2 Samueli 23:10 - Gourmanchéma Bible

¹⁰ wani Eleyasala den fii ki pe ki kpaani Filisiti yaaba hali ke o nuu den coagi ki kan go tuo ki poaliti ki ŋa o jugisiega. Li Miali Diedo den puni Isalele yaaba mi faabicianma laa daali. Bi toatieba den goa ki cua Eleyasala kani ki baa fagi yaaba n kpekpe bebe.

U TIENU MAAMA TILI 2013

¹⁰ wani Eleasari den fii ki pe ki kpaani Filisiti yaaba hali ke o nuu den coagi ki kan go tuo ki poaliti ki ŋaa o jugisiega. O Diedo den puni Isidayeli yaaba mi faabicianma landaali. Bi toatieba den guani ki cua Eleasari kani ki baa taa ti fagidi.

2 Samueli 23:10 ပူးပေါင်းရင်းမြစ်များ

2 Samueli 23:12

Sama den sedi u kuanu yeni siiga ki guudi u, ki paadi Filisiti yaaba. Li Miali Diedo go den puni Isalele yaaba mi faabicianma.

2 Bi Badiba 5:1

Naama den tie Sili diema badiciamo toatieba yudaano. O canbaa den bua o boncianla ki jigini o kelima Li Miali Diedo den teni ke wani n faabi Sili yaaba. O den tie jakoando ki pia li papaali, ama ki nan gbaadi.

1 Bi Badiba Jama 11:13

Wani n den ye leni Dafidi Pasi-Damini kani, Filisiti yaaba n den taani bu toabu po naankani. Likani den pia tincanli ke li gbie leni *olije, ke ku niligu mo kuli den tiini Filisiti yaaba nintuali.

Pisomi 108:13

Cua ki todi ti tin koani leni ti yibalinba, Kelima o nisaalo wani yaa todima tie fanma bebe.

Pisomi 144:10

«Wani n puuni bi badiba mi *faabima Ki faabidi o naacemo Dafidi leni ki jugisiebiadiga.»

Pisomi 68:12

O Diedo teni li ñoabonli Yaa puoba n wangi o laabaaliŋamo Yaba hali boncianla.

Esayi 53:12

Li tie lani yaa po ke n baa teni wan kali ti kpiagiciandi danba siiga, O baa taani leni bi paatieba ki boagidi ti fagidi Kelima o den puni o yuli ki kpe, Ke bi den coadi ki taani o leni i tagili danba, Kelima o den tugi niba boncianla tuonbiadi Ki den baa i tagilidanba po ti candandi.

LOMA YAABA 15:18

Mii pia li papaali ki maadi matoama kuli kali Kilisiti n den taa nni ke min yaa gobidi bi nilanba ban tuo ki ŋoadi U Tienu kelima n maama leni n tuona po.

2 Korenti 4:5

Ti mawangima nni tii wangi ti yula ka, ama ti wangi Jesu Kilisiti o Diedo, ki yi ti yula yi naacenba kelima wani Jesu yaa po.

Josue 10:10

Li Miali Diedo den teni ke Amola yaaba jie ki lebidi ki sani ke Isalele yaaba ŋoadi ki deli ba. Isalele yaaba den paadi ba cain ki kuu Gabaono kani. Bi den ŋoadi ki deli ba ke bi tagi yaa sanu n cuubi Beti-Holoni, ki kpaani ba ki ban pundi hali Aseka leni Makeda dogi nni.

Josue 10:42

O den paadi laa diema kuli leni mi batieba kuli fiiyenma, kelima Li Miali Diedo Isalele yaaba Tienu den todi ba bi toabu nni.

Josue 11:8

Li Miali Diedo den taa ba ki teni Isalele yaaba nuu nni. Bi den paadi ba ki ŋoadi ki deli ba ki gedi hali u dociamu Sidoni leni Misidefoti-Mayima, nijienu po. Puoli po mo bi den ŋoadi ki deli ba ki pundi hali Mitisipa joaloangu nni. Bi den kpa bikuli baa ŋa baa niyendo leni miali.

Bi Bujiaba 15:14

Wan den pundi Leki, Filisiti yaaba den kuudi ki togidi o. Lanyogunu Li Miali Diedo Fuoma den kua o niinni. Yaa baabi n den luo o nii den tua nani yaa gaali n juu yeni, ban den loli o yaala yeni den piti ki baa.

Bi Bujiaba 15:18

U ñunñuunu den gbadi Samisona boncianla ke o kpaani ki mia Li Miali Diedo ki yedi: «Fini n teni ke yaa faabicianma n tie na tieni leni mini a naacemo nuu. Naani u ñunñuunu baa kpa nni moala, min baa a jifola na nuu nni bi?»

1 Samueli 11:13

Sayula den yedi: «Bi kan ñani oba kuli miali yaa daali n tie na, kelima dinla Li Miali Diedo cuani mi faabima Isalele yaaba po.»

1 Samueli 14:23

Yene ke Li Miali Diedo den faabi Isalele yaaba laa daali. Bu toabu den suagi hali ki pendi Beti-Afeni.

1 Samueli 14:6

Jonatan den yedi yaa jawaalo n tugi o toatiadi: «Cua tin suagi ki pundi a jifola yeni toanagibiga. Daalinba Li Miali Diedo baa todi ti, kelima liba kuli kan yie ke Li Miali Diedo kan teni tin paadi, ti yaa yaba bi ti yaa wa.»

1 Samueli 17:53

Lani yaa puoli Isalele yaaba den cedi Filisiti yaaba ki lebidi ki kua bi toanagili nni ki fagi.

1 Samueli 19:5

kelima o den luni o miali ki ku Goliati. Li Miali Diedo den tieni tinba Isalele yaaba kuli po mi faabicianma. Amo den laa la ki mangi a pali. Lanwani be yaa po ke a baa wuli yua kaa pia tagili soama, ŋan bua ki kpa Dafidi yua n ki pia apo tagiliba kuli yeni?»