2 Samueli 24:10 - Gourmanchéma Bible

¹⁰ Dafidi tugusoama den sani wan coadi bi niba yeni po. O den yedi Li Miali Diedo: «Min tieni maama ne, n tudi hali boncianla. Moala n mia ŋa ŋan tieni mini a yonbo po sugili kelima n tieni nani o yanluodaano yene.»

U TIENU MAAMA TILI 2013

¹⁰ Davidi tugusoama den sani wan coadi bi niba yeni po. O den yedi o Diedo: «Min tieni maama ne, n tudi hali boncianla. Moala n mia ŋa ŋan tieni mini a yonbo po sugili, kelima n tieni nani o yanluodaano yene.»

2 Samueli 24:10 ပူးပေါင်းရင်းမြစ်များ

2 Samueli 12:13

Dafidi den yedi Natan: «N tieni ti *tuonbiadi ki tudi Li Miali Diedo po.» Natan den yedi Dafidi: «Li Miali Diedo tieni apo sugili a tuonbiadi po, a kan kpe.

2 Samueli 24:17

Dafidi n den laa maleki ke o lu bi niba u yianbiadu, o den yedi Li Miali Diedo: «Diidi ki le, n tudi! Mini n tieni ti *tuonbiadi. Yaa niba n tie ne naa tieni liba kuli. N mia ŋa, a nuu n cuo mini leni n baadiegu yaaba.»

1 Bi Badiba 8:35

Li yaa ti ke tanpoli ti luoni ke taaga ki go mii kelima bani a niba Isalele yaaba yie a maama, bi yaa diidi ku naa diegu po ki jaandi ki pagi a yeli ki lebidi ki ŋa bi tuonbiadi kelima a faligi ba po,

1 Bi Badiba Jama 21:7

Laa bonla den biidi U Tienu pali ke o waani Isalele yaaba fala.

1 Bi Badiba Jama 21:8

Dafidi den yedi U Tienu: «N tieni yaa *tuonbiadi n yaba leni min tieni laa bonla. Moala ŋan tieni sugili leni a naacemo n tieni yaa tagili po, kelima n soani yanluotuonle.»

2 Bi Badiba Jama 16:9

Li Miali Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ne ŋan soani nani o yanluodaano yeni, dinla liiga, a kan go luo toabu.»

2 Bi Badiba Jama 32:26

Lanwani baa Esekiasi japaadi nni, wani leni Jelusalema yaaba kuli den bandi bi tagili ki miini bi yula, ke Li Miali Diedo pabienli ki den baa bipo, Esekiasi miali bianu kuli nni.

Jobi 7:21

Be teni ke a yie ke a kan tieni npo sugili n tagili po? Be teni ke ŋaa tieni npo sugili n tudima po? Moala wani n di caa ki baa duani mi tama nne. A baa lingi nni ki sua ke mii go ye.»

Pisomi 32:5

N waani a n tuonbiadi, Mii wuoni a n tagili, N yedi: «N baa waani Li Miali Diedo n tagili.» Am ñani n tuonbiadi tagili. Joma.

Mi Ñama 10:16

Falono den yini Musa leni Alono tontoni ki yedi ba: «N tieni ti *tuonbiadi Li Miali Diedo yi Tienu po leni yinba yiba po kuli.

Mi Kpanjama 28:13

Yua n wuondi o tagili kan suagi liiga. Ama yua n tuo o tagili ki ŋa i, Bi baa gbadi opo mi niñima.

Ose Tili 14:2

Isalele yaaba, lebidi ki guani mani Li Miali Diedo, yi Tienu kani, Kelima, yi *tuonbiadi n teni ke yi baa.

Joeli 2:12

Moala Li Miali Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani ki mia nni sugili.

Mi Coadima 12:11

Lanwani Alono den yedi Musa: «N daano, ti pia i tagili. Ama, n mia ŋa, ke ti yanluoma nni tin tieni yaa *tuonbiadi yeni, ŋan da tuni ti, li fala.

Jan n diani U Tienu Laabaaliŋamo maama 1:29

Lan den fii ki fa, Jan den laa Jesu ke o kpendi o kani ki yedi: «Diidi mani U Tienu Pebiga, yua n tugi ki ñandi ŋanduna *tuonbiadi.

Jan n diani U Tienu Laabaaliŋamo maama 8:9

Ban den gbadi wan yedi yaala yeni, bi pala siedi den cuo ba, bikuli den ña yendo yendo ki cili a nikpela ki ban pundi hali puoli yaaba, ki ban ŋa Jesu obebe leni o pua ke o se wan bi se naankani.

Mi Tiadima 32:6

Naani yi tungi Li Miali Diedo yo yi tagili Yinba yaa nibuolu n luo mi yama kaa go pia yanfuoma yeni? Naani wani kaa tie yi baa leni yi Tagido? Naani wani kaa den tagi yi ki den puni yi u fidu?

Titi 3:3

Ti moko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

1 Jan 1:9

Ti yaa tuo ti yaa tuonbiadi, O tie tin fidi ki dugi yua po ki go tiegi mo. O baa pa ti sugili ti tuonbiadi po Ki go ŋuudi ki ñani tipo ti biadima kuli cain.

1 Samueli 13:13

Samueli den yedi Sayula: «A tieni mi yanpiima, ŋaa kubi Li Miali Diedo a Tienu n den teni a yaa ñoabonli. Li Miali Diedo bi baa teni a bali n yaa ye Isalele yaaba po hali yaa yogunu kuli.

1 Samueli 24:5

Dafidi niba den yedi o: «Dinla n tie Li Miali Diedo n yedi a yaa daali: ‹N taa a yibali ki teni a nuu nni, ŋan tieni o nani lan dagidi apo maama.› » Lani Dafidi den fii dindini ki jia Sayula kpalibu tiipo.

1 Samueli 24:6

Lanyogunu o tugusoama den sani kelima o jia Sayula kpalibu tiipo.

1 Samueli 26:21

Lanwani Sayula den yedi: «N tudi, goa ki cua ne, n bijua Dafidi. N kan go tieni a yaala n bia, kelima dinla a noanli ke n miali tie bonmoanla. N tieni nani o yanpiidaano n tiendi maama. N tudi boncianla.»