2 Samueli 15:10 - Gourmanchéma Bible

¹⁰ O den soani bi niba ŋasiili nni ke ban gedi Isalele buoli yaaba kuli siiga ki ban yedi bi niba: «Yi yaa gbadi ke bi piebi kakaci, yin yedi ke Abisalomi ye Ebiloni ki tie bado.»

U TIENU MAAMA TILI 2013

¹⁰ O den soani bi niba ŋasiili nni ke ban gedi Isidayeli buoli yaaba kuli siiga, ki ban yedi bi niba: «Yi yaa gbadi ke bi piebi kakaci, yin yedi ke Abisalomi ye Hebiron ki tie bado.»

2 Samueli 15:10 ပူးပေါင်းရင်းမြစ်များ

2 Samueli 13:28

Abisalomi den teni o naacenba li ñoabonli ki yedi: «Yin yaa kpaagi Aminoni. Mi daama yaa cuo o ke n yedi: ‹Pua mani Aminoni›, yin kpa o. Yin da jie, mini n puogi yi. Yin paagi yi pala ki koani mi jama.»

2 Samueli 14:30

Lanwani Abisalomi den yedi o naacenba: «Diidi, Joabi kuanu kuu leni n yaa kuanu. O cuu tie *olije yaa kuanu. Yin gedi mani ki ban juu u.» Bi naacenba den gedi ki ban juu Joabi kuanu yeni.

2 Samueli 15:9

O bado den yedi o: «Gedi leni mi yanduanma.» Lanwani Abisalomi den fii ki gedi Ebiloni.

2 Samueli 19:10

Isalele buoli siiga nni kuli den fu ki tua: «O bado den ga ti Filisiti yaaba nuu nni leni ti yibalinba yaaba n sieni kuli yaa nuu nni, ke moala Abisalomi deli o ke o sani ki ñani mi diema nni.

2 Samueli 2:1

Laa bonla kuli n den tieni ki pendi, Dafidi den buali Li Miali Diedo ki yedi: «Min gedi ki ban kua Juda diema dogi doyendu nni bi?» Li Miali Diedo den goa ki yedi o: «Gedi.» Dafidi den yedi: «Min gedi u laa dogu?» Li Miali Diedo den goa ki yedi o: «Ebiloni.»

2 Samueli 2:11

Dafidi n den kaa Ebiloni ki die Juda buolu yaaba yaa bina banlu den tie bina lele leni boagidima.

2 Samueli 5:5

O den tieni Ebiloni bina lele leni ŋmaali luoba ki die Juda yaaba. Jelusalema mo o den tieni piitaa n bina taa ki die Isalele yaaba leni Juda yaaba kuli.

1 Bi Badiba 1:11

Natan den maadi leni Salomono naa Bati-Seba ki yedi o: «Ŋaa gbadi ke Hagiti bijua Adonija tua bado ke ti daano Dafidi naa bani lipo?

1 Bi Badiba 1:34

Yi yaa ban pundi likani, fini o kopadiciamo Tisadoki leni fini o sawalipualo Natan n wuli opo mi kpama ki dini o li bali wan yaa die Isalele yaaba. Lanwani yin piebi mani a naatuntuna ki yedi: ‹U Tienu n pa o bado Salomono li miafoagili.›

2 Bi Badiba 9:13

Bi den jaligi ki ñani bi tiayiekaadi ki ladi o ŋmaadokaanu tanpoli po ki baa kaani Jehu. Bi den piebi a naatuntuna ki tua: «U Tienu n kpeligi Jehu li bali nni.»

1 Bi Badiba Jama 11:3

Yeni, Isalele nikpela kuli den cua Ebiloni, o bado Dafidi kani ke o kuani o *ŋantaado leni ba likani Li Miali Diedo nintuali. Bi den wuli opo mi gagidima kpama, ki dini o li bali Isalele diema kuli po.

1 Bi Badiba Jama 12:23

Daali kuli bi den kpendi ki todi Dafidi, hali yaala ke o toacagili den yabidi bonŋanla nani U Tienu yaa toacagili yeni.

1 Bi Badiba Jama 12:38

Lubena buolu, Gada buolu leni Manase buolu boagidima yeni, bani yaaba n den ye Judana kpenu puoli, den tie niba kobiga n tudapiilie (120 000), ki di taani leni ban den pia yaa jatiadi.