2 Samueli 2:18 - Gourmanchéma Bible

¹⁸ Tiseluja bijataadiba Joabi leni Abisayi leni Asayeli den ye likani. Asayeli gbanu den yua ke o pa mi nuama nani o pialo yeni.

U TIENU MAAMA TILI 2013

¹⁸ Tiseruya bijataadiba Joabi, Abisayi leni Asayeli den ye likani. Asayeli gbanu den yua ke o pa mi nuama nani o pialo yeni.

2 Samueli 2:18 ပူးပေါင်းရင်းမြစ်များ

2 Samueli 1:23

Sayula leni Jonatan den bua biyaba bi miali dana kuli. Baa mi kuuma nni baa paadi leni biyaba. Bi den jaligi ki cie jiebaninba, Bi fidu den cie i yangbanli yu.

2 Samueli 14:1

Tiseluja bijua Joabi den laa ke Dafidi yama goa ki baa Abisalomi nni.

2 Samueli 2:19

O den ŋua ki deli Abineli kaa jadi jienu bi ganu.

2 Samueli 22:34

O teni ke n taana yua nani o pialo yaa yeni, Ki teni ke n se yaa kaani n kpedi po.

2 Samueli 23:24

Niba piitaa goli yeni niinni go den pia yaa niba n tie ne: Joabi naataanu Asayeli, leni Betelema yua Dodo bijua Elikana,

1 Bi Badiba 2:5

A bani Tiseluja bijua Joabi n den tieni nni yaala, wan den tieni Isalele yaaba toatieba yudanliediba Neli bijua Abineli leni Jetedi bijua Amasa yaala. O den ku ba. O den wuli bi soama ki soani li toatuonli mi yanduanma yogunu. O den boali wan ñaagi yaa gbanñagidigu leni wan pili yaa cacaadi laa soama nani li tie bu toabu yogunu yeni.

1 Bi Badiba Jama 11:26

Jakoanditoaba, yaaba n den sieni mo den tie bine: Asayeli, Joabi naataanu. Dodo bijua Elanana, Betelema yua.

1 Bi Badiba Jama 12:8

Yoela leni Yelisami bijua Sebadia, Gedoli yua.

1 Bi Badiba Jama 12:9

Gada buolu yaaba siiga jakoandimoanba den paadi ki gedi Dafidi po, wan den wuo naankani mi fanpienma nni. Bi den tie yaa toatieba n bani bu toabu bonŋanla, ki pia ti gbankoanditi leni a kpaana. Bi den nani i yangbanli yeni ki jaligi mo nani i ñoagi yeni a juana po.

1 Bi Badiba Jama 27:7

O ŋmanaalo toacagili yudaano den tie Joabi waalo Asayeli, ke Sebadia mo n den ŋua ki duogi o. O toacagili nni den pia piilie n niba tudanaa.

Pisomi 18:33

U Tienu n pugindi n fidu, Ki pendi n sanu.

O Yanfuodaano 9:11

N go laa bonla boncianla mi tinfanma nni: Yaaba n jaligi ki cie ka gaani yogunu kuli liiga mi nuama nni, a jakoanda mo ka paadi bu toabu nni yogunu kuli. Yaaba n pia mi yanfuoma ki cie ka pia mi jiema, yaaba n fani ki cie ka tie piada, a yanfodanciama ka pia ti kpiagidi. Yaala n ŋani leni yaala n bia laadi bikuli,

I Yani 2:17

Hali ke ku yenjuogu fawakuugima daa baa, Ke i soangi mo daa sani, N ŋamo, ŋan tua nani o ñoago nani ki ñoagibiga yeni, Ki lebidi ki guani yaa juana n paadi kani.

I Yani 8:14

N ŋamo, yuagi a taali ki sani Nani o ñoago bi ki piabiga yeni Yaa tibidi n pia u nuulimanu juana po.

Amosi 2:14

Yua pa mi nuama kan fidi ki sani ki cia O gbanmandaano gbanmanu kan fuoni o, O jakoando kan fidi ki ga o miali.

Habakuki 3:19

Li Miali Diedo, n Diedo n tie n fidu O teni ke n taana yua nani o kabilo yeni, Ke n cuoni yaa juana n kpedi po. Bi yanyanba yudaano n baa bangi yaa yanbu ke bi pua ti kogiditi.

1 Samueli 26:6

Dafidi den yedi Heta yua Ahimeleki leni Seliya bijua Joabi waalo Abisayi: «Ŋme baa yegi leni nni tin gedi Sayula toanagili po?» Abisayi den goa ki yedi: «N baa yegi leni a.»