2 Samueli 4:8 - Gourmanchéma Bible

⁸ Bi den gedini Isi-Boseti yuli Ebiloni dogu, Dafidi kani ki yedi o: «Sayula bijua Isi-Boseti, a yibali nne, wani yua den bua ki ñani a miali. Dinla Li Miali Diedo tuu fini n daano o bado po li panli Sayula leni o puoliŋuani kani.»

U TIENU MAAMA TILI 2013

⁸ Bi den gedini Isi-Boseti yuli Hebiron dogu, Davidi kani ki yedi o: «Sayuli bijua Isi-Boseti, a yibali nne, wani yua n den bua ki ñani a miali. Dinla o Diedo tuu fini n daano o bado po li panli Sayuli leni o puoliŋuani kani.»

2 Samueli 4:8 ပူးပေါင်းရင်းမြစ်များ

2 Samueli 18:19

Tisadoki bijua Ahimaatisi den yedi: «Cedi min sani ki ban waani o bado o laabaalimano ke Li Miali Diedo pani opo o *teginma panpaani ki faabi o o yibalinba nuu nni.»

2 Samueli 18:31

Lanyogunu Etiopi yua yeni den nagini ki pundi. O den yedi: «Fini o bado, n daano, cengi o laabaalimano. Dinla Li Miali Diedo pani apo a teginma panpaani ki faabi a yaaba n den fiini mi janjanma ki tuogi leni a kuli yaa nuu nni.»

2 Samueli 2:8

Neli bijua Abineli, yua den tie Sayula toatieba yudaano, den taa Sayula bijua Isi-Boseti ki gedini o Mahanayima dogu po.

2 Samueli 22:48

Wani U Tienu yua n tuugi npo li panli, Ki tendi ke n diedi i nilanbuoli.

Pisomi 71:24

Daali kuli n lanbu baa maadi a teginma maama, Kelima yaaba n bua n kuuma kuli i fe cuo ba ke bi fiagi.

Matie 2:20

ki yedi o: «Fii ki taa ki biga leni o naa ki guani Isalele diema po, kelima yaaba n den bua ki kpa ki biga nan kpe.»

Mi Doagidima 18:20

Tanpoli, mangi a pali u bodima po. Yinba bi *nigagidiŋanba, Bi tondiba leni bi sawalipuaba kuli Mo n mangi yi pala. Kelima U Tienu tu yipo li panli Ki jia u ti buudi.»

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi ki daa jia ti buudi leni ki tinga niba nni, ki guani ba bi panpaani ti yaa soama po?»

1 Samueli 18:11

O den yugidi o kpaanli ki tua o pali nni: «N baa muu ki tabini o li goanli.» Ama taalima lie kuli Dafidi den lia ke waa baa o.

1 Samueli 19:1

Sayula den maadi leni o bijua Jonatan leni o badibaanba kuli ke o bua ki kpa Dafidi. Ama Sayula bijua Jonatan pali den mani Dafidi po hali boncianla.

1 Samueli 19:15

Lanwani Sayula go den soani o naacenba ban ban le Dafidi. O den yedi ba: «Yin tugi o mani leni u duanu ki cuani o n kani min kpa o.»

1 Samueli 20:1

Dafidi den fii Najoti ki kuu leni Lama ki sani ki goa ki cua Jonatan kani ki yedi o: «N tieni be? N tagili tie be? N tudi a baa po be ke o lingi ki bua ki kpa nni.»

1 Samueli 23:15

Dafidi n den laa ke Sayula kpendi ki bua ki kpa o, o den sedi Sifa fuali nni.

1 Samueli 24:4

O den pundi yaa yandiena n kuu u sanu kani. Likani den pia ku tanlongu ke o den jadi likani ki ñanmuaga. Li den sua ke Dafidi leni o niba wuo laa tanlongu nni.

1 Samueli 25:29

O nilo yaa fii ki baa deli a ki bua ki ñani a miali, Li Miali Diedo a Tienu baa ga ŋa ki kubi a miali wani oba kani. Ama o baa taa a yibalinba miana ki lu nani ban lugidi ku tanbuncaangu maama.