2 Timote 3:3 - Gourmanchéma Bible

³ Bi go baa tie yaaba n bia ki naa pia niñingbadima, ki tie ku tuotabigu danba, leni yaaba n kaa kubi bi yula, leni ku tugutongu danba, ki tie bi niŋanba kuli yibalinba,

U TIENU MAAMA TILI 2013

³ Bi go baa yaa tie yaaba n bia ki naa gba ninñima, ki tie tuotabigu danba, yaaba n kaa kubi bi yula leni tugutongu danba, ki tie bi niŋanba kuli yibalinba,

2 Timote 3:3 ပူးပေါင်းရင်းမြစ်များ

Mi cilima 49:7

Bi pabienli n tua ti solindi yaa bonla. Kelima li poagili bi niba. Bi pafiima moko n tua ti solindi kelima mi pia i nunkuomi. N baa paadi ba Jakobo yaaba siiga, N baa yadi ba Isalele yaaba siiga.

Pisomi 15:4

Waa nua ki faadi U Tienu n yie yua, Ama o jigindi yaaba n fangi Li Miali Diedo. O yaa niani ñoanianu bonla po baa li yaa baa biidi opo, O kan lebidi, o baa kubi o ñoanianu.

Pisomi 22:6

Bi den yen kpaani ki miadi a todima Ke a den yen faabidi ba. Bi den dugi apo, baa den laadi fe.

Esayi 53:3

Bi niba den fali o, ki ŋa o Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie pu.

Esayi 60:14

Yaaba n faligidi a bijaba baa gbaani a taana kani ki pugi a. Bi baa yaa yi a dogu Li Miali Diedo dogu, Isalele Tienu Yua n Gagidi ki ŋani yaa Siyono.

Danieli 8:23

Mi dienaadima yeni paalu yaa tuoni mi bianu ke ti tuonbiadi danba yiema biagi ki pundi mi bianu, yaa bado yaa nunga n bia ki bani i janbi baa fii.

Matie 10:21

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

Matie 4:1

Lani n pendi *U Tienu Fuoma den gedini Jesu mi fanpienma nni ke Sutaani tulini o.

Luki 10:16

Jesu go den yedi o ŋoadikaaba: «Yua n cengi yi maama cengi n yaama, yua n yie yi mo yie mini, yua n yie mini mo yie yua n soani nni.»

Luki 16:14

*Falisieninba yaaba n den bua i ligi ke li kandi den gbadi lankuli ki ñuadi Jesu.

Jan n diani U Tienu Laabaaliŋamo maama 6:70

Jesu den goa ki yedi ba: «Naani mini ka den gandi yinba bi piiga n niliediba te? Ama yi siiga nni yendo tie cicibiadiga.»

LOMA YAABA 1:29

Yaala n kaa tiegi kuli gbie bi pala nni, yaala n bia, leni mi ŋaliŋabuama, leni mi biadima. Bi pala go gbie leni li nunponli, leni mi kukpama leni li koanli leni mi niama kuli, leni bu nunfanbiadibu leni ku tugutongu.

LOMA YAABA 1:31

Baa pia yanfuoma, baa kuandi ban niani yaa ñoaniani, baa pia nitoaba po padingili leni niñingbadima.

1 Korenti 7:5

Yin da yie mani yiyaba po, kali yikuli yaa juogi ki tuo ki bili u yogunu waamu i jaandi po. Lani yaa pendi, yin goa ki taani leni yiyaba ke Sutaani n da tulini yi kelima yi gbali yi gbanandi kubima.

1 Korenti 7:9

Ama bi yaa kan fidi ki kubi bi gbanandi, ban tieni li ñiigili, kelima bi yaa tieni li ñiigili ŋani ki cie bi gbanandi n yaa fiidi bipo nani mi fantama n co yeni, ki paadi ba.

1 Tesaloniki 4:8

Lani yaa po yua n yie laa tundi kuli, waa yie nisaalo ka, o yie U Tienu yua n puni yi o Fuoma yo.

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba po li bonla kuli nni.

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi U Tienu po, ki kubi o yuli.

Titi 2:3

Ŋan go yaa wangi a pociana ke bi tagi n yaa tuugi leni mi gagidiŋanma, ban da tie tuotabigu danba, yaaka dañogaada. Ama li pundi ban yaa bangi yaala n ŋani,

Jaki 2:6

Ama yinba, yi fali o luodo. Laa tie a piada ka mabindi yi ki caani yi li bujiali kani?

2 Pieri 2:14

Bi nuni gbie leni mi conconma. Bi kan tieni tuonbiadi ki guo. Bi boandi ki dadi yaaba n tadi, ki gbie leni mi ŋaliŋabuama. U Tienu solindi jagi bi yula po.

2 Pieri 2:19

Bi niani ba ke bi baa baa mi *faabima, ama bani biba tie ti joagindi yonbi, kelima nilo kuli tie yaala n diedi o yaa yonbo.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ke ban baa bikani li baali.

Jude 1:18

Bi den tua yi: «Mi juodima yogunu li ñuali danba baa ye, yaaba n ŋua bi gbanandi bonbuakaala, ki yie U Tienu.»

Mi Doagidima 13:15

O go den baa u paalu ki teni ke ki fuayankpiaga nannanli fo, ki fidi ki maadi ki teni ban kpa yaaba n kaa tuo ki gbaani ki kpiagi ki fuayankpiaga nannanli kuli.

Mi Doagidima 13:17

ke oba kuli kan fidi ki da liba, yaaka ki kuadi liba kuli, kali wan yaa pia mi maalima yeni, yaaka ki fuayankpiaga yeli, yaaka ki yeli coali.

Mi Doagidima 16:6

A teni ke bi ñuni Ban den wuli yaa *nigagidiŋanba Leni yaa sawalipuaba kuli soama. Bi ŋani yene.»

Mi Doagidima 17:6

N den laa ke o pua yeni ñuni bi *nigagidiŋanba soama leni Jesu siedinba yaa soama hali ki gaadi. Min den laa o yeni, li den paki nni boncianla.