2 Samueli 6:5 - Gourmanchéma Bible

⁵ Dafidi leni Isalele yaaba kuli den pua Li Miali Diedo nintuali baantiabuolu kuli. Bi den pua ban den taa sipilesi tiidi daadi ki kpie yaa gangaana leni yaa kogididajena leni yaa gangaamu, ki go pua a kogidiyela leni i sasagi, leni mu lonmu.

U TIENU MAAMA TILI 2013

⁵ Davidi leni Isidayeli yaaba kuli den pua baantiabuolu kuli o Diedo nintuali. Li den sua ke bi taa sipre tiidi daadi ki kpie a gangaana, a gogididajena, i sasagi, mu lonmu leni ban den tieni yaa kupandi. Bi den taani ki pua li kuli.

2 Samueli 6:5 ပူးပေါင်းရင်းမြစ်များ

2 Bi Badiba 3:15

Ama moala yin cuani npo kogidipualo ne.» O kogidipualo n den pua o kogidigu, Li Miali Diedo paaciamu den kua Elise nni,

1 Bi Badiba Jama 13:8

Dafidi leni Isalele yaaba kuli den jeli U Tienu nintuali leni ti kogiditi, mu lonmu, kakacinba leni bi fidu kuli leni i yani.

1 Bi Badiba Jama 15:28

Isalele yaaba kuli den ban taa Li Miali Diedo ŋantaadikpaku leni li pamanli kpaani ke li yegi leni li naatuntunli leni kakacinba piebima, mu lonmu leni ti kogiditi puama.

2 Bi Badiba Jama 20:28

Bi den pua ti kogiditi ki piebi kakacinba, ki kua Jelusalema ki pundi hali Li Miali Diedo diegu kani.

Pisomi 47:5

O gandi tipo ti diema tinba Jakobo puoliŋuani Wan bua yua yeni yaa kpiagidi po. *Joma

Danieli 3:10

A den ñani li ñoabonli ki yedi ke yua n gbadi a naatuntuna leni mu yelimu, leni ti kogiditi, leni mu sielimu leni a kogididajena leni yaa baantiadi n sieni kuli fuugu, wan labini ki kpiagi li wula nisaali-nannanli ne.

Danieli 3:15

Moala yin bogini mani, yi yaa go gbadi a naatuntuna, mu yelimu, ti kogiditi, mu sielimu, a kogididajena leni yaa baantiadi n sieni kuli fuugu, lanyogunu liga yin labini ki kpiagi min teni ke bi tieni yaa nisaali-nannanli yeni. Yi yaa pugi li, lanyogunu-lanyogunu bi baa lu yi yaa buaga n yigidi ki tuoni niinni. O laa bulo n baa fidi ki faabi yi n nuu nni?»

Danieli 3:5

Yi yaa gbadi a naatuntuna, mu yelimu, ti kogiditi, mu sielimu, a kogididajena, ti tankpelundi leni yaa baantiadi n sieni kuli fuugu yaa yogunu, yin labini mani ki kpiagi o bado n teni ke bi sieni yaa wula nisaali-nannanli yeni.

Danieli 3:7

Lanwani i nibuoli kuli niba leni diema kuli niba leni i mabuoli niba n den gbadi a naatuntuna, mu yelimu, ti kogiditi, mu sielimu, a kogididajena leni yaa baantiadi n sieni kuli fuugu, bikuli den labini ki kpiagi o bado Nebukanesa n den sieni yaa wula nisaali-nannanli yeni.

Amosi 5:23

Foagidi mani n kani leni yi yani fuugu, Mii cengi yi kogiditi moe.

Amosi 6:5

Yi pua ti kogiditi, Ki tama ke bi bani ti baantiadi nani Dafidi yeni.

1 Samueli 10:5

Li yaa puoli a baa pundi Gibeya-Eloyimi, Filisiti yaaba n pia li toanagili naankani. A yaa kua laa dogu nni, a baa tuogi bi sawalipuaba bongoli ke bi ñani ban padi a pada yaa juali po. Yaaba n pua ti kogiditi leni a gangaana, leni ti kogidiciandi, leni yaaba n piebi mu yelimu baa yaa ye bi liiga. Bani U Tienu sawalipuaba yeni baa yaa pua sawali.

1 Samueli 16:16

Lanwani ti daano, ŋan puogi tinba a naacenba, yaaba n ye a nintuali na, tin lingi yua n bani li kogidipuali, ke ki cicibiadiga yeni yaa fii apo, wan pua apo ku kogidigu lan kagidi apo.»