3

Li Miali Diedo pali den beni Isalele yaaba po. O den teni ba Sili bado Hasayeli leni o bijua Beni-Hadadi nuu nni, ban den die yaa yogunu.

2 Bi Badiba 6:24

Li den yeye ke Sili bado den ti taani o toatieba kuli ki gedi ki lindi ki cebini Samali dogu.

2 Bi Badiba Jama 16:2

Asa den ñani ŋanjilifa leni wula Li Miali Diedo diegu ŋalimano nni leni o bado diegu ŋalimano nni, ki soani la Sili bado Beni-Hadadi po yua n den ye Damasa leni yaa maama n tie na:

Jeremi 17:27

Ama yi yaa cengi nni, ki naa gagidi ki ŋanbi mi fuodima daali ki tugi a tugikpiaga ki nan tagini ki kua Jelusalema buliñoana kani mi fuodima daali, lanwani n baa juu u dogu buliñoana mi fantama. Mi baa buoni Jelusalema badidiedi, ki nan kan gbindi mo.»

Jeremi 49:27

N baa sia Damasa bilinu mi fantama. Mi baa sia Beni-Adadi badidiegu.

Esekieli 30:8

Min baa juu Ejipiti yaa yogunu Bi todikaaba mo kuli n baa bodi yaa yogunu, Bi baa bandi ke n tie Li Miali Diedo.

Esekieli 39:6

N baa soani mi fantama Magogi diema nni Leni yaaba n ye leni mi yanduanma a kpendega siiga. Lanwani bi baa bandi ke n tie Li Miali Diedo.

Ose Tili 8:14

Isalele yaaba sundi yua n tagi ba, Ki maa a dieŋama, Juda yaaba mo maa i bilinciami Ki lindi i dogi boncianla. Ama n baa soani mi fantama bi dogi nni, Ki teni man je bi dieŋama.

Amosi 1:10

N baa soani mi fantama Tili dogu bilini nni, Mi baa je likani dieŋama.»

Amosi 1:12

Lani yaa po n baa soani mi fantama bi dogu Tema nni. Mi baa je Botisila dogu dieŋama.»

Amosi 1:14

Lani yaa po n baa soani mi fantama Laba dogu bilini nni, Mi baa je likani dieŋama, mi janjanma daali, Bu toabu kuudi siiga, Li baa yaa tie nani ku tafaabiadigu siiga yeni.

Amosi 1:7

N baa soani mi fantama Gasa dogu bilini nni, Mi baa je likani dieŋama.

Amosi 2:2

N baa soani mi fantama Moabi diema nni, Mi baa je Kelijoti dogu dieŋama, Moabi baa bodi ku fuugu siiga Leni bu toabu kuudi siiga leni kakaci piebima siiga.

Amosi 2:5

N baa soani mi fantama Juda diema nni, Mi baa je yaa dieŋama n ye Jelusalema.»

Bi Bujiaba 9:57

Li Miali Diedo go den guani Sikema yaaba moko bi biadima. Yeni Jelubaali bijua Yotami solindi den cuo ba.