2 Samueli 6:16 - Gourmanchéma Bible

¹⁶ Li Miali Diedo ŋantaadikpaku n den cuubi ki baa kua Dafidi kaanciamu nni yaa yogunu, Dafidi pua Mikali, Sayula bisalo den diegi li diebonli kani ki nuali. Wan den laa ke o bado Dafidi yugi ki ciini, ki jeli Li Miali Diedo nintuali, o den fali o o pali nni.

U TIENU MAAMA TILI 2013

¹⁶ O Diedo kpaku n den cuubi ki baa kua Davidi kaanciamu nni yaa yogunu, Davidi pua Mikali, Sayuli bisalo den diegi li diebonli kani ki nuali. Wan den laa ke o bado Davidi yugi ki ciini, ki jeli o Diedo nintuali, o den fali o o pali nni.

2 Samueli 6:16 ပူးပေါင်းရင်းမြစ်များ

2 Samueli 3:14

Dafidi den soani a tonda Sayula bijua Isi-Boseti kani ki yedi o: «Teni nni n pua Mikali, min den pani yua yaa po Filisiti yaaba punjuodi kobiga ki taa o yeni.»

2 Samueli 5:7

Ama Dafidi den cuo Jelusalema kaanpaalu Siyono, ki diedi u ke u tua Dafidi kaanciamu.

2 Samueli 6:15

Dafidi leni Isalele yaaba kuli den gedini Li Miali Diedo ŋantaadikpaku, ki kpaani li pamanli kpaani, ki piebi kakacinba.

2 Samueli 6:20

Dafidi moko den kuni ki baan gaali o diegu nni yaaba. O pua Mikali, Sayula bisalo, den ñani ki tuogi o ki yedi: «Dinla, fini Isalele diema bado bi baa ti kpiagidi de, ŋan bi landi a tiadi ki se benbili nani yaa ja n ki pia fuoma ke a naacenba potuada nua a yeni.»

1 Bi Badiba Jama 15:29

Li Miali Diedo ŋantaadikpaku n den kua Dafidi dogu nni yaa yogunu, Mikali Sayula bisalo den diidi li diebonli kani, ki den laa ke o bado Dafidi yugi ki ciini leni li pamanli. Lani, o den nuali ki fali o pali nni.

Pisomi 123:3

Gbadi tipo mi niñima Li Miali Diedo Gbadi tipo mi niñima! Kelima ti coagi leni ban fali ti maama.

Pisomi 69:7

Li Miali Diedo U Paaciamu Kuli Daano, Da tuo ke mini yaa po yaaba n dugi apo n fiagi! Isalele yaaba Tienu, Da ŋa a ŋoadikaaba i fe nni kelima mini yaa po.

Esayi 53:3

Bi niba den fali o, ki ŋa o Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie pu.

Jesu Tondiba Tuona 2:13

Bi tianba mo den ñuadi ba ki tua: «Bi ñuni duven ki gaade!»

1 Korenti 2:14

Ama li nisaali-yantiali n die yua, kan fidi ki ga yaa bonla n ñani U Tienu Fuoma kani, kelima li tie opo yanluobonla. O kan bandi la kelima li bigidi leni U Tienu Fuoma Yua yaa yantiale.

1 Samueli 18:17

Lanwani Sayula den yedi Dafidi: «A yaa tuuni npo leni li papaali ki tiendi Li Miali Diedo toabu, n baa pa ŋa n bisakpelo Melabi, wan tua a pua.» Ama Sayula den bungi o pali nni ki yedi: «Mii bua ki maani opo n nuu, ama Filisiti yaabe n maani opo bi nii.»

1 Samueli 18:20

Ama Sayula bisalo Mikali den bua Dafidi. Bi den waani Sayula, ke laa bonla den dagidi opo.