2 Pieri 2:2 - Gourmanchéma Bible

² Niba boncianla baa ti ŋoadi ba bi cancaginyema nni, ki teni bi niba n sugidi i moamoani sanu.

U TIENU MAAMA TILI 2013

² Bi cancaginyema nni, niba boncianla baa ti ŋoadi ba, ki teni bi niba n yaa sugidi i moamoani sanu.

2 Pieri 2:2 ပူးပေါင်းရင်းမြစ်များ

Mi cilima 19:5

Bi den yini Loto ki yedi o: «Yaa niba n kua a diegu nni dinla ñiagu yeni bi ye le? Teni ban ña ti kani tin taani leni ba.»

Pisomi 18:21

Li Miali Diedo tieni npo nani min tiegi maama, Nani n nii n ki pia biadima maama.

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi ki ŋani.» Yaa nilo n *joagini kuli kan poandi likani. U baa yaa tie bani bebe yaa po yo Baa bi yanluodanba yaa tagini u, bi kan bodi.

Jeremi 6:16

Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

Matie 22:16

Bi den soani o kani bi ŋoadikaaba leni o bado *Elodo yaa buakaaba ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Matie 24:24

Kelima a tuonanda yaaba n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeenciami leni li bonlidikaala, hali ke bi yaa bi baa fidi, bi bi baa boandi baa U Tienu n gandi yaaba moko.

Matie 7:14

Ama yaa buliñoabu n miabi leni yaa sanu n miabi kuli caa yaa miali n kan gbeni kani, yaaba n laadi laa sanu mo naa yaba.

Marki 12:14

Bi den cua ki yedi o: «Canbaa, ti bani ke a tie moamoandaano, ŋaa jie oba kuli, ŋaa gagidi oba kelima bi niba n nua ke a tie maama po, a bangi bi niba U Tienu sanŋoadima leni i moamoani mo. Naani li pia u sanu tin pa Loma badiciamo *Sesa li lubili bi, bi laa pia? Tin pa bi, bi tin da pa?»

Marki 13:22

Kelima yaa tuonanda n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeeninba leni li bonlidikaala hali ke li yaa baa fidi, bi bi baa boandi U Tienu n gandi yaaba.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, leni i moamoani, leni li miali. Oba kuli kan pundi Baa kani, li yaa tie mini yaa po.

Jesu Tondiba Tuona 13:10

ki yedi o: «Fini yua n gbie leni bu nunfanbiadibu kuli leni i janbi buoli kuli, ki tie Sutaani bijua, ki tie mi *teginma kuli yibali, a kan cedi ki da go moandi ke a baa golini o Diedo yanjaga?

Jesu Tondiba Tuona 14:2

Ama Jufinba siiga yaaba n den yie kaa tuo ki daani, den fiini bi nilanba pala ki teni ke baa go mani leni li *dandanli yaaba yeni.

Jesu Tondiba Tuona 16:17

O den cili ki ŋua Polo leni tikuli ki tangi: «Yaa jaba n tie na tie U Tienu yua n ye hali Tanpojoma naacenba. Bi wangi yi U Tienu*tindima sanu maama.»

Jesu Tondiba Tuona 18:26

Wan den cua Efesa yeni o den cili ki maadi li balimaama bangima dieli nni leni li papaali. Akilasa leni Pilisila n den gbadi o maama, bi den taa o ki gedini o bi denpo, ki doagidi opo U Tienu sanŋoadima maama ke o bandi ma ki pugini.

Jesu Tondiba Tuona 19:9

Ama bi tianba pala den juagi, baa tuo ki ga o maama ke mi tie moamoani. Bi go den sugidi o Diedo Jesu sanŋoadima bi niba kuli nintuali. Lani yaa po Polo den ŋa ba ki taa bi ŋoadikaaba ki piadi ki maadi leni ba Tilanusa cogidieli nni.

Jesu Tondiba Tuona 22:4

N den waani yaaba n ŋua Jesu sanŋoadima na fala hali ki ku ba. N den loli bi jaba leni bi puoba kuli ki kuani ba a kpaadidiena nni.

Jesu Tondiba Tuona 24:14

Ama ban yini yaa jaanma jaanbuocaanu yeni, n tuo a nintuali ke n ŋua ma ki jaandi ti yaajanba Tienu, ki dugi yaala n diani li balimaama nni, leni bi sawalipuaba tila nni po.

LOMA YAABA 2:24

Nani lan diani maama: «Yinba yaa po n teni ke bi nilanba sugidi U Tienu yeli.»

1 Timote 5:14

Lani yaa po, n bua ke yaa kpepuona n da paani n kuni bi jaba, ki maa a bila, ki kubi bi diegu ŋantaadi, ki da pa yibali u sanu ban sugi ba.

Titi 2:5

ki kubi bi yula, ki yaa pia yaa yantiali n ŋani, ki yaa tuuni bi diedi tuona bonŋanla, ki go yaa ŋanbidi bi niba po, ki miindi bi yula bi ciaba kani ke oba kuli n da sugidi U Tienu maama.

Titi 2:8

Ŋan maadi yaa maama kuli n yaa ŋani, bi niba n kan fidi ki jaligi yaama, ke yibali n fiagi ki da baa wan baa fidi ki maadi tipo yaa mabiadima kuli.

1 Pieri 2:12

Yin yaa pia mani u tagiŋamu bi *nilanba siiga. Lanwani, baa bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

2 Pieri 2:12

Ama laa niba tie nani ti yandi yeni yaadi n ye ban cuo ki kodi po. Bi sugidi ban ki bani yaala. Bi baa kpa ba nani ti yandi yeni.

2 Pieri 2:15

Bi ŋa yaa sanu n tiegi, ki yaadi ki ŋoadi Beola bijua *Balaama n den tagi yaa sanu, wani yua n den bua ki baa yaa panpaani n ki tiegi.

2 Pieri 2:18

Bi gbie leni ti japaadi ki maadi yaa macianma n ki pia mayuli. Bi boandi ki dia leni ti gbanandi bonbuakaala yaaba n faabi leni bi niyaadikaaba yeginu ke li daa waagi.

2 Pieri 2:21

Bi yaa den bandi mi teginma sanu den baa tu bipo ki cie ban bandi ki lebidi ki ŋa ban den baa yaa *balimaama n gagidi ki ŋani yeni.

2 Pieri 2:7

Ama o den ga *Loto miali, wani yua n den tie niteginka ki yagi o yama boncianla kelima laa nibiadiba cancaginyema po.

Jude 1:10

Ama laa jaba sugidi ban kaa bani yaala. Baa ban bani yaala bi ŋua bi yanmaalima nani ti yandi yeni ki bolini bi yula.

Jude 1:15

O baa jia ti buudi leni bi niba kuli, ki cuo yaaba n yie o kuli kelima ban yie o ki tieni yaala yaa po. O go cuo ti *tuonbiadi danba yaaba n yie o yeni, kelima ban sugidi o yaa sugidi yaa po kuli.»

Jude 1:4

Kelima bi nitianba wuoni ki kua yi siiga, i Diani n den maadi yaaba yaa bujiali cuonu hali yogu. Bi tie U Tienu yiekaaba, yaaba n lebidi ti Tienu *ŋanbili ke lan tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Jude 1:7

Li go tie yeni Sodoma leni *Gomola leni bi tinkundogi yaaba po, yaaba n den tieni nani laa malekinba, ki puni bi yula ki tiendi mi conconma leni ti cagindi buoli kuli po. Baa moala bi laadi yaa fantama n kan gbindi yaa buudi fala, ki tie bi niba kuli po li bondiidikaala ki tuodi ki tundi ba.

Mi Doagidima 12:9

Bi den luni o bonfuodi-biadiciamo yeni, wani o waakpelo, ban go yi yua ku *tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga nni, wani leni o malekinba.

Mi Doagidima 13:14

O den boandi ki tinga nni yaaba leni wan den tiendi yaa bancianma ki fuayankpiaga nintuali. O den teni ke ki tinga nni yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.