2 Samueli 15:31 - Gourmanchéma Bible

³¹ Bi den cua ki yedi Dafidi: «Ahitofeli taani leni mi janjanma danba ki ŋua Abisalomi.» Dafidi den mia U Tienu ki yedi: «Li Miali Diedo, teni ke Ahitofeli tundi kuli n tua fanma.»

U TIENU MAAMA TILI 2013

³¹ Bi den cua ki yedi Davidi: «Ahitofeli taani leni mi janjanma danba ki ŋua Abisalomi.» Davidi den mia U Tienu ki yedi: «O Diedo, teni ke Ahitofeli tundi kuli n tua fanma.»

2 Samueli 15:31 ပူးပေါင်းရင်းမြစ်များ

2 Samueli 15:12

Abisalomi n den padi yaa yogunu, o den soani Gilo dogu nni ke bi ban yini Ahitofeli, Dafidi tundika. Yaaba n den taa Abisalomi po den yabidi ki pugidi, o jajanbidi-yanjagili yeni den baa u paalu ki pugini.

2 Samueli 16:23

Laa yogunu Ahitofeli n den tundi yaa tundi den pia li bali nani U Tienu wani oba n tundi yeni. Ahitofeli tundi kuli den tie yene, o yaa tundi Dafidi bi o yaa tundi Abisalomi.

2 Samueli 17:14

Abisalomi leni Isalele yaaba kuli den yedi: «Alika yua Usayi yaa tundi cie Ahitofeli yaa yi.» Ama li tie ke Li Miali Diedo den jagi ke o baa bolini Ahitofeli tundiŋami yeni, ki cuani o falaciamo Abisalomi po.

2 Samueli 17:23

Ahitofeli n den laa ke baa ŋoadi o tundi, o den paani o ŋunbo li gaali ki fii ki kuni o denpo. O den teni o niba o ñoamabona ki yuandi ki soadi o yuli. O den kpe yeni ke bi piini o o baa kuli nni.

2 Samueli 17:5

Ama baa yeni Abisalomi den yedi: «Go yini mani Alika yua Usayi tin gbadi wani mo n baa yedi yaala.»

2 Samueli 17:7

Usayi den goa ki yedi Abisalomi: «Mine wani Ahitofeli n tundi yi yaa tundi daa ŋani.

Jobi 5:12

O bolindi bi nunfandanba yanjaga, Bi nii kan fidi ki pa ba ban bua yaala.

Pisomi 109:3

Bi gaani ki lindi nni leni bi nannandi maama, Ki koani leni nni fanma fanma.

Pisomi 3:1

Dafidi yanbu. Li maadi lienni Dafidi n den sani o bijua Abisalomi nintuali yaa yogunu.

Pisomi 41:9

Bi tua: «O yianu ne kan cedi o. O kan fii o duanu ne po.»

Pisomi 55:10

O Diedo, bolini ba! Ŋmadi bi maama, Kelima n nua u dogu nni ku tugumoangu leni mi janjanma,

Pisomi 55:12

U dogu tugu nni, mi biadima yaba. I janbi leni bu nunfanbiadibu ye u taankaani nni.

Esayi 19:3

Ejipiti yaaba jama kuli baa gbeni. N baa biani bi yanjaga fanma. Bi baa bu i buli leni a baayuadiida, Ki bu yaaba n maadi leni bi tinkpiba leni a lingida.

Esayi 44:25

N biandi tuofaasinankeene fanma Ki jiendi a baayuadiida. N teni ke a banda suligi ki goa puoli Ki lebidi bi bandima ke mi tua yanpiima.

Jan n diani U Tienu Laabaaliŋamo maama 13:18

Mii maadi yeni ki baa yikuli ka. N bani min gandi yaaba. Ama tiladi li baa tieni nani lan diani i Diani nni maama na: ‹Yua n taa ki di leni nni lugidi nni u danbu.›

1 Korenti 1:20

Lanwani o yanfodaano ye le? Li *balimaama bangika go ye le? U naa yogunu nianiado go ye le? Naani U Tienu ki doagidi ke ŋanduna yanfuoma kuli tie mi yanluoma ka?

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama ki ñani mu cicibiadimu kani.