2 Samueli 24:15 - Gourmanchéma Bible

¹⁵ Lanwani Li Miali Diedo den luni Isalele diema yaaba u yianbiadipuodiko. U den cili ku tiŋaagu ki pundi hali wan den bili yaa yogunu. Ki cili Dana, jienu po yaa dogu, ki yaa caa hali Beli-Seba, ganu po yaa dogu, niba tudapiilele (70 000) den kpe.

U TIENU MAAMA TILI 2013

¹⁵ Lanwani, o Diedo den luni Isidayeli diema yaaba u yianbiadipuodiko. U den cili ku tiŋaagu ki pundi hali wan den bili yaa yogunu. Ki cili Dan, jienu po yaa dogu, ki yaa caa hali Beri-Seba, ganu po yaa dogu, niba tuda piilele (70 000) den kpe.

2 Samueli 24:15 ပူးပေါင်းရင်းမြစ်များ

2 Samueli 24:2

O bado Dafidi den yedi bi toatieba yudaano Joabi yua n den ye o kani: «Gaani Isalele nibuoli kuli niinni i kaani kuli ki cili Dana, yaa dogu n ye jienu ki yaa caa hali Beli-Seba, yaa dogu n ye ganu, ki teni ban coadi bi niba min bandi bi coali n pundi yaa bianu.»

1 Bi Badiba Jama 21:14

Li Miali Diedo den teni ke u yianbolinko baa Isalele diema nni, ke Isalele yaaba siiga niba tudapiilele (70 000) den kpe.

1 Bi Badiba Jama 27:24

Tiseluja bijua Joabi den cili li coali, ama waa den gbeni kelima lan den teni ke Li Miali Diedo pali fii Isalele yaaba po maama po. Ban den baa yaala, baa den waani ke bi diani o bado Dafidi togida coali tili nni.

1 Bi Badiba Jama 27:4

O ŋmalielo yaa toacagili nni Ahohi yua, Dodayi n den tugi li yuli. Laa toacagili den pia Mikiloti ke o tie bi yudaano. O toacagili nni den pia piilie n niba tudanaa.

Esayi 37:36

Li Miali Diedo maleki den ñani ki pua Asili toagoli nni niba kobiga n piinii n tudamuu (185 000). Lan den fii ki faa bikuli den tie tinkpiba.

Habakuki 3:2

Li Miali Diedo, n gbadi ke bi togidi ŋan den tieni yaala, Ke li fangili cuo nni. Moala, go tieni timo yaa yogunu ne laa tuona buolu, Ki teni bi niba n bandi a. Baa a pabienli nni ŋan go gbadi tipo mi niñima.

Mi Coadima 25:9

U yianbolinko yeni den dini piilie n niba tudanaa (24 000).

Matie 24:7

U nibuolu baa fii ki tuogi leni nibuoto, mi diema mo baa fii ki tuogi leni dietoama. Mi koncianma leni mi tindigibima baa tiendi i kaantiami.

Mi Doagidima 6:8

N den diidi ki laa yaa taamo n bua ki yaa tie suudi yeni. Yua n den jagi o yeli yi mi Kuuma, ke bi tinkpiba diema den ye o puoli. Bi den puni ba u paalu ki tinga kaannaadi kuli siiga kaanyendu, ban kpa likani yaaba leni ki jugisiega leni mi koncianma leni u yianbiadipuodiko leni ki tinga fuayanbiaditi.

1 Samueli 6:19

Li Miali Diedo den pua ki ku Beti-Semesi yaaba siiga niba piilele kelima bi den noanli o ŋantaadikpaku. Bi niba den ye leni li paboanli kelima Li Miali Diedo den luni ba yaa fala n bia.