2 Samueli 7:24 - Gourmanchéma Bible

²⁴ A gandi a niba Isalele yaaba ki bili ke ban yaa tie a yaa niba yaa yogunu kuli. Fini Li Miali Diedo, amo tua bi Tienu.

U TIENU MAAMA TILI 2013

²⁴ A gandi a niba Isidayeli yaaba ki bili ke ban yaa tie a yaa niba yaa yogunu kuli. Fini o Diedo, a mo tua bi Tienu.

2 Samueli 7:24 ပူးပေါင်းရင်းမြစ်များ

Mi cilima 17:7

N baa kuani n ŋantaado leni fini leni a puoliŋuani nifiima nni kuli. Li baa yaa tie yaa ŋantaado kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.

Mi cilima 17:8

N baa pa fini leni a puoliŋuani yaaba n ŋua a puoli ŋan ye yaa diema nni moala ki tie o caano, Kanana diema kuli yeni ke man yaa tie bi yaa diema yaa yogunu kuli po. N baa tie bi Tienu.»

2 Samueli 7:23

Naani nibuoluba go ye ŋanduna nni ki naani leni a niba Isalele yaaba, fini U Tienu n den cua ki da ki faabi yaaba ki teni ke bi tua a niba ki kpedi a yeli bi? A den tieni a niba Isalele yaaba po leni a diema po kuli mi bancianma leni li bonlidikaala, lani n tie ke a den deli i nilanbuoli leni bi buli kuli ki ñani ba a niba Isalele yaaba nintuali, bani ŋan den da ki faabi yaaba Ejipiti nni.

2 Samueli 7:25

Moala, Li Miali Diedo U Tienu, ŋan tieni ŋan yedi yaala, ŋan teni ke ŋan niani mini a naacemo leni n diegu yaala kuli n yaa ye hali yaa yogunu kuli.

1 Bi Badiba Jama 17:22

A den bili ke a niba Isalele yaaba baa yaa tie a niba yaa yogunu kuli po, fini Li Miali Diedo mo n tua bi Tienu.

Pisomi 48:14

Diidi mani u bilinciami bonŋanla, Ki yaa faami mani u kaanpaali bonŋanla. Lani n tie yin baa ki togidi yaa nifiima n baa fii,

Mi Ñama 15:2

Li Miali Diedo n tie n fidu leni min baa pagi yua Wani n tie n *faabima. O tie n Tienu, n baa jigini o. O tie n baa yaa Tienu, n baa kpiagi o.

Mi Ñama 6:7

N baa taa yi yin tua n niba. N baa tie yi Tienu ke yi baa bandi ke li tie mini Li Miali Diedo yi Tienu. N baa faabi yi leni Ejipiti yaaba n tuuni yi yaa tuona kuli.

Esayi 12:2

N *faabima Tienu, n baa dugi apo, n kaa jie, Kelima Li Miali Diedo n tie n paalu leni n yanbu. O tua n faabima.»

Jeremi 31:1

Li Miali Diedo yedi: «N baa yaa tie Isalele yaaba kuli Tienu, Bi mo n yaa tie n niba.»

Jeremi 31:33

Mini Li Miali Diedo yedi: «Diidi mini baa kuani yaa ŋantaado Leni Isalele diema yaaba. Laa dana yaa pendi N baa kuani n *balimaama bi yantiana nni. Ki diani ma bi pala nni. N baa tie bi Tienu, Bani mo baa tie n niba.

Jeremi 32:38

Bi baa yaa tie n niba, N mo baa yaa tie bi Tienu.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Jan n diani U Tienu Laabaaliŋamo maama 1:12

Ama yaaba n tuo ki ga ma kuli, ki daani o yeli nni, mi dini ba li bali ke bi tua U Tienu bila.

Mi Tiadima 26:18

Li Miali Diedo go niani yi ke yi baa yaa tie wani oba n die yaaba nani wan yedi maama, ki go yaa kubi o bali maama kuli.

Mi Tiadima 27:9

Musa leni bi kopadicianba Lefi buolu yaaba den maadi leni Isalele yaaba kuli yaa maama n tie na: «Isalele yaaba sedi mani suo ki cengi! Dinla yi tua Li Miali Diedo yi Tienu niba.

Mi Tiadima 32:6

Naani yi tungi Li Miali Diedo yo yi tagili Yinba yaa nibuolu n luo mi yama kaa go pia yanfuoma yeni? Naani wani kaa tie yi baa leni yi Tagido? Naani wani kaa den tagi yi ki den puni yi u fidu?

1 Pieri 2:10

Yii den kpa tie n nibuolu, ama moala yi tua o nibuolu. Yii den kpa baa ke o gbadi yipo niñima, ama moala o gbadi yipo mi niñima.