2 Pieri 3:2 - Gourmanchéma Bible

² Yin yaa tiadi bi sawalipuaba yaaba n gagidi ki ŋani n den soagindi yaa maama hali yogu po, ki go yaa tiadi o Diedo ti Candaano*balimaama, yi tondiba n den wangi yaama.

U TIENU MAAMA TILI 2013

² Yin yaa tiadi bi saawalipuaba yaaba n gagidi ki ŋani n den soagindi yaa maama hali yogu po, ki go yaa tiadi o Diedo ti Candaano bali maama, yi tondiba n den wangi yaama.

2 Pieri 3:2 ပူးပေါင်းရင်းမြစ်များ

Luki 1:70

O tieni wan den teni ke o sawalipua-gagidikaaba Maadi yaala hali yogu.

Luki 24:27

Lani Jesu den cili leni Musa yaa maama ki pundi bi sawalipuaba yaa maama ki bundi bipo i Diani nni kuli yaala n den maadi o yaa po.

Luki 24:44

Lani o den yedi ba: «Line n tie min da den ye leni yi ki wangi yi yaala, ke li tie tiladi ke yaala n diani ki bili npo Musa *bali maama nni leni bi sawalipuaba tila nni leni Pisominba tila nni kuli n tieni ki dudi.»

Jesu Tondiba Tuona 10:43

Bi sawalipuaba kuli maadi o maama ki yedi ke yua n tuo ki daani o kuli baa baa sugili o *tuonbiadi po kelima o yaa yeli po.»

Jesu Tondiba Tuona 28:23

Bi den bili ban baa goa ki taani yaa daali. Li daali n pundi bi tianba den taani wan cani naani ki yaba. Bi den cua ku tiŋaagu ke Polo den maadi leni ba ki yaa caa hali ku yenjuogu, ki bundi bipo ki tieni siedi ke *U Tienu diema pundi. O den togidi ba yaala n diani Musa *balimaama nni leni bi sawalipuaba yaa tila nni ki maadi Jesu maama fuuli, ki moandi ki baa dadi bi yama ban tuo ke Jesu maama tie moamoani.

Jesu Tondiba Tuona 3:18

Ama U Tienu den kuani yeni wan den tuodi ki teni ke o sawalipuaba pua sawali ki waani yaama. Lani n tie ke wani *Gandi Yua den baa le fala.

Jesu Tondiba Tuona 3:21

Wani Jesu baa ye tanpoli hali li yogunu n baa ti pundi ke U Tienu baa go ŋanbi li bonla kuli nani wan den tuodi ki teni ke o sawalipuaba yaaba n gagidi pua sawali ki yedi yaala hali yogu.

Galati 6:2

Yaa todi mani yiyaba leni yin tugi yaa tuga, yeni yi baa tiendi Kilisiti bali maama n bili yaala.

Efesa 2:20

Yi tie nani a tanmaakaana yeni, ke bi ŋuani yi yaa tanpuuli n tie U Tienu tondiba leni o sawalipuaba po. Jesu Kilisiti wani oba n tie laa tanpuuli tanjigi.

Efesa 3:5

Hali puoli po yaa nifiima n pendi, U Tienu ki den doagidi bi nisaaliba po laa bondoaginkaala, nani moala o Fuoma n doagidi la o tondiba leni o sawalipuaba yaaba n gagidi opo maama.

1 Timote 6:14

ke ŋan yaa ŋua min teni a yaa ñoabonli na cain, ki da tudi baa waamu hali ti Diedo Jesu Kilisiti n baa doagidi o yuli yaa yogunu.

2 Pieri 2:21

Bi yaa den bandi mi teginma sanu den baa tu bipo ki cie ban bandi ki lebidi ki ŋa ban den baa yaa *balimaama n gagidi ki ŋani yeni.

2 Pieri 3:15

Yin yaa nua mani ke ti Diedo n pia yaa juunli tie yi *tindima po, nani ti kpibuado Polo moko n den diani yipo maama ki ŋua U Tienu n den puni o yaa yanfuoma.

2 Pieri 3:16

O dangi yeni o tila kuli nni o yaa maadi laa bonla maama, baa ke lienni pia yaa maama yaa gbadima n pa. Bi nitianba, yaaba n tie yanboandanba ki naa go se ke li pa, ŋmiagidi ki golindi li bundima nani ban tiendi maama leni yaa Diani n sieni bi bodima po.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.

Jude 1:17

Ama yinba n buakaaba, yin yaa tiani mani ti Diedo Jesu Kilisiti tondiba n den tuodi ki waani yi yaama.

Mi Doagidima 19:10

N den gbaani o taana kani ki baa kpiagi o, ama o den yedi nni: «Da tieni yeni. N tie fini leni a kpiiba, yaaba n kubi Jesu yaa siedi kuli yaa tuonsoanlielo. Kpiagi U Tienu. Kelima Jesu yaa siedi n teni ke bi soani mi naa maama.»