Amosi 1:3 - Gourmanchéma Bible

³ Li Miali Diedo den yedi mi ne: «Damasa yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den ŋma ki midi Galaadi diema yaaba Leni yaa teliti yaa taana n pia ti kudi ke ti sondi.

U TIENU MAAMA TILI 2013

³ O Diedo den yedi mi naa maama: «Damasi yaaba tieni tuongundataa, Li pundi ba bonanaa, Ya n teni ke n kan lebidi min jagi yaala. Bi den ŋmaa ki midi Galaadi diema yaaba Leni yaa teliti yaa taana n pia ti kudi ke ti sondi.

Amosi 1:3 ပူးပေါင်းရင်းမြစ်များ

1 Bi Badiba 19:17

Yua n sani ki cia Hasayeli, Jehu baa kpa o. Yua mo n sani ki cia Jehu, Elise baa kpa o.

2 Bi Badiba 13:3

Li Miali Diedo pali den beni Isalele yaaba po. O den teni ba Sili bado Hasayeli leni o bijua Beni-Hadadi nuu nni, ban den die yaa yogunu.

2 Bi Badiba 13:7

Li Miali Diedo den ŋa Yoahasi niba kuli yeni niinni tanjagiba piimuu, toateliti piiga leni taacenda tudapiiga (10 000) bebe, kelima Sili bado den bolini ba ki teni ke bi tua nani ban ŋmaadi yaa wagima yeni.

2 Bi Badiba 16:9

O mo den tieni Akasi n mia yaala ki gedi ki baa Damasa ki paadi u. O den cuo bi niba ti yonbidi ki gedini ba Kidi, ki teni ke bi ku Letisini mo.

2 Bi Badiba 8:12

Hasayeli den buali o yaala yaa po ke o mua. Elise den goa ki yedi o: «N mua kelima n bani ŋan baa tieni Isalele yaaba yaa biadima. A baa sia ban maa i bilini ki lindi yaa dogi, a baa kpa bi nipanba leni ki jugisiega, a baa ŋma ki midi a canpanda, a baa pidi a tugupunba tugidi.»

Jobi 19:3

Diidi mani figilima piiga nne ke yi sugidi nni Naani i fe ki pia yi leni yin paagidi n yama maama po?

Jobi 5:19

Figilima coacoali o baa faabi a leni li paboanli Yaala n bia mo kan nandi a hali abada.

Mi Kpanjama 6:16

Bonla luoba n ye ke Li Miali Diedo nani la. Li tie baa bonla lele yo ki tie opo cagindi. Lani n tie:

O Yanfuodaano 11:2

Taa biinyendu ki boagidi niba lele, bi baa niba nii, kelima ŋaa bani yaa yebiadima n baa ti faa ki tieni ki tinga nni.

Esayi 28:27

Baa wogidi nigeli bonbii leni yaa bonfulikaala n pua ŋalikama ka ba. Moko, baa yen taa teligu taana ka ki fuli kumini. Ama bi yen pua nigeli leni u gbiamu Ki pua kumini mo leni ki gbabiga.

Esayi 41:15

Yinba Isalele yaaba, N teni ke yi tua nani ban dia Yaa dafulikaagu ki pua ti kpaandi. Ke ku paani ki pia a kpakpaana ke a sondi yeni. Yi baa mudi a joaciama yomi yomi Ki teni a joabila n tua nani mi moayoma yeni.

Esayi 7:16

Hali ke ki biga daa bani ki yie yaala n bia Ki gandi yaala n ŋani, Yaa badiliediba n jiendi ŋa yeni diema baa kpandi diegbena.

Esayi 7:8

Kelima Damasa n tie Sili yaaba dociamu, Letisini mo n tie Damasa dogu bado. Ne leni piiluoba n bina muu Efilayima diema baa pua ki yadi yadi, Ki kan go yaa tie nibuolu.

Esayi 8:4

Kelima hali ke ki biga yeni daa bandi ki yedi: ‹N baa› leni ‹N naa› bi baa tugi Damasa piama leni Samali fagidi ki cuani Asili bado nintuali.»

Amosi 1:11

Li Miali Diedo yedi mi ne: «Edomi yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den ŋoadi ki deli bi kpiiba leni ki jugisiega Kaa gbadi bipo niñimaba kuli. Bi pala yaa fii, ŋaa pia ke a jiidi, Baa pia sugili.

Amosi 1:13

Li Miali Diedo yedi mi ne: «Amoni yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den lidi a tugipunba Galaadi diema nni, Ban den fii ki bua ki pugini bi diema.

Amosi 1:6

Li Miali Diedo yedi mi ne: «Gasa yaaba tieni tuongunda taa, Li pundi baa bona naa ya n teni ke n kan lebidi min jagi yaala. Bi cuo nibuomunu kuli ki baa teni Edomi diema.

Amosi 1:9

Li Miali Diedo yedi mi ne: «Tili yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi cuo nibuomunu kuli ki teni Edomi yaaba Ki naa tiadi yaa *ŋantaado n den loli bani Tili yaaba Leni bi kpiiba, Isalele yaaba.

Amosi 2:1

Li Miali Diedo yedi mi ne: «Moabi yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den sia Edomi bado ki buoni o kpaba.

Amosi 2:4

Li Miali Diedo yedi mi ne: «Juda yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi fali n *balimaama, Kaa kubi n ñoabona mo, Bi yaadi ki ŋoadi i *buli yaala n tie faama, Bi yaajanba n den ŋua yaala.

Amosi 2:6

Li Miali Diedo yedi mi ne: «Isalele yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi kuadi o niteginka yua n pia bi panli Ki kagidi bi ligi, Bi kuadi o luodo kelima o daa cacaapilima kaa fidi ki pani.

Sakari 9:1

Li Miali Diedo maama n tie na: O jagi ke o baa waani Hadilaki diema yaaba fala, O baa waani Damasa yaaba moko fala. Kelima o naa die Isalele buoli yaaba bebe ka, O die bi nisaaliba kuli.

Sakari 9:2

O maadi leni Hamati dogu yu n ki kuu Damasa yeni yaaba moko. O maadi leni Tili leni Sidoni yaaba, Bani yaaba n pia mi yanfuoma boncianla yeni.