2 Timote 4:2 - Gourmanchéma Bible

² ŋan yaa wangi U Tienu maama, tieni ania ki moandi li yaa pa leni li yaa dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

U TIENU MAAMA TILI 2013

² ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

2 Timote 4:2 ပူးပေါင်းရင်းမြစ်များ

Pisomi 40:9

N Tienu n bua ki tieni a yanbuama, Ki kubi a bali maama mo hali n pali tugu nni.

Jonasi 3:2

«Gedi Ninife dociamu nni ki ban kpaani ki waani min soani a yaa tondu.»

Luki 7:23

Li pamanli ye leni min kaa tie yua yaa po tingbali bonla.»

Luki 7:4

Bi den pundi Jesu kani ki mia o ki moandi ke wan da yie ki yedi: «O ja yeni pundi ŋan ŋanbi opo,

Luki 9:60

Jesu den yedi o: «Cedi bi tinkpiba n piini bi tinkpiba, ama fini, gedi ki ban yaa wangi U Tienu diema maama.»

Jesu Tondiba Tuona 13:5

Ban den pundi Salamina dogu nni, bi den wangi U Tienu maama li *bali maama bangima diena nni, Jufinba n den taagi naankani. Jan Maka den tie bi todika.

Jesu Tondiba Tuona 16:13

Mi *fuodima daali, ti den ñani yaa bilinciamu n lindi u dogu yeni buliñoajabu kani ki gedi li kpenjaali po, kelima ti den tama ke Jufinba jaandi kaanu ye lanpo. Ti den kali ki maadi leni yaa puoba n taani likani.

Jesu Tondiba Tuona 20:7

A danleleeda cilima daali, ti den taani ki baa cabidi dupen kelima Polo den jagi ke o baa fa ki fii. Lani yaa po o den maadi ki waagi ki pundi hali ku yagisiigu.

Jesu Tondiba Tuona 28:16

Tin den pundi Loma, a minteela yudaano den teni a kpaada o yudanciamo nuu nni, ama bi den puni Polo ke o baa li dieli wan baa ye naankani obebe ke minteeli yenli gu o.

LOMA YAABA 10:15

Oba kuli yaa soani U Tienu mawangikaaba mo, bi baa ga lede ki yaa wangi o maama? Nani lan diani maama: «Diidi mani bi cenli n ŋani maama, Bani yaaba n cua ki wangi o Laabaaliŋamo.»

LOMA YAABA 12:12

Yin yaa mangidi yi pala yi suginma nni. Yin yaa pia li juunli fala nni. Yin yaa jaandi mani ki da cedi.

Galati 6:6

Ban bangi yua U Tienu maama n boagidi wan pia yaala kuli leni yua n bangi o.

Kolosi 1:25

N tua Kilisiti n yini yaaba yaa tuonsoanlo kelima U Tienu den puogi nni ke min yaa wangi yi U Tienu maama kuli.

Kolosi 4:3

Yin yaa jaandi o mani tipo ke wan pa ti u sanu tin fidi ki yaa wangi o Laabaaliŋamo, ki doagidi o *bondoaginkaala yaala n tie Kilisiti maama fuuli. Li tie laa maama po ke n ye ne li kpaadidieli nni.

1 Tesaloniki 1:6

Yi den ŋoadi tinba leni o Diedo fuuli ki ga U Tienu Maama baa o falaciamo siiga leni U Tienu Fuoma n puuni yaa pamanli.

1 Tesaloniki 5:14

Ti kpiiba, ti go tundi ki mia yi yin tuodi ki yaa tundi yaaba n ye sindisindi yema, ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.

1 Tesaloniki 5:20

Yin da fali mani sawali maama kuli.

1 Timote 4:13

Hali min baa cua, ŋan tieni ania ki yaa cogi U Tienu maama ki yaa tundi ba ki go bangi ba.

1 Timote 5:20

Ŋan fu leni yaaba n tieni ti *tuonbiadi bi niba kuli nintuali, ke yaaba n sieni n jie.

2 Timote 2:21

Lanwani o nilo yaa ŋanbi o yuli ki paadi leni min maadi yaa biadima maama na kuli, o baa tie nani yaa tadiga n tie a tuonkpiaga po yeni, o canbaa n gagidi yaaga o tuonli po ke ki pia mi fuoma ki bogini ki dagidi yaa tuonli n ŋani kuli po.

2 Timote 2:25

Wan go yaa tie yua n tundi yaaba n yiedi opo leni mi dingima, ki yaa sugini U Tienu n pa ba ban lebidi bi yama, ki fidi ki bandi i moamoani,

2 Timote 3:10

Ama fini, a den ŋoadi n bangima, leni n tagu leni n yanjaga, leni n dandanli, leni n dingima, leni n buama, leni n juunli,

Titi 1:13

Laa siedi tie moamoani. Lani yaa po ŋan fu leni ba boncianla ke ban baa li dandanmoanli,

Titi 2:15

Lani n tie ŋan baa maadi maama, ki tundi ba ki tigini ba, ki fu leni ba leni li bali. Ŋan da tuo oba kuli n fali a.

Hebilunba 13:22

N kpiiba, n mia yi ke yin juuni ki ga i naa tundi, kelima min diani yipo yaa maama ki fuu.

Mi Doagidima 3:19

Mini, n fu ki go tundi min bua yaaba leni tundifala. Lanwani ŋan go baa li yankuali ki pugini, ki lebidi a yama.