2 Samueli 8:1 - Gourmanchéma Bible

¹ Li yaa puoli Dafidi den paadi Filisiti yaaba ki miidi ba. O den fie bi bali ke baa go pia bali bi diema nni.

U TIENU MAAMA TILI 2013

¹ Li yaa puoli, Davidi den paadi Filisiti yaaba ki miidi ba. O den fie bi bali ke baa go pia bali bi diema nni.

2 Samueli 8:1 ပူးပေါင်းရင်းမြစ်များ

2 Samueli 19:9

Lanwani o bado den fii ki gedi ki kali u dogu bilinciamu buliñoabu kani. Bi den waani bi niba kuli ki yedi: «O bado kaa u dogu bilinciamu buliñoabu kani.» Lanwani bi niba kuli den cua o bado kani. Ama Isalele yaaba toatieba den sani ki kuni yua kuli o denpo.

2 Samueli 2:24

Joabi leni Abisayi den ŋoadi ki deli Abineli. U yienu n kua yaa yogunu bi den pundi Ama joabiga kani ki ye Giya dogu nni, Gabaono fanpienma sanu nni.

2 Samueli 22:44

A faabi nni leni n niba janjanma, A kubi nni ke n tua i nilanbuoli bado, Min kaa den bani yaa nibuolu tua n yonbi.

2 Samueli 5:17

Filisiti yaaba n den gbadi ke bi dini Dafidi li bali ke o tua Isalele yaaba bado, bi den taani ki gedi ke bi baa cuo o. Dafidi n den gbadi lani, o den jiidi ki kua u kaanpaalu nni.

2 Samueli 5:25

Dafidi den tieni Li Miali Diedo n den yedi maama, ki paadi Filisiti yaaba ki deli ki ñani ba Geba dogu ki ban pundi hali Geseli dogu.

2 Samueli 7:9

N den ye leni a ŋan den goadi naani kuli, n den bolini a yibalinba kuli a nintuali, ki teni ke a yeli kpedi ki yabidi nani ŋanduna nicianba yaa yela n yaba maama yeni.

Pisomi 18:43

N pua ki lendi ba nani ku faagu n lendi yaa tangungu yeni. N koadi ba nani u sanu nni moamoadi yeni.

Pisomi 60:8

U Tienu maadi o *kaangagidiŋamu nni ki yedi: «N baa koani ki paadi. N baa boagidi Sikema diema, Ki biigi Sukoti joaloangu.

Hebilunba 11:33

Bi dandanli po den teni ke bi paadi mi diema boncianla, ki tiendi yaala n tiegi, ki go baadi U Tienu n den niani ba yaala. Bi den luoni i yangbanli ñoana,

Hebilunba 11:34

ki go gbindi yaa fantama n co jama, ki sani ki faabi bi yula mu jugisiemu ñoana nni, ki paadi i yiani, ki tua jakoanda bu toabu nni, ki deli bi nilanba toagola.

1 Samueli 7:13

Bi den paadi Filisiti yaaba yene. Baa go den kpendi Isalele yaaba diema nni. Li Miali Diedo nuu den miabi Filisiti yaaba hali Samueli miali banlu kuli.