2 Pieri 3:7 - Gourmanchéma Bible

⁷ U Tienu maama yeni baa kubi yaa tanpoli leni yaa tinga n ye moala, ki sieni la mi fantama po hali ti buudi daali leni U Tienu yiekaaba bolinma daali.

U TIENU MAAMA TILI 2013

⁷ U Tienu maama yeni baa yaa kubi tanpoli leni yaa tinga n ye moala, ki sieni la u mu po, hali ti buudi daali leni U Tienu yiekaaba bolinma daali.

2 Pieri 3:7 ပူးပေါင်းရင်းမြစ်များ

Pisomi 102:26

Hali yogu a den pu ki tinga tanpuuli. Tanpoli mo tie a yaa tagime.

Pisomi 50:3

Ti Tienu kpendi, o kan yaa ŋmini! Mi fantama ye o liiga ki buondi, Ku tafaabiadigu mo gaani ki lindi o.

Esayi 51:6

Yaadi ki diidi mani tanpoli po Ki nan yuandi ki tibini ki diidi tiipo! Kelima tanpoli baa bodi nani i muñii yeni, Ki tinga mo baa yondi yondi ki baa nani yaa tiadi n bedi yeni Ki niba mo baa bodi nani i sii yeni. Ama n faabima wani baa ye hali yaa yogunu kuli po, N teginma mo kan gbeni hali abada.

Esayi 66:15

Kelima diidi Li Miali Diedo, O ye mi fantama nni ki kpendi, O toateliti tie nani o pinpinja yeni Ki baa tuu o pabienli panli leni li pabiencianli Ki baa tuu o fuugu panli mo leni mi fantama.

Danieli 7:9

N go den nuali ki laa ke bi sieni li bali kalikaani ke jakpeloba cua ki kali. O tiayiekaadi den pieni paipai. O yudi mo den pieni nani mi kunkunyoma yeni. O bali kalikaanu den yieni nani mi fantanlanma yeni. Li bali kalikaanu n den maa yaa taana po moko den yieni nani u mupienu yeni.

Sofoni 3:8

Li tie lani yaa po ke mini Li Miali Diedo yedi: ‹Yin guudi nni mani, Min baa cua yaa daali ki waani yi ke yi nani. N jagi ke n baa taani i nibuoli kuli leni mi diema kuli niba, Ki teni ke ban bandi n pabienli n bia maama, Kelima n pabienli fantama baa buoni ki tinga kuli.› »

Matie 10:15

N waani yi i moamoani, ti buudi daali Sodoma leni *Gomola yaaba yaa fala kan pundi laa dogu yaaba yaa fala.

Matie 11:22

Lani yaa po n yedi yi, ti buudi daali, Tili leni Sidoni dogi yaa fala kan yaa bia ki pundi yi yaa fala.

Matie 11:24

Li tie lani yaa po ke n yedi a, ti buudi daali Sodoma yaa fala kan yaa bia ki pundi a yaa fala.»

Matie 12:36

N waani yi ke ti buudi daali bi niba baa togidi ban den maadi yaa mafanma kuli.

Matie 24:35

Tanpoli leni ki tinga kuli baa pendi, ama n maama kan pendi hali abada.

Matie 25:41

Li yaa puoli o baa yedi yaaba n ye o ganu: ‹Fuadi mani n kani, yinba ti solindi yaaba, gedi mani yaa *fantanbuogu n ki pia gbindima po, ban den gbiidi yaagu ku *tuotabigu yudaano leni o yaa malekinba yaa po.

Marki 6:11

Bi yaa tuo ki ga yi cangu, kaa cengi yi maama naankani kuli, yin ña likani yaa yogunu, yin kpia mani yi taatama laa dogu po, lan tua siedi bi yiema po.»

Jan n diani U Tienu Laabaaliŋamo maama 12:48

Yua n yie nni kaa ga n maama kuli, pia o bujialo. Min den maadi yaa maama yeni, mani n baa bu leni o li juodidaali.

LOMA YAABA 2:5

Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie.

1 Korenti 3:13

kelima ti buudi daali baa waani la. Mi fantama baa doagidi yua kuli n soani yaala. Mi baa biigi yua kuli tuonli ki waani lan tie yaala.

Filipi 1:28

Yin da cedi yi koanginkaaba n jieni yi baa waamu. Lani n tie bipo siedi ke bi baa bodi, ama li tie yinba yaa po siedi yi tindima po. Laa bonla ñani U Tienu yaa kani.

2 Tesaloniki 2:3

Yin da tuo ke oba kuli n boandi yi, baa lan tie yaala kuli, ki yedi ke laa daali pundi, kelima laa daali kan cua se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

1 Timote 6:9

Ama yaaba n bua ki tua piada baa baa mi tulinma nni. Bi yankuabiada, ya n kaa pia yanfuoma ki baa biidi ba yeni, cuo ba nani u jogidu yeni, ki teni ke bi feli ki bodi, ke li bolini ba cain.

Hebilunba 12:29

kelima ti Tienu tie yaa fantama n bolindi.

2 Pieri 2:9

Lankuli yaa po ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi ki faligi ba ti buudi daali.

2 Pieri 3:10

O Diedo daali baa cua ki ludi bi niba nani li conconli yeni. Laa daali tanpoli baa bodi leni ku fuciangu. Yaala n ye lienni kuli baa cuo mi fantama ki nandi. Ki tinga leni yaala n ye lienni kuli mo baa cuo ki buodi.

2 Pieri 3:12

Yin yaa gu wani U Tienu daali cuama, ki yaa tiendi yaala n baa teni li daali yeni n jaligi ki cua. Laa daali tanpoli kuli baa cuo ki buodi, yaala n go ye kuli mo baa nandi.

1 Jan 4:17

Diidi mi buama n ŋanbi cain ti niinni maama, ke ti baa fidi ki yaa pia li papaali li bujiali daali. Nani wani Kilisiti n tie maama, ti moko tie yeni ŋanduna nni.

Jude 1:7

Li go tie yeni Sodoma leni *Gomola leni bi tinkundogi yaaba po, yaaba n den tieni nani laa malekinba, ki puni bi yula ki tiendi mi conconma leni ti cagindi buoli kuli po. Baa moala bi laadi yaa fantama n kan gbindi yaa buudi fala, ki tie bi niba kuli po li bondiidikaala ki tuodi ki tundi ba.

Mi Doagidima 17:11

Yaa fuayanga n den kpa ye kaa go ye moala yeni tie o badiniilo, ki moko tie bi badi leleediba yeni siiga yendo, ki caa mi bodima nni.

Mi Doagidima 17:8

Ŋan laa yaa fuayanga yeni den kpa ye, waa go ye moala. O baa do ki ña u *kulu nni, ki gedi mi bodima nni. Ki tinga nni yaaba siiga yaaba yaa yela n kaa diani li miali tili nni hali ŋanduna tagima yogunu, bi yaa laa ki fuayanga yua n den kpa ye, kaa go ye moala, ki go baa cua ki yaa ye yeni, li baa paki ba.

Mi Doagidima 20:11

Lani n den laa u bali kalikaanpienciamu leni yua n ka u po. Ki tinga leni tanpoli kuli den sani ki foagidi o kani, ke baa go laa ba.

Mi Doagidima 21:1

N den laa o tanpopaano leni ki tinpanga, kelima o tanpokpialo leni ki tinkpiaga kuli den bodi, mi ñincianma moko ki go den ye.