2 Samueli 8:3 - Gourmanchéma Bible

³ Dafidi go den paadi Sili diema yaa diebiga Tisoba yaa bado Lehobi bijua Hadadeseli. O den paadi o, wani Hadadeseli n den moandi ke o baa goa ki diedi u kpenciamu Yufilata yaa yogunu.

U TIENU MAAMA TILI 2013

³ Davidi go den paadi Siiri diema yaa diebiga Tisoba yaa bado Rehobi bijua Hadadeseri. O den paadi o, wani Hadadeseri n den moandi ke o baa guani ki diedi u kpenciamu Efrati yaa yogunu.

2 Samueli 8:3 ပူးပေါင်းရင်းမြစ်များ

Mi cilima 15:18

Laa daali denge ke Li Miali Diedo den kuani o *ŋantaado leni Abalama ki yedi o: «N puni a yaa yaabila mi naa diema ki cili Ejipiti yaa kpenu ki gedi hali u kpenciamu, lani n tie Yufilata.

2 Samueli 10:15

Sili yaaba n den laa ke Isalele yaaba paadi ba, bi den taani bi toagola kuli.

2 Samueli 10:16

Hadadeseli den soani ke bi ban yini Sili yaaba yaaba n den ye u kpenciamu Yufilata duoli. Bi den cua Elami. Hadadeseli toatieba yudaano Sobaki den tugi bi yuli.

2 Samueli 10:19

Hadadeseli n den die yaa batieba kuli n den laa ke Isalele yaaba paadi ba, bi den goa ki mangi leni bani Isalele yaaba ki teni ke bi diedi ba. Sili yaaba ki go den tuo ki todi Amoni buolu yaaba.

2 Samueli 10:6

Amoni buolu yaaba den laa bi yama nni ke bi fiini Dafidi pali, ki teni ke o nandi ba. Lani yaa po bi den taa Sili yaaba yaaba n ye Beti-Lehobi leni yaaba n ye Tisoba siiga taacenda tudapiilie (20 000), Maaka bado yaa kani minteela tudili, Tobi yaa niba yaa kani mo piiga n tudalie (12 000) ki baa pa ba i ligi.

2 Samueli 23:36

leni Tisoba yua Natan bijua Jigeali, leni Gada yua Bani,

1 Bi Badiba Jama 18:3

Dafidi den pua ki paadi Tisoba bado Hadadeseli ki goa Hamati po, wani Hadadeseli n den gedi ki ban kali ki diedi Yufilata kpenciamu kani yaa yogunu.

2 Bi Badiba Jama 8:3

Salomono den fii ki baa Hamati dogu yu n ye Soba diema nni bu toabu ki paadi u.

Pisomi 60:1

Bi yanyanba yudaano yani siiga yanbu yaabu n yiini leni ku kogidigu. Dafidi yanbu mi tiadima po. Li tie mi bangima po. Li maadi Dafidi n den tuogi bu toabu leni Sili diema niba yaaba n den ka Mesopotami leni Soba diema nni. Ban den ñani lipo ki kpendi, Joabi, Dafidi toagola yudaano den pua ki paadi Edomi toatieba ke bi den tie niba piiga n tudalie (12 000) ki ka mi yaama Joaloangu nni.

Pisomi 72:8

O baa yaa die mi naa ñincianma kunu Ki gedi hali mi yama kunu, Ki cili u kpenciamu Yufilata Ki yaa die ki caa hali u tinbianu.

Mi Ñama 23:31

A diema baa cili mi ñincianmoanma kani ki yaa caa hali Filisiti yaaba ñincianma, ki go taa mi fanpienma kani ki ban pundi u kpenciamu kani kelima n baa teni ŋan paadi mi diema yaaba. A baa deli ba a nintuali.

Mi Tiadima 11:24

Yi taana n baa ŋma naankani kuli baa tie yi yaale. Yi tinbiani baa cili mi fanpienma ki ban tuoni Libani, ki go taa Yufilata kpenu kani ki ban tuoni hali nintuali ñincianma.

1 Samueli 14:47

Sayula n den dini li bali Isalele yaaba diema nni, o den caa i kaani kuli ki togidi leni o yibalinba kuli bu toabu, bani Moabi yaaba, leni Amoni yaaba, leni Edomi yaaba, leni Tisoba badiba, leni Filisiti yaaba kuli. Wan den gedi naankani kuli, o den paadi ba.