2 Samueli 3:14 - Gourmanchéma Bible

¹⁴ Dafidi den soani a tonda Sayula bijua Isi-Boseti kani ki yedi o: «Teni nni n pua Mikali, min den pani yua yaa po Filisiti yaaba punjuodi kobiga ki taa o yeni.»

U TIENU MAAMA TILI 2013

¹⁴ Davidi den soani a tonda Sayuli bijua Isi-Boseti kani, ki yedi o: «Teni nni n pua Mikali, min den pani yua yaa po Filisiti yaaba punjuodi kobiga ki taa o yeni.»

2 Samueli 3:14 ပူးပေါင်းရင်းမြစ်များ

2 Samueli 2:10

Sayula bijua Isi-Boseti den pia bina piinaa wan tua Isalele diema bado yaa yogunu. O den tieni li bali nni bina lie. Juda buolu yaaba bebe n den tuo ke Dafidi die ba.

2 Samueli 3:15

Isi-Boseti den teni ke bi ban gaa Mikali o calo Layisi bijua Palitieli kani.

2 Samueli 6:16

Li Miali Diedo ŋantaadikpaku n den cuubi ki baa kua Dafidi kaanciamu nni yaa yogunu, Dafidi pua Mikali, Sayula bisalo den diegi li diebonli kani ki nuali. Wan den laa ke o bado Dafidi yugi ki ciini, ki jeli Li Miali Diedo nintuali, o den fali o o pali nni.

Matie 1:18

Diidi Jesu Kilisiti madi n den tua maama. O naa Maliyama n da den tie Josefi toginaa hali ke bi daa den taani leni biyaba, Maliyama den ti sua ke o punbi kelima U Tienu Fuoma Yua paalu po.

1 Samueli 18:25

Sayula den yedi: «Yin go yedi Dafidi mine: ‹O bado naa bua cuadili. Wan bua yaala bebe tie Filisiti yaaba punjuodi bondi kobiga ke wan fidi ki guani bani o yibalinba bi panpaanbiadi.› » Sayula n den jagi yaala den tie ke o bua Dafidi n baa Filisiti yaaba nuu nni ban kpa o.

1 Samueli 18:27

Dafidi den fii leni o toatieba ki gedi ki ku Filisiti yaaba kobilie, ki jia bi punjuodi ki cuani ki teni o bado ke wan tua o cuado. Lanwani Sayula den teni o o bisalo Mikali ke o tua o pua.

1 Samueli 25:44

Sayula den taa o bisalo Mikali, Dafidi pua, ki teni Galimi dogu yaa yua Layisi bijua, Paliti.