2 Samueli 10:5 - Gourmanchéma Bible

⁵ Dafidi den ga laabaali ki soani a tonda ke bi tuogi ba kelima bi den ye leni i fe hali boncianla. Dafidi den teni ke bi waani ba ke ban sedi Jeliko hali bi langbiadi n goa ki pudi no, ban nan yuandi ki kpeni.

U TIENU MAAMA TILI 2013

⁵ Davidi den gaa laabaali ki soani a tonda ke bi tuogi ba kelima bi den ye leni i fe hali boncianla. Davidi den teni ke bi waani ba ke ban sedi Jeriko hali bi langbiadi n guani ki pudi no, ban nan yuandi ki kpeni.

2 Samueli 10:5 ပူးပေါင်းရင်းမြစ်များ

2 Samueli 10:4

Lanwani Anuni den teni ke bi cuo Dafidi naacenba ki kuo bi langbiadi boagidima, ki jiajia bi tiayiekaadi siiga nni ki pundi hali bi pana juodima. Li yaa puoli o den cabi ba.

2 Samueli 10:6

Amoni buolu yaaba den laa bi yama nni ke bi fiini Dafidi pali, ki teni ke o nandi ba. Lani yaa po bi den taa Sili yaaba yaaba n ye Beti-Lehobi leni yaaba n ye Tisoba siiga taacenda tudapiilie (20 000), Maaka bado yaa kani minteela tudili, Tobi yaa niba yaa kani mo piiga n tudalie (12 000) ki baa pa ba i ligi.

1 Bi Badiba 16:34

Akabi yogunu, Betela yua Hieli den goa ki maa Jeliko. Wan den pu li tanpuuli, o bijakpelo Abilami den kpe. Wan den sieni u bilinciamu buliñoana, o bijuogu Seguba mo den kpe, nani Li Miali Diedo n den teni ke Nuni bijua Josue yedi maama.

1 Bi Badiba Jama 19:5

Bi den cua ki puni Dafidi bi jaba yeni laabaalo, ke o den soani bi niba ban tuogi ba, kelima bi jaba yeni den ye leni i feciami. Lane o bado den yedi ba: «Sedi mani Jeliko hali yi langbiadi n pudi, lani yaa pendi yin goa ki kpeni.»

Josue 6:1

Bi den luoni Jeliko bilinciamu buliñoana ki ñaginñagini kelima Isalele yaaba po. Niloba ki den ña, niloba ki den kua.