2 Samueli 22:31 - Gourmanchéma Bible

³¹ U Tienu sani ŋani ki dagidi cain. Li Miali Diedo maama mo tie moamoani. O tie gbankoandigu yaaba n sani ki baa opo kuli po.

U TIENU MAAMA TILI 2013

³¹ U Tienu sani ŋani ki dagidi cain. O Diedo maama mo tie moamoani. O tie gbankoandigu yaaba n sani ki baa o po kuli po.

2 Samueli 22:31 ပူးပေါင်းရင်းမြစ်များ

2 Samueli 22:3

U Tienu tie n tangu, Min sani ki baa yua yaa po, N gbankoandigu leni yaa fidu n gaani nni, N gaakaanmoanu, n kaanpaalu, N Candaano, a ga nni bi nibiadiba nuu nni.

Nehemi 9:8

A den sua ke o pali tiegi apo, A den danli leni o ki niani o Ke a baa pa o puoliŋuani Kanana yaaba diema, Heta buolu yaaba diema, Amola buolu yaaba diema, Felesa buolu yaaba diema, Jebusa yaaba diema Leni Giligasa buolu yaaba yaa diema kuli. A kuani a ñoanianu mo kelima a tiegi.

Jobi 34:10

Cengi mani nni yinba yaaba n pia mi yama! U Tienu kan fidi ki tieni biadima! U Paaciamu Kuli Daano kan fidi ki tieni yaala n ki tiegi!

Pisomi 119:140

A ñoanianu ki pia joagindiba kuli Lani n teni ke mini a naacemo bua u bonŋanla.

Pisomi 12:6

Li Miali Diedo yedi: «Kelima bi niñinniba laadi fala Ke a luoda mo yenbidi, N baa fii ki pa ban tudi ki piandi yaaba mi *faabima.»

Pisomi 145:17

Li Miali Diedo tiegi o sani kuli nni, Ki pia li ŋanbili o tuona kuli nni.

Pisomi 18:30

Fini n ye leni nni ke n yen fidi ki deli li toagoli. N Tienu n ye leni nni ke n yen fidi Ki yugi ki kandi u dogu bilinu.

Pisomi 2:7

N baa kpaani Li Miali Diedo ñoabonli. O yedi nni: «A tie n bijua. Mini n mali a dinla.

Pisomi 35:2

Taa a gbankoanditi kuli Ki fii ki todi nni!

Pisomi 84:9

Li Miali Diedo U Paaciamu Kuli Daano, Cengi n miabu, Jakobo Tienu diadi a tubili ki cengi nni. Joma

Pisomi 91:4

O baa ŋuagini a leni o fiabi kobidi, Ki wuoni a o fiabi nni. O moamoani tie gbankoandigu leni kudi liadile.

Mi Kpanjama 30:5

Li pundi tin dugi U Tienu maama po O tie gbankoandigu yaaba n sani ki wuoni o kani kuli po.

O Yanfuodaano 3:14

N bandi ke U Tienu n tiendi yaala kuli ye hali yaa yogunu kuli. Laa pia yaala n baa pugini likani, laa pia yaala n baa wadi mo. U Tienu tiendi yeni ke bi niba n yaa fangi o.

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba Wani n tiegi ki go ŋani mo.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «O Diedo U Tienu, U Paaciamu Kuli Daano, A tuona yaba ki pia mi ñuadima. A sani tiegi ki tie moamoani, Fini yua n tie i nibuoli kuli bado.