2 Pieri 3:17 - Gourmanchéma Bible

¹⁷ Lanwani n buakaaba, kelima yi tuodi ki bani laa bonla kuli, yin yaa fangi mani yi yula ke U Tienu yiekaaba n da dadi yi bi yaadima nni, ke yi kan go yaa se ke li pa.

U TIENU MAAMA TILI 2013

¹⁷ Lanwani n buakaaba, kelima yi tuodi ki bani laa bonla kuli, yin yaa fangi yi yula, ke U Tienu yiekaaba n da dadi yi bi yaadima nni, ke yi kan go yaa se ke li pa.

2 Pieri 3:17 ပူးပေါင်းရင်းမြစ်များ

Mi Kpanjama 1:17

Yua n dia ti cuadi ke ti bonyugiditi nua kuli, o dia fanma.

Matie 16:11

Li ga lede ke yii bandi ke min yedi yin fangi yi yula leni Falisieninba leni Sadusieninba dabinli yeni, ke mii maadi dupen po ka?»

Matie 16:6

Jesu den yedi ba: «Fangi mani yi yula bonŋanla leni Falisieninba leni Sadusieninba *dabinli.»

Matie 7:15

Yin fangi mani yi yula leni bi sawalipua-faadanba. Bi kpendi yikani ki dingi nani i pe yeni, ama moamoani, bi tie nani yaa fuasangbanbiadi n bua ki bolini yi yeni.

Jan n diani U Tienu Laabaaliŋamo maama 16:4

N waani yi lani, ke li yogunu yaa ti pundi, yin tiadi ke n den waani yi la. Mii den waani yi lani hali mi cilima, kelima n den ye leni yi.

Jesu Tondiba Tuona 2:42

Bi den kuani bi yama ki gaani Jesu tondiba bangima, ki taagi li dandanli yaaba taanli nni, ki taandi ki taani dupen ki go jaandi yogunu kuli kaa cedi.

LOMA YAABA 16:18

Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

1 Korenti 10:12

Lani yaa po yua n tama ke o se wan fangi o yuli ki da baa.

1 Korenti 15:58

Lanwani n kpibuadiba yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

2 Korenti 11:3

Ama n jie ke nani o wa n den boandi Awa leni o nunfanbiadibu maama, ke ban da ti biidi yi yantiana yin yaadi ki ŋa Kilisiti, yin bua yua leni payenli yeni.

Galati 5:4

Yinba yaaba n lingi li *moamoansaali li balimaama nni, yi paadi leni Kilisiti, ki luo U Tienu *ŋanbili.

Efesa 4:14

Lanwani ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Filipi 3:2

Yin yaa fangi mani yi yula leni yaaba n tie nani i sangbanli yeni leni bi tuonsoanbiadiba, bani yaaba n ñii ke ban kua ku koanciagu yeni.

Kolosi 2:5

Kelima baa ke mii ye leni yi n gbanandi nni, n ye leni yi n yantiali nni ki pia li pamanli leni min nua ke yi dagidi leni yiyaba maama, ke yi *dandanli mo se ke li pa Kilisiti nni.

Kolosi 2:8

Yin fangi mani yi yula ki da tuo ke oba kuli n cuo yi yama leni o nisaalo yanfuoma yaama n ŋua bi nisaaliba bangima, yaama n tie fanma fanma ki tie boandi ki ŋua bi nisaaliba danbogida leni ŋanduna paaciami, ki naa ŋua Kilisiti.

2 Timote 4:15

A moko n fangi a yuli leni o kelima o den yie ti maama boncianla.

Hebilunba 3:14

Kelima ti taa leni Kilisiti ki tie yenma leni o li yaa tie ke ti kubi tin den kpa pia yaa dugidi hali mi juodima.

1 Pieri 5:9

Yin yaa se ke li pa yi *dandanli nni ki yie opo, kelima yi bani ke yi kpiiba yaaba ye ŋanduna nni kuli mo laadi laa fala buolu.

2 Pieri 2:7

Ama o den ga *Loto miali, wani yua n den tie niteginka ki yagi o yama boncianla kelima laa nibiadiba cancaginyema po.

2 Pieri 3:1

N buakaaba, line n tie min diani yipo yaa tilieli. A tilieda yeni kuli nni n moandi ki tiadi yi yaala n baa tigini yi yantiana yin yaa tia yaala n tiegi bonŋanla.

Mi Doagidima 2:5

Lanwani ŋan tiadi ŋan baa naani, ki lebidi a yama, ki go yaa tiendi nani ŋan den kpa tiendi maama. Lan yaaka, n baa cua a kani ki tuadi a fidisantuankaanu ki ñani u u kaanu, se ŋan lebidi a yama.