2 Samueli 12:13 - Gourmanchéma Bible

¹³ Dafidi den yedi Natan: «N tieni ti *tuonbiadi ki tudi Li Miali Diedo po.» Natan den yedi Dafidi: «Li Miali Diedo tieni apo sugili a tuonbiadi po, a kan kpe.

U TIENU MAAMA TILI 2013

¹³ Davidi den yedi Natan: «N tieni ti tuonbiadi ki tudi o Diedo po.» Natan den yedi Davidi: «O Diedo tieni a po sugili a tuonbiadi po, a kan kpe.

2 Samueli 12:13 ပူးပေါင်းရင်းမြစ်များ

Mi cilima 39:9

Nilo naa ye ku diegu nni kuli yua n cie nni. Waa yie npo bonliba kuli se fini bebe, kelima a tie o pua. N baa ga lede ki tieni laa biadicianma, ki tieni ti *tuonbiadi U Tienu po.»

2 Samueli 24:10

Dafidi tugusoama den sani wan coadi bi niba yeni po. O den yedi Li Miali Diedo: «Min tieni maama ne, n tudi hali boncianla. Moala n mia ŋa ŋan tieni mini a yonbo po sugili kelima n tieni nani o yanluodaano yene.»

2 Samueli 24:17

Dafidi n den laa maleki ke o lu bi niba u yianbiadu, o den yedi Li Miali Diedo: «Diidi ki le, n tudi! Mini n tieni ti *tuonbiadi. Yaa niba n tie ne naa tieni liba kuli. N mia ŋa, a nuu n cuo mini leni n baadiegu yaaba.»

1 Bi Badiba 13:4

O bado Jeloboami n den gbadi U Tienu nilo n tiani Betela padibinbinli po ki yedi yaala, o den tandi o nuu li padibinbinli yuli po ki yedi: «Cuo o mani.» Jeloboami n den tandi yaa nuu yeni den kuodi ke waa fidi ki guani u.

1 Bi Badiba 21:20

Akabi den yedi Elia: «N yibali, a laa nni yo?» Elia den goa ki yedi o: «N laa ŋa kelima a puni a yuli ki tiendi yaala n bia Li Miali Diedo po.

1 Bi Badiba 22:8

Isalele diema bado den goa ki yedi Josafati: «Niyendo go ye tin baa fidi ki mia yua wan buali tipo Li Miali Diedo, ama n nani o kelima waa pua npo sawaliŋamo, se sawalibiado. Lani n tie Yimila bijua Mise.» Josafati den yedi o: «Da maadi yeni!»

2 Bi Badiba 1:9

O den soani toatieba piimuu yudaano leni o toatieba piimuudi ban ban cuo Elia. Bi den doni ki sua ke o kaa li juali po. O yudaano yeni den yedi Elia: «U Tienu nilo, o bado yedi ke ŋan jiidi ne!»

1 Bi Badiba Jama 21:8

Dafidi den yedi U Tienu: «N tieni yaa *tuonbiadi n yaba leni min tieni laa bonla. Moala ŋan tieni sugili leni a naacemo n tieni yaa tagili po, kelima n soani yanluotuonle.»

2 Bi Badiba Jama 16:10

Asa pali den beni o sawalipualo po, ke o den cedi ke bi luoni o li kpaadidieli nni, kelima o maama den bieni o pali. Laa yogunu Asa den cili ki wangi o niba siiga bi tianba fala.

2 Bi Badiba Jama 25:16

Wan den maadi yaa yogunu, Amatisia den jia o mi maama ki yedi o: «Naani ti gandi fine n tua o bado tundika? Ŋan suo yeni, a yaa bua ban waani a fala.» O sawalipualo den jiini ki yedi: «N bandi ke U Tienu jagi ki bua ki bolini a kelima a tieni laa bonla, ki naa go cengi n tundi.»

Jobi 33:27

O yiini bi niba nintuali ki tua: ‹N tieni ti tuonbiadi, mii tieni yaala n tiegi. Ama baa tieni nni nani lan bi pundi ban tieni nni maama.

Pisomi 103:12

Nani puoli n foagi leni nintuali maama, O yen foagidi ti leni ti tagili yene.

Pisomi 51:16

Fini n Tienu, n faabima Tienu, Faabi nni leni min wuli yaa soama, Lani, n lanbu baa kpaani ki doagidi a *teginma.

Pisomi 51:4

Ŋuudi ki ŋanbi nni cain n tagili po Ŋuudi ki ñani npo n *tuonbiadi.

Pisomi 51:6

N tieni apo ti tuonbiadi, N tudi fini bebe yaa po yo N tieni yaala n bia a nuni po. Hali yaala ke a baa tiegi a bujiali nni. Nanmaba mo ki ye a bujiali nni.

Mi Ñama 9:27

Falono den teni bi yini Musa leni Alono ki yedi ba: «Moala wani n tieni ti *tuonbiadi. Li Miali Diedo tiegi, mini leni n niba n nani.

Mi Kpanjama 25:12

Yua n cengi yaa nilo n pia wan bani yaala tundi, Li pia opo li mayuli ki pundi wula ñoagima bi wula laanu.

Mi Kpanjama 28:13

Yua n wuondi o tagili kan suagi liiga. Ama yua n tuo o tagili ki ŋa i, Bi baa gbadi opo mi niñima.

Esayi 38:17

N paboanli kpandi ki tua yemanma. Fini n kubi n miali ke min da pundi ku buogu nni. A luni n *tuonbiadi kuli a puoli po.

Esayi 43:24

Yii den taa yi ligi ki da npo yaa tibidi n pia u nuulimanu. Yii go den teni ke n guo leni yi pada kpama, Ama yi kuani nni ti yonbidi nni kelima yi tuonbiadi po, Ki coagini nni leni yi tagili.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Jeremi Bubula 3:32

Ama o yaa waani ti fala, O go baa gbadi ti niñima Nani o ŋanma n yaba maama yaa po.

Levi 20:10

Ja yaa conbi leni o nisaalilielo pua, o ja yua n conbi yeni leni o pua yua n conbi yeni kuli baa kpe.

Levi 24:17

Yaa nilo n pua ki ku o lielo, bi baa kpa o moko.

Sakari 3:4

Maleki yeni den yedi o yegininlieba ke ban landi wani Josue tiajoagindi yeni. Li yaa puoli, o den yedi Josue: «Diidi, n ñani apo a tagili, ki baa lani a ti jaantiadi.»

Matie 14:10

O den soani ke bi ban jia Jan Batisi yuli li kpaadidieli nni.

Luki 15:21

O bijua den yedi o: ‹N baa, n tudi U Tienu po leni a yaa po kuli. Mii go pundi ban yini nni a bijua.›

Luki 18:13

O lubigaalo yeni mo den poadi ki sedi foagima, kaa tuo ki baa yaadi ki noanli tanpoli. O den pua o benli ki yedi: ‹U Tienu, gbadi npo mi niñima, mini yua n tie ti *tuonbiadi daano.› »

Jesu Tondiba Tuona 2:37

Ban den gbadi mi naa maama, mi den cuo bi pala ke bi yedi Pieli leni o tondilieba: «Ti kpiiba, ti baa tieni lede?»

Hebilunba 9:26

Li yaa den tie yeni, Kilisiti den baa cili ŋanduna tagima yogunu ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

1 Jan 1:7

Ama ti yaa ye mi yenma nni nani U Tienu wani oba n ye mi yenma nni maama, Ti pia yanyenma leni tiyaba, O Bijua Jesu yaa soama mo baa ŋuudi ti pala Ki ñandi tipo ti *tuonbiadi kuli cain.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,

1 Samueli 15:20

Sayula den goa ki yedi Samueli: «N tuo Li Miali Diedo yedima, ki tagini ki gedi wan den soani nni yaa tondu. N bolini Amaleki yaaba kuli, ki cuani bi bado Agagi.

1 Samueli 15:30

Sayula go den yedi: «N tudi, ama ŋan miini nni n niba nikpela nintuali leni Isalele yaaba kuli nintuali. Lebidi ki yegi leni nni min ban gbaani Li Miali Diedo a Tienu nintuali ki kpiagi o.»