2 Samueli 21:17 - Gourmanchéma Bible

¹⁷ Tiseluja bijua Abisayi den cua ki todi Dafidi ki pua ki kpa Filisiti yua yeni. Lanwani Dafidi toatieba den poli ki yedi o: «A kan go ña ki yegi leni ti ki gedi toabu, ŋan da ti teni ban bolini li bali Isalele nni.»

U TIENU MAAMA TILI 2013

¹⁷ Tiseruya bijua Abisayi den cua ki todi Davidi ki pua ki kpa Filisiti yua yeni. Lanwani, Davidi toatieba den poli ki yedi o: «A kan go ña ki yegi leni ti ki gedi toabu, ŋan da ti teni ban bolini li bali Isidayeli nni.»

2 Samueli 21:17 ပူးပေါင်းရင်းမြစ်များ

2 Samueli 14:7

Lanwani ku diegu nni yaaba kuli fii ki sedi npo ki yedi: ‹Ñani yua n kpa o naataanu yeni ne ti baa kpa o ki tu wan kpa o naataanu yua yeni po li panli. Ti baa kpa o, wani o faajielo.› Yeni mo bi bua ki bolini n suginma yaama n sieni, ki teni n calo buolu mo n bodi mi tinfanma nni.»

2 Samueli 18:2

O den boagidi o toatieba gola taa, ki teni ke Joabi die goyenli, Tiseluja bijua Abisayi, Joabi waalo goyenli, Gati yua Itayi mo goyenli. O bado den yedi o toatieba: «Mini nba moko baa ña ki yegi leni yi.»

2 Samueli 18:3

Ama bi toatieba kuli den yedi o. «A kan ña. Kelima ti yaa sani bi kan yaa faami tinba wani yaa po. Baa bi yaa ku ti siiga boagidima, li kan yaa tie bipo liba. Ama fini, a tie ti siiga nani niba tudapiiga (10 000) yene. Lanwani yaala n ŋani ki cie tie ŋan yaa ye u dogu nni ki soani tipo mi todima.»

2 Samueli 22:19

Bi den ludi nni n paboanli daali, Ama Li Miali Diedo den tua n todika.

2 Samueli 22:29

Li Miali Diedo, a tie npo yenma, Yende, fini Li Miali Diedo yendi npo n biigili.

1 Bi Badiba 11:36

N baa ŋa o bijua buoyendu ke n naacemo Dafidi puoliŋuani n yaa kubi yogunu kuli li bali n nintuali Jelusalema nni, wuni min gandi yu ke n kpiagidi n yaa ye likani yeni.

1 Bi Badiba 15:4

Ama, Li Miali Diedo den puni o yaa biga n baa lebidi o, ke ku diegu n da bodi, ki cedi ke Jelusalema mo pa. O den tieni la kelima Dafidi po,

Pisomi 132:17

Lankane n baa pugini Dafidi paalu Ki go bogini yua n baa ga min gagidi yaa bado yeni kaanu ti gbandi po.

Pisomi 144:10

«Wani n puuni bi badiba mi *faabima Ki faabidi o naacemo Dafidi leni ki jugisiebiadiga.»

Pisomi 46:1

Bi yanyanba yudaano yani siiga yanbu. Kole buolu yanbu yaabu n yiini leni ki nialiñiliga.

Jeremi 40:15

Kalea bijua Yohanana den yedi Gedalia ŋasiili nni Mitisipa dogu nni: «Pa nni u sanu min gedi ki ban pua ki kpa Netania bijua Isimayeli. Oba kuli kan bandi moko. Be yaa po yo ke o baa pua ki kpa ŋa? Be yaa po yo ke Juda yaaba, yaaba n taani ki gaani ki lindi a kuli baa yadi, yaala n sieni Juda diema nni mo n bia?»

Jan n diani U Tienu Laabaaliŋamo maama 5:35

Wani Jan n den tie yaa fidisanga n co ki yieni. Yi den tuo ki mangi yi pala o yenma nni u yogunu waamu.