2 Pieri 1:8 - Gourmanchéma Bible

⁸ Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

U TIENU MAAMA TILI 2013

⁸ Laa bonŋanla yaa ye yi niinni ki pugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

2 Pieri 1:8 ပူးပေါင်းရင်းမြစ်များ

Mi Kpanjama 19:15

I kpadije kpendinni mi goacianma, Yua n ki tuuni mo baa luo li bonjekaala.

Matie 13:22

Yi n den baa ti konkondi nni tie nani yua n gbadi mi maama, ama ŋanduna yema yanyagidi leni ŋalimani boandi kuli dini ma ki teni ke maa luoni pu.

Matie 20:3

U yienu n den paagi ke o go ñani, o den laa nitoaba ke bi ye ki daaga nni kaa tuuni liba.

Matie 20:6

U yienu n bua ki baa yaa yogunu, o go den ñani ki laa nitoaba ke bi se ki daaga nni. O den buali ba: ‹Be yaa po ke yi tundi ki se ne kaa tuuni liba?›

Matie 25:26

O canbaa den goa ki yedi o: ‹O naacenbiado leni o kpadijedaano na, a den bani ke n yendi min kaa buli naani, ki wuo min kaa lendi naani,

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u wun yaa luoni ki pugidi.

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 5:42

N bani yi, yii pia U Tienu po mi buama yi pala nni.

LOMA YAABA 12:11

Yaa tuuni mani leni li yankuali ki da pia i kpadije, yi pala n yaa tuoni yi tuonli po kelima yi tuuni o Diedo po.

1 Korenti 15:58

Lanwani n kpibuadiba yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

2 Korenti 13:5

Yinba yiba, yin kpaagikpaagi ki le yi yaa ye li *dandanli nni. Biigi mani yi yula yiba. Naani yii bani ke Jesu Kilisiti ye yi niinni yoo? Li yaa tie ke yi biigi yi yula, yi baa sua ke yi poadi.

2 Korenti 8:2

Baa ke bi den laa fala hali boncianla kelima yaa biigima n den kpendi bikani yaa po, bi pamankandikaali po bi den puni mi todima leni ti bulicindi baa leni bi luobiadima.

2 Korenti 8:7

Yi pia li bonla kuli ke li dagidi. Lan tie li *dandanli leni mi mawangima, mi bandima leni mi buama tipo, yin doagidi ke yi pia li bonla kuli ke li dagidi mi naa todima nni moko.

2 Korenti 9:14

Bi go jaandi U Tienu ki miadi o yipo leni mi buama boncianla kelima wan puni yi yaa ŋanbicianli.

Filipi 1:9

Min miadi U Tienu yipo yaala n jaandi nni tie ke yi buama n yaa yabidi ki pugidi leni mi bandima leni u fanmoanu,

Filipi 2:5

Yin yaa pia mani Jesu Kilisiti n den pia yaa yantiali.

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

Kolosi 1:10

Yeni yi tagu n yaa tie nani lan dagidi o Diedo po maama, ke yin yaa tiendi yaala n mani opo yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 2:7

ki yaa pia yi jiini o niinni ki suagi liiga o sanŋoadima nni. Yin go yaa se ke li pa yi dandanli nni nani ban den bangi yi maama. Yi pala n yaa gbie leni i tuondi opo hali ke li kandi.

Kolosi 3:16

Kilisiti maama n gbie yi pala nni leni man pia yaa ŋalimano kuli. Yaa bangi mani ki go tundi yiyaba leni mi yanfuoma. Yaa yiini mani Pisoma, leni U Tienu yani, leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

1 Tesaloniki 3:12

O Diedo n teni ke yi buama yiyaba po leni bi niba kuli po n yaa yabidi ki pugidi, nani ti mo yaa buama n pugidi yipo maama.

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po ke yin go yaa tiendi yeni ki pugidi pugidi.

2 Tesaloniki 1:3

Ti kpiiba, li pundi tin yaa tuondi U Tienu kelima yipo yogunu kuli. Li dagidi tin yaa tiendi yeni, kelima yi *dandanli yabidi ki pugidi boncianla, yi buama yiyaba po mo yabidi ki pugidi.

1 Timote 5:13

Bi go tua bi kpadijedanba yaaba n goadi ki tuadi ti diedi. Laa tie lani bebe, bi go tua bi lanpaadanba leni a tingbangbaaba, ki maadi lan kaa pundi ban maadi yaa maama.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po, ke ban fidi ki yaa baadi yaala n tie bipo tiladi, ke bani biba n da tie nani yaa tibu n kaa luoni yeni.

Filemon 1:6

N miadi U Tienu ke ŋan pia yaa taanyenma leni ti kelima li dandanli yaa po, n yaa pia mayuli ki teni ŋan bandi tin pia yaa sela kelima tin ye leni Kilisiti yeni po.

Hebilunba 6:12

Tii bua yin yaa tie kpadijedanba, ama yin yaa togidi yaaba n baadi U Tienu n niani yaala kelima li dandanli leni li juunli yaa po.

2 Pieri 1:2

Li *ŋanbili leni mi yanduanma n yaa pugidi yipo boncianla, kelima U Tienu leni ti Diedo Jesu yaa bandimoanma po.

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

2 Pieri 2:20

Kelima li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa bia ki cie bi cilima.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.