2 Samueli 14:25 - Gourmanchéma Bible

²⁵ Isalele nni kuli ki den pia yua n ŋani ki pundi Abisalomi, laa den pia ban ñuadi yua nani wani. Ki cili o taafaagu ki yaa caa hali o yuli siiga, waa den pia sugidiba kuli.

U TIENU MAAMA TILI 2013

²⁵ Isidayeli kuli nni ki den pia yua n ŋani ki pundi Abisalomi, laa den pia ban ñuadi yua nani wani. Ki cili o taafaagu ki yaa caa hali o yuli siiga, waa den pia poadoba kuli.

2 Samueli 14:25 ပူးပေါင်းရင်းမြစ်များ

1 Bi Badiba 1:6

Li den sua ke hali wan ye, o baa ki den funi leni o ki yedi o: «Be yaa po ke a tieni nande.» Adonija den pia mi jawaama boncianla, wani n den duogi Abisalomi.

Jobi 2:7

Lanwani Sutaani den fuadi Li Miali Diedo kani ki cua ki luni Joba po yaa gbansoama n bia boncianla, ki cili o taajenfaadi ki ban do hali o yuli siiga.

Mi Kpanjama 31:30

Ki nunmanga pia i boandi, u ŋamu mo baa pendi, Ama yaa pua n fangi Li Miali Diedo n tie ban baa pagi yua.

Esayi 1:6

Ki cili a taana ki ban pundi hali li yuli siiga, Pu kuli ki pia laafia. Mi poagilima, a binbila leni a nala n ye i kaani kuli Baa ŋuudi a, baa fini a, Baa buu ŋa leni kpama.

Esekieli 23:15

Bi den ñagini bi ciamu leni ti gbanñagiditi Ki fini bi yula leni ti finfinjuadi. Bi den pia jakoandimoanba yaa sedima. Li den naani cain leni Babilona yaaba bijaba Kalide mo n den tie bi diema.

Danieli 1:4

Laa jawaaba kan yaa pia bi gbanu po poadoba kuli. Bi baa yaa pia mi jawaama ki fani, ki pia mi yanfuoma leni mi bandima ki nan fidi ki yaa tuuni wani o bado diegu nni. Bi baa bangi ba Kalide yaaba diani leni bi maama.

Matie 23:27

Fala baa ye leni yinba li balimaama bangikaaba leni Falisieninba pala lie danba, kelima yi tie nani ban pendi yaa kula ke a ŋani boncianla bi niba nuni po, ama ke a tugu nni nan gbie a tinkpikpaba leni joagindi buoli kuli.

Efesa 5:27

ki teni ban pundi ki sedi o kani ki pia ti kpiagidi, kaa pia joagindiba leni golimaba leni yaala n gundi kuli. Ama ban gagidi ki yaa ŋani cain, kaa pia ban baa fidi ki kuli ba leni yaala.

Mi Tiadima 28:35

Li Miali Diedo baa ŋa yi a sinakpinbiada yin kan fidi ki bu yaa, ya n baa cili yi duna, yi pana, yi taafaadi ki yaa caa hali yi yula po.

1 Samueli 16:7

Ama Li Miali Diedo den yedi Samueli: «Ŋan da diidi o bugima leni wan foagi maama kelima n cedi wani. Mini U Tienu mii nua ki bigidi nani o nisaalo n nua ki bigidi maama ka. O nisaalo nua i nuni n laa yaale, ama mini Li Miali Diedo nua li pali nne.»

1 Samueli 9:2

O den pia o bijua ke o yi Sayula. O den tie jabiemo ki pia mi jawaama. Isalele yaaba siiga yua den cie o jawaama ki den ye. O go den caadi bikuli li yuli.