2 Samueli 16:23 - Gourmanchéma Bible

²³ Laa yogunu Ahitofeli n den tundi yaa tundi den pia li bali nani U Tienu wani oba n tundi yeni. Ahitofeli tundi kuli den tie yene, o yaa tundi Dafidi bi o yaa tundi Abisalomi.

U TIENU MAAMA TILI 2013

²³ Lanyogunu Ahitofeli n den tundi yaa tundi den pia li bali nani U Tienu wani o ba n tundi yeni. Ahitofeli tundi kuli den tie yene, o yaa tundi Davidi bi o yaa tundi Abisalomi.

2 Samueli 16:23 ပူးပေါင်းရင်းမြစ်များ

2 Samueli 15:12

Abisalomi n den padi yaa yogunu, o den soani Gilo dogu nni ke bi ban yini Ahitofeli, Dafidi tundika. Yaaba n den taa Abisalomi po den yabidi ki pugidi, o jajanbidi-yanjagili yeni den baa u paalu ki pugini.

2 Samueli 15:31

Bi den cua ki yedi Dafidi: «Ahitofeli taani leni mi janjanma danba ki ŋua Abisalomi.» Dafidi den mia U Tienu ki yedi: «Li Miali Diedo, teni ke Ahitofeli tundi kuli n tua fanma.»

2 Samueli 17:1

Ahitofeli den yedi Abisalomi: «Cedi min gandi piiga n jaba tudalie (12 000). N baa fii ki ŋoadi Dafidi ku naa ñiagu liga.

2 Samueli 17:14

Abisalomi leni Isalele yaaba kuli den yedi: «Alika yua Usayi yaa tundi cie Ahitofeli yaa yi.» Ama li tie ke Li Miali Diedo den jagi ke o baa bolini Ahitofeli tundiŋami yeni, ki cuani o falaciamo Abisalomi po.

2 Samueli 17:23

Ahitofeli n den laa ke baa ŋoadi o tundi, o den paani o ŋunbo li gaali ki fii ki kuni o denpo. O den teni o niba o ñoamabona ki yuandi ki soadi o yuli. O den kpe yeni ke bi piini o o baa kuli nni.

Jobi 28:28

Li yaa puoli, o den yedi o nisaalo: «Diidi Li Miali Diedo fangili n tie mi yama, Ki foagidi leni mi biadima, Lani n tie mi yanfuoma.»

Jobi 5:12

O bolindi bi nunfandanba yanjaga, Bi nii kan fidi ki pa ba ban bua yaala.

Pisomi 19:7

O yen fii poyendu ki tagini o sanu tanpoli Ki ban pundi u poyu, Puu kuli kan fidi ki cia u jama.

Pisomi 28:2

Cengi n miabu min kpaani ki miadi a yaa yogunu. Min yugidi n nii ki teli a *kaangagidiŋamu yaa yogunu.

O Yanfuodaano 10:1

Sikpiemi waamu baa nuugi o tulaleŋanbilo kpama ki biidi ma. Yeni moko mi boanma waamu baa biani mi yanfuoma fanma.

Jeremi 4:22

N niba ye leni mi yanpiima Baa bani nni. Bi tie yanluodanbe Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Jeremi 8:9

Bi yanfodanba fiagi Bi jie hali boncianla, bi cuo ba. Diidi bi fali Li Miali Diedo maama Bi yanfuoma pia bipo mi laa fuome?

Mi Coadima 27:21

O yen baa cua o kopadiciamo Eleyasala kani, wan diidi*Ulima ki buali nni ki bandi n yanbuama. Wani oba, Isalele yaaba, leni li nitaanli kuli baa tuo ki yaa tiendi Eleyasala ñoabona, ki yen ña wan yedi ban ña yaa yogunu, ki kua wan didi yedi ban kua yaa yogunu.»

Matie 11:25

Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfodanba leni bi nunfandanba kuli po, ki doagidi la yaaba n tie a biwaala yaa po.

Luki 16:8

O canbaa den pagi laa ŋalimankubilo yua n kaa tiegi, kelima o den tieni u fanu.» Jesu den pugini ki yedi: «Ŋanduna yaaba fani leni bi lieba ki cie yaaba n tie mi yenma yaaba.

LOMA YAABA 1:22

Baa ke bi kpiagidi bi yula ke bi tie yanfodanba, bi tua yanluodanba.

1 Pieri 4:11

O nilo yaa maadi, lan yaa tie ke wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni kelima Jesu Kilisiti po, wani yua n die ti kpiagidi leni u paalu kuli hali yaa yogunu kuli. Amina!

1 Samueli 30:8

Dafidi den buali Li Miali Diedo ki yedi: «Min ŋoadi li toagoli yeni bi? N baa nandi ba bi?» Li Miali Diedo den goa ki yedi o: «Ŋoadi ba kelima a baa nandi ba ki faabi yi niba.»