2 Samueli 8:2 - Gourmanchéma Bible

² O go den paadi Moabi yaaba moko. O den teni ke bi duani tiipo ke o kpa niba taa siiga kuli niba lie. Niba taa siiga kuli o den ŋa niyendo leni li miali. Dafidi den diedi ba ki teni ke bi pa li lubili.

U TIENU MAAMA TILI 2013

² O go den paadi Moabi yaaba moko. O den teni ke bi duani tiipo, ke o kpa nibitaa siiga kuli nibilie. Nibitaa siiga kuli o den ŋaa niyendo leni li miali. Davidi den diedi ba ki teni ke bi pa o li lubili.

2 Samueli 8:2 ပူးပေါင်းရင်းမြစ်များ

2 Samueli 12:31

O den ñani bi dotieba u dogu nni ki teni ke bi tuuni leni ti sasaadi, leni a cecela, leni a yala, ki go teni ke bi pua i tankonkuomi ki juugi i. O den tieni Amoni buolu dogi niba kuli yeni. Lani yaa puoli Dafidi leni bi toatieba kuli den kuni Jelusalema.

2 Samueli 8:6

O den sieni bi toatieba Damasa, Sili diema nni. Sili yaaba mo den tua Dafidi naacenba, ki den pa o li lubili. Li Miali Diedo den puni Dafidi mi paadima wan den gedi naankani kuli.

2 Bi Badiba 1:1

Akabi n kpe, Moabi yaaba den fiini mi yiema Isalele yaaba po.

2 Bi Badiba 17:3

Asili bado Salimanasa den cua Isalele yaaba diema nni ki tuogi leni Ose bu toabu ki paadi o. O den diedi o ki teni ke o pa li lubili.

1 Bi Badiba Jama 18:2

O den pua ki paadi Moabi yaaba ke Moabi yaaba den tua Dafidi naacenba ki pa o li lubili.

2 Bi Badiba Jama 26:8

Amoni yaaba den pa Osiasi li lubili. Osiasi den baa u paalu hali boncianla ke o yeli mo den ñani ki pundi Ejipiti tinkuni.

Pisomi 108:9

Mini n die Galaadi diema, Mini go die Manase diema moko. Efilayima diema tie n kusancibinkaali. Juda diema mo n tie n badigbiamu.

Pisomi 18:45

Bi nilanba duondi nni, N yaa yedi yaala, bi tuodi lane.

Pisomi 60:10

Moabi diema tie n ñinwalitiagu. N luni n cacaagu mo Edomi diema po. N fii ki sedi Filisiti diema yaaba po Ki kuudi bu toabu kuudi.»

Pisomi 60:8

U Tienu maadi o *kaangagidiŋamu nni ki yedi: «N baa koani ki paadi. N baa boagidi Sikema diema, Ki biigi Sukoti joaloangu.

Pisomi 83:6

Bikuli taani ki juogidi, Ki bili ke bi baa taani ki koani leni a.

Esayi 36:16

Da cengi mani Esekiasi kelima Asili bado yedi nanda: ‹Danli mani leni nni, taa mani yi yula ki teni nni, lani n tie yua kuli n baa ki je o duven tiidi leni o kankandi bonluonkaala, ki ño o caali ñima,

Mi Coadima 24:17

N nua yaala n baa tieni, ama laa tie moala po, N diidi ki laa bonŋanla, ama li da foagi. Ki ŋmabiga ñani Jakobo puoliŋuani siiga, Yua n kubi u badigbiamu fii bani Isalele yaaba siiga. O pua ki poagili Moabi yaaba, O baa bolini Seta puoliŋuani kuli.

1 Samueli 10:27

Ama bi nibiadiba den ye yaaba n yedi: «Joo! One n baa faabi ti?» Bi den fali o kaa cuani opo paabu. Ama Sayula ki den taa la ki kuani o yama nni.

1 Samueli 14:47

Sayula n den dini li bali Isalele yaaba diema nni, o den caa i kaani kuli ki togidi leni o yibalinba kuli bu toabu, bani Moabi yaaba, leni Amoni yaaba, leni Edomi yaaba, leni Tisoba badiba, leni Filisiti yaaba kuli. Wan den gedi naankani kuli, o den paadi ba.

1 Samueli 22:3

Dafidi den fii lankani ki gedi Moabi diema nni Mitisipa dogu. O den yedi Moabi bado: «N mia ŋa ŋan cedi n baa leni n naa n cua ki yaa ye a kani hali min bandi U Tienu n baa tieni npo yaala.»

1 Samueli 22:4

O den gedini ba Moabi bado kani ke bi den ye lankani wani Dafidi n den ye u kaanpaalu nni yaa yogunu kuli.