2 Samueli 8:18 - Gourmanchéma Bible

¹⁸ Sedaja den kubi a tila tuonli. Yeoyada bijua Benaya den tugi Keleta leni Peleti yaaba yuli. Dafidi bijaba mo den tie wani Dafidi todikaaba.

U TIENU MAAMA TILI 2013

¹⁸ Seraya den kubi a tila tuonli. Yeoyada bijua Benaya den tugi Keleti leni Peleti yaaba yuli. Davidi bijaba mo den tie wani Davidi todikaaba.

2 Samueli 8:18 ပူးပေါင်းရင်းမြစ်များ

2 Samueli 15:18

Bi naacenba kuli leni Keleta yaaba leni Peleti yaaba kuli den tagini ki pendi o bado nintuali. Gati dogu po yaaba yaaba n den yegi leni o ki ñani Gati den pundi kobiluoba. Bimoko den tagini ki pendi o nintuali.

2 Samueli 20:23

Joabi den tie bi guudikaaba yudaano. Yeoyada bijua Benaya den tugi Keleta leni Peleti yaaba yuli.

2 Samueli 20:26

Jayili yaabili Ila mo den tie Dafidi todika.

2 Samueli 20:7

Lane Abisayi den fii ki gedi, wani leni Joabi yaa minteela, leni Keleta diema yaaba, leni Peleti diema yaaba, leni a jakoanda kuli. Bi den ñani Jelusalema ki ŋoadi Bikili bijua Seba.

1 Bi Badiba 1:38

Lanwani o kopadiciamo Tisadoki leni o sawalipualo Natan leni Yeoyada bijua Benaya leni Keleta yaaba leni Peleti yaaba den gedi ki ban jagini Salomono o bado Dafidi buomo ki gedini o Gihoni.

1 Bi Badiba 1:44

ki soani o kopadiciamo Tisadoki, leni o sawalipualo Natan, leni Yeoyada bijua Benaya, leni Keleta yaaba leni Peleti yaaba ke bi jagini o wani o bado buomo.

1 Bi Badiba 1:8

Ama o kopadiciamo Tisadoki, leni Yeoyada bijua Benaya, leni o sawalipualo Natan, leni Dafidi jakoanda wani ki den taa Adonija po.

1 Bi Badiba 2:25

Lanwani o bado Salomono den soani Yeoyada bijua Benaya ke o ban ku o.

1 Bi Badiba 4:4

Yeoyada bijua Benaya den tie bi toatieba yudaano, Tisadoki leni Abiata den tie bi kopadicianba.

1 Bi Badiba 4:5

Natan bijua Asalia den tugi bi cancantieba yuli. Natan bijua Sabudi den tie o bado todika, o ñoaliebu.

2 Bi Badiba 11:4

Li binleleeli, Yeoyada den soani ke bi cuani bi guudikaaba kobigakobiga yudanba leni yaaba n yen tiini yaa yudanba. O den teni ke bi kua o kani Li Miali Diedo diegu nni. O den kuani o *ŋantaado leni ba ki teni ke bi poli Li Miali Diedo diegu nni, o den waani ba o bado bijua.

1 Bi Badiba Jama 11:22

Yeoyada bijua Benaya den tie jakoandimoano yaa yaabili, yua n den bili jama boncianla, ki tie Kabitiseeli domaabiga. Wani n den pua ki paadi Moabi jakoanda niba lie yaaba n den yi Alieli bi kuli. Wani n go den jiidi ku cakpenkpeeku nni ki ku o yangbanlo ti waciandi nni.

1 Bi Badiba Jama 18:17

Yeoyada bijua Benaya n den tie Keleta leni Peleti yaaba yaa yudaano. Dafidi bijaba mo n den ŋua o bado.

Esekieli 25:16

Lani yaa po n teni ke mini o Diedo, Li Miali Diedo yedi mi ne: N baa tandi n nuu ki yie Filisiti yaaba po. N baa bolini Keleta yaaba. N go baa teni yaaba n sieni ki ye mi ñincianma jaali po n bodi.

Sofoni 2:5

Fala n baa yi, yinba yaaba n tie Kafitodi yaaba, Ki ye mi ñincianma balinma. U Tienu jagi ki bili yipo yaa buudi n tie na ki yedi: «Yinba Kanana yaaba, Yaaba n ye Filisiti yaaba dogi nni, N baa bolini yi, Baa niyendo kan sieni.

1 Samueli 30:14

Ti den baa Filisiti buolu Keleta yaaba diema ganu po, leni Juda diema nni, leni Kalebi diema ganu po. Ti go den sia Sikilagi dogu.»