2 Pieri 3:9 - Gourmanchéma Bible

⁹ O Diedo baa kuani o ñoanianu li kan waagi, baa ke bi nitianba nua ke o waagidi. Li tie ke o pia yipo li juunle, kelima waa bua baa niyendo n bodi, ama ke bi niba kuli n lebidi bi yama.

U TIENU MAAMA TILI 2013

⁹ O Diedo baa kuani o ñoanianu moala, ba ke bi nitianba nua ke o waagidi. Li tie ke o pia yi po li juunle, kaa bua ba niyendo n bodi, ama ke bi niba kuli n lebidi bi pala.

2 Pieri 3:9 ပူးပေါင်းရင်းမြစ်များ

Pisomi 77:8

Naani O Diedo baa lu ti u yogunu kuli po? Naani o kan go goa ki tieni ti mi ŋanma?

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Mi Ñama 18:23

A yaa tiendi yeni ke U Tienu mo wangi a ŋan baa tieni yaala a baa fidi bonla kuli, bi naa niba mo baa pundi leni laafia yin caa naani.»

Mi Ñama 32:32

Moala n mia ŋan tieni bipo bi tuonbiadi sugili, yeni yaaka n mia ŋan duuni ki ñani n yeli ŋan diani li yaa tili nni.»

Mi Ñama 33:11

Li tie yene ke Li Miali Diedo den yen maadi leni Musa ki nunga leni ki yaga nani o nisaalo n yen maadi leni o danli maama yeni. Li yaa pendi, Musa den yen guani li nagili nni, Nuni bijua Josue, yaa jawaalo n den tuuni Musa po, naa den ña li gbandieli nni.

Mi Ñama 34:6

Li Miali Diedo den pendi Musa nintuali ki kpaani ki yedi: «Li Miali Diedo, Li Miali Diedo mi niñima Tienu, yua n tiendi mi ŋanma ke o pali mo ki be tontoni. O *ŋanbili leni o dugidi mo kandi.

O Yanfuodaano 8:11

Yua n tiendi yaala n bia naa yen ga li panpaani lanyogunu-lanyogunu. Lani n teni ke bi nisaaliba bua ki yaa tiendi yaala n bia.

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Esayi 46:13

N teni ke n teginma nagini. Maa go ye foagima. Li kan go waagi ke n *faabima baa cua. N baa kuani ma Siyono nni Ki pa Isalele yaaba n jigidi.

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?

Danieli 4:29

Bi baa deli ki ñani a bi nisaaliba siiga, a baa yaa taa ki ye leni ti fuayandi. Bi baa yaa tendi a ti muadi ke a ŋmani nani i ne yeni. Li baa yaa tie apo yeni hali bina lele n pendi, hali ŋan baa bandi ke Tanpojoma Tienu n die bi nisaaliba diema kuli, ki tendi wan bua yua li bali.»

Habakuki 2:3

N jagi ki bili li bonlekaala yeni n baa tieni yaa yogunu. Li yogunu kan pendi. Baa li yaa waagi, ŋan yaa guu. Yen de, li baa cua ke laa pia kuli tama, Li yogunu kan mibidi.

LOMA YAABA 13:11

Yin yaa tiendi mani yeni ki cie kelima yi bani tin ye yaa yogunu. Li tie yin di baa fundi yi guama nni yaa yogunu, kelima mi *tindima yogunu nagini moala ki cie tin den daani yaa yogunu.

LOMA YAABA 13:12

Ku ñiagu bii ke li waagi, li daali nagini. Lanwani, tin landi mani li *biigili yaa tuonbiada ki nan laa mi yenma yaa tuonŋama nani ti toatiadi yeni.

LOMA YAABA 2:4

Bi a fali o ŋanbicianli leni o yansoangima leni o juunli ki naa faami ke U Tienu tieni apo li *ŋanbili ki bua ki gobidi a ŋan tuo ki lebidi a yama yoo?

LOMA YAABA 9:22

U Tienu mo den bua ki doagidi o pabienli ki teni bi niba n bandi o paalu. Lani yaa po o den juuni ke li waagi leni yaa niba n tie nani yaa tiadi n tie li tuonfanli po, bani yaaba n den pundi U Tienu n cuo ba ki bolini ba.

1 Timote 1:16

Ama o den gbadi npo mi niñima line yaa po: Jesu Kilisiti cili ki doagidi o juunli mini yaa kani, ke min tua li bontogidikaala yaaba n baa daani o ki baa yaa miali n kan gbeni kuli yaa po.

1 Timote 2:4

wani yua n bua bi niba kuli n tindi, ki go bandi i moamoani.

Hebilunba 10:37

Li diani: «Li go sieni u yogunu waamu bebe, Yogunjenjenga, Ke yua n baa ti cua Baa cua ke li kan waagi.

1 Pieri 3:20

Hali yogu bi den fiini mi yiema U Tienu po, ke o den juuni leni ba ke li waagi. Li den tie Nowe n den kpie ku ñinbiaciangu yaa yogunu. Bi niba waamu, lan tie niba nii, yaaba n den kua ku ñinbiaciangu yeni niinni ki faabi leni mi ñima.

2 Pieri 1:4

Li tie lani yaa po ke o puni ti wan den niani yaa ñoanianciami yi n tie bonbuadimoanla, ke yin tua yaaba n pia U Tienu tagu kelima yini yaa po, ki faabi leni mi yanbuabiadima n cuani yaa *joagindi ŋanduna nni.

2 Pieri 3:15

Yin yaa nua mani ke ti Diedo n pia yaa juunli tie yi *tindima po, nani ti kpibuado Polo moko n den diani yipo maama ki ŋua U Tienu n den puni o yaa yanfuoma.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.