2 Samueli 11:1 - Gourmanchéma Bible

¹ Li binli lebidima, bi badiba n yen caa bu toabu yaa yogunu n den pundi, Dafidi den soani o guudikaaba yudaano Joabi, wani leni o naacenba leni Isalele toatieba kuli, ke ban ban bolini Amoni buolu ki lindi ki cebini bi dociamu Laba ki paadi u. Ama Dafidi den sedi Jelusalema.

U TIENU MAAMA TILI 2013

¹ Li binli lebidima, bi badiba n yen caa bu toabu yaa yogunu n den pundi, Davidi den soani o toatieba yudaano Joabi, wani leni o naacenba leni Isidayeli toatieba kuli, ke ban ban bolini Anmoni buolu ki lindi ki cebini bi dociamu Raba, ki paadi u. Ama Davidi den sedi Jerusalemi.

2 Samueli 11:1 ပူးပေါင်းရင်းမြစ်များ

2 Samueli 10:14

Amoni buolu yaaba n den laa ke Sili yaaba lebidi ki sani, bani moko den lebidi ki sani Abisayi nintuali, ki kua u dogu nni, Joabi den lebidi ki cedi Amoni buolu yaaba ki guani ki kuni Jelusalema.

1 Bi Badiba 20:22

Lanwani o sawalipualo den cua Isalele diema bado kani ki yedi o: «Paagi aba, kpaagi ki le ŋan baa tieni yaala, kelima li binli lebidima, Sili bado baa goa ki cua ki tuogi leni a bu toabu.»

1 Bi Badiba 20:26

Yaa binli n ŋua, Beni-Hadadi den caligi Sili toatieba ki coadi ba. Bi den gedi Afeka ki baan tuogi leni Isalele yaaba.

1 Bi Badiba Jama 20:1

Yaa binli n ŋua, bi badiba n den bogindi bu toabu po yaa yogunu, Joabi den gobidi toagocianli ke bi bolini Amoni yaaba diema ki fie Laba dogu. Ama Dafidi wan den ye Jelusalema po yo. Joabi den pua ki mudi Laba dogu.

2 Bi Badiba Jama 36:10

Li binpanli n den baa pundi, o bado Nebukanesa den teni ke bi cuani Babilona diema nni, Li Miali Diedo diegu nni tiadi yaadi n den pia mayuli. O den dini Jeoyakimi waalo Sedesiasi li bali Juda diema po leni Jelusalema po.

Pisomi 60:9

Mini n die Galaadi diema, Mini go die Manase diema moko. Efilayima diema tie n kusancibinkaali. Juda diema mo n tie n badigbiamu.

O Yanfuodaano 3:8

Mi buama yogunu ye, Ki nanga mo yaa yogunu ye. Bu toabu yogunu ye, Mi yanduanma mo yaa yogunu ye.

Jeremi 49:2

Li tie lani yaa po ke Li Miali Diedo yedi: «A dana kpendi ke n baa teni bu toabu bubula n fii ki loli Amoni yaaba dociamu nni. Labati baa tua paboanli kaanu. Mi fantama baa je likani n die yaa tinbuona kuli. Isalele yaaba baa goa ki ga ban den die yaala.

Jeremi 49:3

Hesiboni, buudi kelima Ayi pua nafanu! Laba yaaba kuudi mani! Yie mani li paboanli tiadi! Mua mani mi kuuma i bilini kunkuni Kelima bi baa gedini bi bado ti yonbidi, Wani, o kopadicianba leni o koanbala kuli.

Esekieli 21:20

Ki teni ke ti jawaandi cuo ba, Ki teni ke yua kuli digibi leni i jeje. N sieni mi bolinma jugisiega buliñoabu kuli nintuali, Yaaga n pelini nani mi tañigima yeni bogini ki baa kpa.

Amosi 1:14

Lani yaa po n baa soani mi fantama Laba dogu bilini nni, Mi baa je likani dieŋama, mi janjanma daali, Bu toabu kuudi siiga, Li baa yaa tie nani ku tafaabiadigu siiga yeni.

Sakari 14:3

Li yaa puoli, Li Miali Diedo baa fii i nilanbuoli yeni po, Ki pua ki paadi ba, Nani wan den kpa tieni maama mi janjanma leni bu toabu daali yeni.

Mi Tiadima 3:11

Basana bado bebe n tie yua n den sieni Lefayima yaaba siiga. O duanu den tie kudi duanu, yu n ye Amoni yaaba dociamu Labati po. U foagimu den tie nukpanduna yia, u pianu mo nukpanduna naa ja yaa nukpanduna.

1 Samueli 18:30

Filisiti yaaba yudanba den ña ki togidi leni Isalele yaaba bu toabu. Bi yaa ñani yaama kuli, Dafidi den yen paadi ba ki cie Sayula toatieba yaaba n sieni kuli. O yeli den ñani boncianla.