2 Samueli 23:5 - Gourmanchéma Bible

⁵ N diegu yaaba po li tie yene U Tienu nintuali. Kelima o kuani o *ŋantaado leni nni yaa yogunu kuli po, Yaa ŋantaado n bogini ki ŋani cain ki kan lebidi, Ki kan bodi mo. U Tienu teni ke n paadi lan tie yaala kuli nni, O tiendi min bua yaala kuli,

U TIENU MAAMA TILI 2013

⁵ N diegu yaaba po li tie yene U Tienu nintuali, Kelima o niani nni yogunu kuli po, Yaa nianli n bogini ki ŋani cain ki kan lebidi, Ki kan bodi mo. U Tienu teni ke n paadi lan tie yaala kuli nni, O tiendi min bua yaala kuli,

2 Samueli 23:5 ပူးပေါင်းရင်းမြစ်များ

Mi cilima 9:16

O taniano baa ye ti tawadi nni. N baa diidi o, ke min yaa tiadi min kuani yaa ñoanianu leni ki tinga yaa bonfuodila kuli.

2 Samueli 12:10

Kelima lani kuli yaa po, ki jugisiega kan foagidi leni a diegu nni yaaba hali abada, kelima a fali nni ki taa Heta buolu yua Uli pua ke o tua a pua.

2 Samueli 13:14

Ama Aminoni ki den cengi o maama. O den cuo o ki tieni o u paalu ki taani leni o.

2 Samueli 13:28

Abisalomi den teni o naacenba li ñoabonli ki yedi: «Yin yaa kpaagi Aminoni. Mi daama yaa cuo o ke n yedi: ‹Pua mani Aminoni›, yin kpa o. Yin da jie, mini n puogi yi. Yin paagi yi pala ki koani mi jama.»

2 Samueli 18:14

Joabi den yedi: «N kan fidi ki yaa se a kani ki biani n yogunu.» O den taa kpanbila taa ki muu Abisalomi pali wan den juani bu tibu ki da fo bonŋanla yaa yogunu.

2 Samueli 7:12

A dana bianu yaa tuoni ke a guani, n baa gandi a bila siiga yendo ki dini o li bali wan ga a kaanu. N baa teni o bali n yaa ye ki pa.

2 Samueli 7:18

Lane o bado Dafidi den kua Li Miali Diedo gbandieli nni wani Li Miali Diedo kani ki yedi: «Li Miali Diedo n Tienu, n tie ŋme? N diegu yaaba tie ŋmenba ke a teni ke n tua min tie yua ne?

1 Bi Badiba 1:5

Dafidi pua Hagiti bijua Adonija den fiini o yuli ki tua: «Mini n baa tua o bado.» O den baa ti toateliti leni bi tanjagiba, leni jaba piimuu yaaba n baa yaa ye o toateligu liiga ki tiini.

1 Bi Badiba 11:38

A yaa tuo ki tiendi min baa yedi a yaala kuli, a yaa cuoni n sani nni, a yaa tiendi yaala n tiegi npo ki kubi n bali maama leni n ñoabona, nani n naacemo Dafidi n den tiendi maama, n baa yaa ye leni a, n baa sieni a diegu nani min sieni Dafidi yaagu maama, n go baa pa ŋa Isalele yaaba mo.

1 Bi Badiba 12:14

ki maadi ba nani bi jawaaba n den tundi o maama ki yedi ba: «N baa den tuni yi yaa tugili n kpiagi, ama mini, n baa tuni yi yaali n kpiagi ki cie yeni. N baa den pua yi leni i fibi ama mini, n baa pua yi leni i baliji.»

Pisomi 111:9

O den soani mi *faabima o niba po, Wan kuani leni yaa niba Yaa ŋantaado n ki pia fidima, O yeli gagidi ki ŋani ki go pia i jeje.

Pisomi 119:81

N guudi a *faabima hali ki coagi. N dugi a maama po.

Pisomi 27:4

N miadi Li Miali Diedo bonyenla, Min bua yaala ke li moani n nuni. Lani n tie ki yaa ye Li Miali Diedo diegu nni N miali yema kuli Ki fidi ki ñuadi Li Miali Diedo ŋanciamu, Ki go fidi ki ñuadi o diegu.

Pisomi 62:2

U Tienu yaa kani bebe yo ke n yama dua, Kelima n *faabima ña o yaa po yo.

Pisomi 89:3

Kelima n yedi: «A ŋanbili maa ki se yaa yogunu kuli. A bili a moamoani tanpoli po ke yi se ki pa.»

Esayi 11:1

Ki benbiga ñani *Isayi ñiali kani. Li benkpeli pani o jiini nni.

Esayi 27:6

Yaa yogunu n kpendi po Jakobo baa pa i jiini Isalele n tieni aŋuada leni mi puuma. O baa gbieni li ŋandunli leni o bonluonkaala.

Esayi 4:2

Laa daali Li Miali Diedo baa teni li benkpeli n toa Ki tua pagidi leni kpiagidi, Mi diema bonluonkaala mo n tua jigidi leni ŋamu, Isalele yaaba, yaaba n ciadi po.

Esayi 54:10

Baa a juana yaa bendi ki baali Baa a joabila yaa begibi N buama apo kan wadi N yanduanma *ŋantaado mo kan lengidi Li Miali Diedo yua n gba apo mi niñima n yedi yeni.

Esayi 55:3

Diadi mani yi tuba ki cua n kani, Cengi mani, yi miana baa yaa ye. N baa kuani leni yi yaa *ŋantaado n kan fidi, Li ŋanbimoanli ŋantaado, Dafidi po.

Esayi 61:8

Kelima mini Li Miali Diedo n bua mi teginma, N nani bu subu leni mi biadima. N baa pa n niba bi panpaani lan dagidi leni bi tuona, Ki go kuani leni ba yaa *ŋantaado n ki pia fidima.

Esayi 7:14

Lani yaa po O Diedo wani oba baa pa yi mi maalima. Diidi ki le, li *powandiali baa punbi. O baa maa bonjaga ki yini o Emanuweli.

Jeremi 32:40

N baa kuani yaa ŋantaado n kan fidi hali abada leni ba. N kan go buli ki ŋa ba. N baa tieni ba mi ŋanma, N baa kuani n fangili bi pala nni Lani n tie ban da foagidi leni nni.

Jeremi 33:21

Lanwani min kuani yaa ŋantaado leni n naacemo Dafidi Moko baa biidi maama ke o kan baa yaa biga n baa kali ti gbandi po Leni bi kopadicianba Lefi buolu yaaba, Bani yaaba n tuuni npo yeni.

Esekieli 37:26

N baa kuani leni ba mi yanduanma *ŋantaado, yua n baa yaa ye yaa yogunu kuli po. N baa teni n*kaangagidiŋamu n yaa ye bi siiga yaa yogunu kuli po, ki kaani ba ki go teni ban pili ki pugini.

Amosi 9:11

Laa yogunu, n go baa sieni Dafidi diegu, Yaagu n baa. N baa maa ki fiini ku diegbenbuona. N go baa ŋanbi gu kun tua Nani kun den kpa tie maama hali yogu.

Jesu Tondiba Tuona 13:34

O den fiini Jesu bi tinkpiba siiga ke o kan bedi hali abada. O den maadi lani yaa po yo wan den yedi: ‹N baa pa yi min den niani Dafidi yaa sela, Yaa n gagidi ki ŋani, ki kan gbali tienma.›

Hebilunba 13:20

Mi yanduanma Tienu yua n den fiini ti Diedo Jesu bi tinkpiba siiga, wani yua n tie i pe yankpaaciamo, kelima o soama yaama n kuani yaa *ŋantaado n baa ye hali yaa yogunu kuli po,

Hebilunba 6:19

Laa suginma tie tipo nani ku ñinbiagu kubikpiagili yaali n siendi gu bonŋanla. Mi se ki go pa bonŋanla ki piani bu *kpalidoaginkaabu ki pendi ki kua liiga po u *kaangagidiŋanmoanu nni,

1 Samueli 2:35

N baa dini n kopadiciamo min baa fidi ki yaa dugi yua yaa po, yua n baa yaa tiendi n pali leni n yantiali n bua maama. N baa sieni o diegu ke o puoliŋuani baa yaa kubi li kopadician-tuonli min baa gandi ki gagidi ki dini yua li bali yaa nintuali hali yaa yogunu kuli.

1 Samueli 25:28

N mia ŋa ŋan tieni sugili mini a yualo tagili po. Li Miali Diedo baa ti bili fini n daano buolu wun yaa ye kelima a kubi Li Miali Diedo toabu, bi kan le a kani bonbiadiliba kuli mo hali a miali banlu.