2 Samueli 8:6 - Gourmanchéma Bible

⁶ O den sieni bi toatieba Damasa, Sili diema nni. Sili yaaba mo den tua Dafidi naacenba, ki den pa o li lubili. Li Miali Diedo den puni Dafidi mi paadima wan den gedi naankani kuli.

U TIENU MAAMA TILI 2013

⁶ O den kaani a koanbala Damasi, Siiri diema nni. Siiri yaaba mo den tua Davidi naacenba, ki den pa o li lubili. O Diedo den puuni Davidi mi paadima wan gedi naankani kuli.

2 Samueli 8:6 ပူးပေါင်းရင်းမြစ်များ

2 Samueli 10:19

Hadadeseli n den die yaa batieba kuli n den laa ke Isalele yaaba paadi ba, bi den goa ki mangi leni bani Isalele yaaba ki teni ke bi diedi ba. Sili yaaba ki go den tuo ki todi Amoni buolu yaaba.

2 Samueli 23:14

Dafidi den ye u wuonkaanpaalu nni, ke Filisiti yaaba toagoli yenli ye Betelema.

2 Samueli 3:18

Yin di dini o mani moala, kelima Li Miali Diedo den maadi o maama ki yedi: ‹N baa taa n naacemo Dafidi yo ki faabi n niba Isalele yaaba Filisiti yaaba leni bi yibalinba kuli nuu nni.› »

2 Samueli 5:10

Dafidi paalu den pugidi kelima Li Miali Diedo, U Tienu, U Paaciamu Kuli Daano den ye leni o.

2 Samueli 7:9

N den ye leni a ŋan den goadi naani kuli, n den bolini a yibalinba kuli a nintuali, ki teni ke a yeli kpedi ki yabidi nani ŋanduna nicianba yaa yela n yaba maama yeni.

2 Samueli 8:14

O den kaani o koanbala Edomi diema nni ke bi die Edomi yaaba. O den diedi Edomi diema kuli. Li Miali Diedo den kubi Dafidi wan gedi naankani kuli.

2 Samueli 8:2

O go den paadi Moabi yaaba moko. O den teni ke bi duani tiipo ke o kpa niba taa siiga kuli niba lie. Niba taa siiga kuli o den ŋa niyendo leni li miali. Dafidi den diedi ba ki teni ke bi pa li lubili.

2 Samueli 8:7

Dafidi den gaa Hadadeseli naacenba n den kubi yaa wula gbankoanditi ki gedini ti Jelusalema.

2 Bi Badiba 1:1

Akabi n kpe, Moabi yaaba den fiini mi yiema Isalele yaaba po.

2 Bi Badiba 14:28

Jeloboami jama yua n sieni, wan tieni yaala kuli, wan koani yaa jama bu toabu nni, wan den teni ke Isalele goa ki diedi Damasa leni Hamati, Juda n die yaa dogi, likuli diani Isalele batieba jama tili nni.

2 Bi Badiba 18:7

Li Miali Diedo den ye leni o ki todi o ke o *ŋantaadi cuoni. Wani Esekiasi den yie ke Asili bado kan go yaa die o.

2 Bi Badiba 3:4

Moabi bado Mesa den pia ti yandi boncianla. O den pa Isalele diema bado li lubili: pebila tudakobiga (100 000) leni petona tudakobiga leni bi kobidi.

1 Bi Badiba Jama 18:13

O den kaani bi toatieba Edomi nni ke Edomi yaaba kuli den tua Dafidi naacenba. Li Miali Diedo den puni Dafidi mi paadima, wan den gedi naankani kuli.

2 Bi Badiba Jama 17:2

O den sieni a toagola Juda diema dopaali kuli nni, ki go den kaani gufeneelinba o diema nni leni o baa Asa n den fie yaa dogi Efilayima yaaba kani nni.

Pisomi 140:7

Ama n den yedi Li Miali Diedo: «A tie n Tienu! Li Miali Diedo diadi a tubili ki cengi n miabu!

Pisomi 60:10

Moabi diema tie n ñinwalitiagu. N luni n cacaagu mo Edomi diema po. N fii ki sedi Filisiti diema yaaba po Ki kuudi bu toabu kuudi.»

Mi Kpanjama 21:31

Bi paani o taamo li gaali bu toabu po, Ama Li Miali Diedo n puuni mi *faabima.

1 Samueli 13:3

Jonatan den paadi Filisiti toagoli yaali n den ye Geba, ke Filisiti yaaba den gbadi. Lane Sayula den teni ke bi piebi kakacinba mi diema kuli nni ki waani Ebilu yaaba yaala n tieni.

1 Samueli 14:1

Dayenli Sayula bijua Jonatan den yedi yaa jawaalo n tugi o toatiadi: «Cua na tin suagi ki pundi Filisiti yaaba toanagibiga yaaga n ye ti nintuali.» Ama waa den waani o baa.

1 Samueli 14:15

Lane ti jawaandi den cuo yaaba n den ye Filisiti yaaba toanagili nni leni i tinkundogi nni leni bi toatieba kuli. Li toanagili yaaba leni yaaba n den goadi ki fenli kuli den digibi leni ti jawaandi, ki tinga mo den digibi. U Tienu n den teni ke laa jawaanciandi cuo ba.

1 Samueli 14:6

Jonatan den yedi yaa jawaalo n tugi o toatiadi: «Cua tin suagi ki pundi a jifola yeni toanagibiga. Daalinba Li Miali Diedo baa todi ti, kelima liba kuli kan yie ke Li Miali Diedo kan teni tin paadi, ti yaa yaba bi ti yaa wa.»