2 Timote 4:4 - Gourmanchéma Bible

⁴ Bi go baa lebidi ki ŋa i moamoani cengima ki yaa cengi a togidifana.

U TIENU MAAMA TILI 2013

⁴ Bi go baa lebidi ki ŋaa i moamoani cengima, ki yaa cengi a togidifana.

2 Timote 4:4 ပူးပေါင်းရင်းမြစ်များ

Mi Kpanjama 1:32

Kelima bi yanpiidanba n yie mi yanfuoma yeni, lani n baa kpa ba, bi yanluodanba n duani bi yama leni bi yanluoma kaa bangi lipo yeni, lani n baa bolini ba.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi sawalipuaba mo: «Da pua mani tipo yaa sawalo n tiegi! Yaa banbidi ti mani! Yaa togidi ti mani yaala n mani.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Matie 13:15

Kelima bi naa niba pala tua pajuaga. Bi biini bi tuba ki ŋubini bi nuni Ke ban da le leni bi nuni, Ki da gbadi leni bi tuba, Ki da ga leni bi pala, Ke ban da ti lebidi bi yama ke min paagi ba.›

Jesu Tondiba Tuona 7:57

Lane bi den biini bi tuba ki tiani, ki taani ki bibi o yenma,

2 Tesaloniki 2:11

Li tie lani yaa po yo ke U Tienu baa soani bikani yaa paalu n baa teni ban yaadi ki daani mi faama.

1 Timote 1:4

Ŋan go yie bipo ke ban da pa bi yula i telimi togida, leni bi yaajanba togida ya n kaa pia gbenma nni. Kelima laa bonla kuli fiindi mi niama ki naa todi ke U Tienu tuonli suagi liiga li dandanli nni.

1 Timote 4:7

Ama ŋan yie yaa togida n tie fanma fanma ki nia li dandanli. Ŋan moandi ki yaa se ki pa U Tienu sanŋoadima nni.

1 Timote 6:20

Fini Timote, ŋan yaa gu U Tienu pianli, ki paadi leni yaa mafanma n ki yegi leni li dandanli leni yaa niama n ñani bi niba bandima yaama n ki tie moamoani kani.

2 Timote 1:15

A bani ke ti Diedo yaaba yaaba n ye Asi diema lebidi ki ŋa nni. Fijela leni Elimojena tie bi siiga yaaba.

Titi 1:14

ki da go ŋua Jufinba yaa telimi leni bi nisaaliba yaa balimaama, bani yaaba n lebidi ki yie kaa go ŋua i moamoani.

Hebilunba 13:25

U Tienu ŋanbili n yaa ye leni yikuli.

2 Pieri 1:16

Tin den waani yi ti Diedo Jesu Kilisiti goacuama leni o paalu maama, tii den ŋua bi niba n bungi ki ñani yaa telimi leni bi nunfanbu ka. Ama ti den laa o bali kpiagidi leni ti nunceli.