2 Samueli 5:2 - Gourmanchéma Bible

² Baa hali yogu, Sayula n den tie ti bado yaa yogunu, fini n den gobidi Isalele toagola. Li Miali Diedo den yedi a: ‹A baa yaa gobidi n niba Isalele yaaba, ki yaa tugi bi yuli.› »

U TIENU MAAMA TILI 2013

² Ba hali yogu, Sayuli n den tie ti bado yaa yogunu, fini n den gobidi Isidayeli toagola. O Diedo den yedi a: ‹A baa yaa gobidi n niba Isidayeli yaaba, ki yaa tugi bi yuli.› »

2 Samueli 5:2 ပူးပေါင်းရင်းမြစ်များ

Mi cilima 49:24

Ama o yaa dabanli den se ki pa bonŋanla. O nii den paagi kelima Jakobo n ŋua yua Tie U Paaciamu Kuli Daano. Li tie yene ke o tua Isalele yaaba yankpaalo leni bi tanciangu.

2 Samueli 6:21

Dafidi den goa ki yedi Mikali: «Li Miali Diedo yaa kpiagidi po yo ke n tieni yeni, wani yua n gandi nni ki ŋa a baa leni o diegu nni yaaba kuli, ki dini nni li bali ke n gobidi Li Miali Diedo niba Isalele yaaba. N go baa jeli ki doagidi n pamanli wani Li Miali Diedo yaa kpiagidi po.

2 Samueli 7:7

Min den yegi leni Isalele yaaba naankani kuli, n den pia min puogi yaaba ban yaa gobidi n niba Isalele yaaba. Mii buali bi siiga oba kuli: Be n teni ke yii maa npo diegu ki ŋanbi gu leni sedili tiidi yaa daadi?›

2 Samueli 7:8

Moala ŋan yedi n naacemo Dafidi: ‹Li Miali Diedo, U Paaciamu Kuli Daano yedi mine: N den ñani a u yankpaakaanu kani ŋan den kpaa i pe naani, ki teni ke a tua n niba Isalele yaaba yudaano.

2 Bi Badiba 20:5

«Guani ki ban yedi Esekiasi wani n niba gobidika yaa maama n tie na: ‹Li Miali Diedo a yaaja Dafidi Tienu yedi mine: N gbadi a jaandi, n laa a ninsiidi. Lani yaa po n baa paagi a. Li dantaali daali ŋan gedi Li Miali Diedo diegu nni.

1 Bi Badiba Jama 11:2

Baa hali yogu, Sayula n den tie bado, fini n den gobidi Isalele toagola. Li Miali Diedo a Tienu den yedi a: ‹A baa yaa gobidi n niba Isalele yaaba, ki yaa tugi bi yuli.› »

2 Bi Badiba Jama 1:10

Moala ŋan pa nni mi yanfuoma leni mi bandima ke min fidi gobidi min tugi yaa niba yuli. Kelima ŋme baa fidi ki yaa gobidi a niba yaaba n yaba nande?»

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu Ki taa ba ki ŋmabi. O gobidi yaa peñoe n da ŋaandi.

Esayi 55:4

Diidi n teni ke o tua siedi i nibuoli po, Nani o yudaano, ki gobidi i nibuoli.

Esekieli 34:23

N baa tuni yankpaayende n yangoli yeni yuli, wan yaa faami bipo. N naacemo Dafidi n baa tua bi yankpaalo ki yaa kpaa ba, ki tua bi yankpaamoano.

Mise 5:4

Wani n baa cuani mi yanduanma. Asili yaaba yaa cua ti diema nni Ki kua hali ti dieŋama nni. Ti baa teni bi yudanba boncianla n fii ki sedi bipo.

Mi Coadima 27:17

ki tuni o bi yuli, yua n baa yen ñani ba ki go kuani ba ke Li Miali Diedo niba n da tie nani yaa pe n ki pia yankpaalo yeni.»

Matie 2:6

‹Fini Betelema, yaa dogu n ye Juda nni, Ŋaa tie Juda dociami kuli siiga yaa dogu yaa jigidi n wa ki cie, Kelima o bado, yua n baa gobidi n niba Isalele yaaba, Baa ña fini yaa niinne.› »

Jan n diani U Tienu Laabaaliŋamo maama 10:11

Mini n tie o yankpaaŋamo. O yankpaaŋamo puuni o miali o pe po.

Hebilunba 2:10

U Tienu, yua n den tagi li bonla kuli o yuli po ki go kubi likuli, den bua bila boncianla n taani leni o o kpiagidi nni. Lanwani o den sua ke li den pundi wan teni Jesu n dagidi ki yaa ŋani cain kelima wan laa yaa fala po, ke wan fidi ki tindi ba.

1 Samueli 13:14

Ama moala a bali kan waagi. Li Miali Diedo gandi oba o pali n bua yua ki bili ke laa ja n baa tua o niba yudaano kelima ŋaa kubi Li Miali Diedo n bili apo yaala.»

1 Samueli 16:1

Li Miali Diedo den yedi Samueli: «A baa yaa yagini a yama Sayula po ki pundi u laa yogunu? N yie o, o kan go yaa tie Isalele yaaba bado. Lani ŋan gbieni a yinli mi kpama ki fii. N baa soani a Betelema yua *Isayi kani kelima n gandi o bila siiga min baa dini yua li bali.»

1 Samueli 18:13

Lanwani Sayula den ñani o ki foagidi o o kani, ki teni ke o tua toatieba tudili yudaano. Dafidi den tugi bi yuli bi ñama leni bi guanma kuli.

1 Samueli 18:16

Ama Isalele yaaba leni Juda yaaba kuli den bua Dafidi kelima o den tie bi guudikaaba yudaano ki yen yegi leni ba ki caa bu toabu.

1 Samueli 18:5

Sayula yaa den soani Dafidi naankani kuli, o den yen gedi ki paadi. Lani, Sayula den teni ke o diedi bi toatieba. Bi niba kuli pala den mani Dafidi po. Baa Sayula badibaanba yaa pala moko den mani opo.

1 Samueli 25:28

N mia ŋa ŋan tieni sugili mini a yualo tagili po. Li Miali Diedo baa ti bili fini n daano buolu wun yaa ye kelima a kubi Li Miali Diedo toabu, bi kan le a kani bonbiadiliba kuli mo hali a miali banlu.

1 Samueli 25:30

Li Miali Diedo yaa ti tieni wan maadi apo yaa bonŋanla kuli, ki dini a li bali ke a tua Isalele yaaba bado,

1 Samueli 9:16

«Saala, u naa yogunu, n baa soani a kani Benjamina diema yua. Ŋan wuli o yuli po li bali kpama ki gagidi o wan tua n niba Isalele yaaba yudaano. O baa faabi bani n niba yeni Filisiti yaaba nuu nni, kelima n noanli ki laa n niba fala, bi bubula mo pundi hali n kani.»