2 Pieri 2:20 - Gourmanchéma Bible

²⁰ Kelima li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa bia ki cie bi cilima.

U TIENU MAAMA TILI 2013

²⁰ Li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa yaa bia ki cie bi cilima.

2 Pieri 2:20 ပူးပေါင်းရင်းမြစ်များ

Esekieli 33:13

Li yaa tie ke n yedi o niteginka: ‹Laa pia kuli tama, o baa ye.› Li yaa tie ke o dugi o teginma yeni po ki tieni yaala n ki tiegi, bi kan go tiadi o tuonŋama yeni siiga tuonliba kuli po. Ama o baa kpe kelima wan tieni yaa biadima yeni yaa po.

Levi 13:20

O kopadiciamo baa diidi o bonŋanla. O yaa sua ke li legili yeni kobidi pendi, o baa doagidi ki waani ke o nilo yeni joagini kelima gbaadima yaa legile, yaali n legidi li sinakpinli yeni yaa nayiagu nni.

Levi 13:55

Bi yaa ŋuudi ti tiadi yeni ke dana lele pendi, o kopadiciamo go baa diidi a lega yeni kani bonŋanla. O yaa sua ke li legili yeni naa lebidi ke li naa talini, ku tiagu yeni joagini. U yianu yeni n dini ku tiagu yeni niini bi ku tugu nni kuli. Bi baa sia laa tiagu .

Levi 14:43

Ama bi yaa sua ke u yianu yeni go fii ki tieni a lega li dieli nni,

Mi Coadima 24:20

Balaama den laa Amaleki buolu yaaba, ki den maadi wan den pia yaa maama ki yedi: «Amaleki buolu yaaba tie yaa nibuolu n pia u paalu ki cie. Ama u juodima tie mi bodima.»

Mi Tiadima 32:29

Bi yaa bi pia yanfuome bi bi baa bandi lani kuli, Ki yaa faami yaala n baa ti faa ki cua bipo.

Filipi 3:19

Bi juodima baa tie mi bodima. Bi tugidi n die ba. Ban tama ke yaala n tie bipo ti jigidi yeni tie bipo i fe. Bi kuandi bi yama ŋanduna bonla nni bebe.

2 Timote 2:4

Yua n tie minteeli, ki bua ki mangi o toagoli-yudaano pali kan pa o yuli mi yema ŋantaadi po.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

2 Pieri 1:11

Yeni, yi baa baa U Tienu n luodi ki yaani yipo ti Diedo leni ti Candaano Jesu Kilisiti diema yaama n kan pendi hali abada yaa niinni.

2 Pieri 1:2

Li *ŋanbili leni mi yanduanma n yaa pugidi yipo boncianla, kelima U Tienu leni ti Diedo Jesu yaa bandimoanma po.

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

2 Pieri 1:4

Li tie lani yaa po ke o puni ti wan den niani yaa ñoanianciami yi n tie bonbuadimoanla, ke yin tua yaaba n pia U Tienu tagu kelima yini yaa po, ki faabi leni mi yanbuabiadima n cuani yaa *joagindi ŋanduna nni.

2 Pieri 1:8

Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

2 Pieri 2:18

Bi gbie leni ti japaadi ki maadi yaa macianma n ki pia mayuli. Bi boandi ki dia leni ti gbanandi bonbuakaala yaaba n faabi leni bi niyaadikaaba yeginu ke li daa waagi.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.