2 Pieri 1:6 - Gourmanchéma Bible

⁶ ki go yaa pugidi mi bandima po li yukubili, ki go yaa pugidi li yukubili po li juunli, ki go yaa pugidi li juunli po U Tienu tuoma,

U TIENU MAAMA TILI 2013

⁶ ki yaa pugidi mi bandima po li yukubili, ki yaa pugidi li yukubili po li juunli, ki yaa pugidi li juunli po U Tienu tuoma,

2 Pieri 1:6 ပူးပေါင်းရင်းမြစ်များ

Mi cilima 5:24

Enoka den cuoni leni U Tienu, lan yuandi waa go den ye kelima U Tienu den taa o.

Pisomi 37:7

Duani a yama Li Miali Diedo nintuali, ki yaa dugi opo. Da bieni a pali leni yua yaa bonla cuoni opo bonŋanla Ki da bieni a pali leni yua mo n kubi o yanjagibiada.

Esayi 57:1

O niteginka bodi Ke niloba ki kpaagi lipo. Bi cua ki taa yaa niba n tiendi mi ŋanma Ke oba ki ga yaala yaa po ke bi taa o niteginka Ke mi yebiadima n da baa o.

Luki 21:19

Kelima yi juunli po yi baa ga yi miana.

Luki 8:15

Yaa bonbi n baa ki tinŋanga nni mo tie yaaba n gbadi mi maama ki ga ma yaa pala n tiegi ki ŋani nni ki kpaagi mipo ki kubi ma bonŋanla, ki juuni ki ban loni li bonluonkaala.

Jesu Tondiba Tuona 24:25

Ama Polo n den maadi mi *teginma, li yukubili, leni U Tienu buudi yaadi n baa ti cua yaa maama fuuli yeni, ti jawaandi den cuo Felisi ke o yedi o: «Moala po, a baa fidi ki ña. N yaa go ti baa li lenli n baa yini a.»

LOMA YAABA 15:4

To, yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi yaa po, tin fidi ki baa mi suginma.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi leni ti jigidi leni yaa miali n ki pia kuuma, U Tienu baa pa ba yaa miali n kan gbeni.

LOMA YAABA 8:25

Ama ti yaa sugini tin daa laa yaala, ti baa gu leni li juunli.

1 Korenti 9:25

Yua n bua ki tua liiga yua jelibuolu kuli nni yen kubi li kuali o gbanandi po li bonla boncianla po. O tiendi yeni kelima o bua ki baa yaa panpaani n baa pendi po. Ama tinba wani tiendi yeni ki bua ki baa yaa panpaani n kan pendi hali abada.

2 Korenti 6:4

Ama li bonla kuli nni ti moandi ki pia yaa siedi n ŋani bi niba kani nani U Tienu yaa naacenba yeni, kelima tin pia yaa toli o falaciamo nni po, mi luoma nni leni li paboanli nni kuli yaa po.

Galati 5:23

Li bali maama naa koani leni laa bonla.

Kolosi 1:11

Ti go miadi o ke wan pa yi u paalu li bonla kuli po kelima o paalu yu n pia ti kpiagidi yaa po, ke yin yaa pia li toli leni li juunli yogunu kuli.

1 Tesaloniki 1:3

Ti tiani yogunu kuli kaa cedi ti Baa U Tienu kani yi *dandanli leni yi buama ti Diedo Jesu Kilisiti po n teni ke yi tuuni maama, leni yi suginma n se bonŋanla maama.

2 Tesaloniki 1:4

Ti kpiagidi ti yula U Tienu n yini yaaba nitaana nni kelima yi juunli leni yi dandanli po, baa yin laadi yaa fala leni yaa yebiadima kuli.

2 Tesaloniki 3:5

O Diedo n gobidi yi yantiana yin yaa pia U Tienu buama leni Kilisiti yaa juunli.

1 Timote 2:10

Ama ban yaa sibidi biba leni a tuonŋama, lan dagidi yaa puoba n tieni siedi ke bi ŋua U Tienu n yaa tiendi maama.

1 Timote 2:2

leni bi badiba leni bi yudanba kuli po, ke tin baa ki yaa ye leni mi yanduanma leni mi yansoangima, ki ŋua U Tienu ke li dagidi ki go tiegi.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

1 Timote 6:11

Ama fini U Tienu nilo, ŋan sani ki ŋa laa bonla ki yaa ŋua mi*teginma, leni U Tienu tuoma, leni li dandanli, leni mi buama, leni li juunli, leni mi dingima.

1 Timote 6:3

Niloba yaa bangi bangitoama, kaa ŋua ti Diedo Jesu Kilisiti mamoanma yaama tuugi leni U Tienu tuoma,

1 Timote 6:6

Moamoani, U Tienu tuoma pia ti ñuadi boncianla, li yaa tie ke o nilo mangi o pali leni wan pia yaala.

2 Timote 3:5

Bi baa pia U Tienu tuoma yaa nannanli, ama bi nia yaala n tie li paalu. Ŋan foagidi leni laa nibuolu.

Titi 1:1

Mini Polo yua n tie U Tienu naacemo leni Jesu Kilisiti tondo, ki baa gobidi U Tienu n gandi yaaba li *dandanli nni ke ban bandi yaa moamoani n ŋua U Tienu tuoma.

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi U Tienu po, ki kubi o yuli.

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li*dandanli nni leni mi buama leni li juunli nni.

Hebilunba 10:36

Li pundi ke yin yaa pia li juunli ki se ke li pa, ke yin tieni U Tienu yanbuama ki dudi ki baa wan den niani ke o baa pa yi yaala.

Hebilunba 12:1

To, kelima yaa siedinba n yaba boncianla lindi ti nani ku tawaligu yeni, tin tugidi mani yaa tugili n yie tipo kuli leni yaa*tuonbiadi n yaba ki lindi ti, ki yaa tiini leni li juunli yaa nuama n bili tipo.

Hebilunba 6:12

Tii bua yin yaa tie kpadijedanba, ama yin yaa togidi yaaba n baadi U Tienu n niani yaala kelima li dandanli leni li juunli yaa po.

Hebilunba 6:15

Abalahama n den juuni ki gu, o den baa U Tienu n niani o yaala.

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

2 Pieri 3:11

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain.

Mi Doagidima 1:9

Mini Jan, yi kpiilo, yua n taa leni yi o falaciamo leni *U Tienu diema, leni li juunli nni Jesu nni, bi den gedini nni Patimosa kpendegili kelima U Tienu Maama leni Jesu yaa siedi po.

Mi Doagidima 13:10

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa o mo leni ki jugisiega. Lani yaa po yo ke li pundi bi nigagidiŋanba n yaa pia li juunli ki se leni *dandanli.

Mi Doagidima 14:12

Lani yaa po yo ke li pundi bi *nigagidiŋanba n yaa pia li juunli, bani yaaba n tuo ki ŋua U Tienu mabilikaama ki kubi li *dandanli Jesu po.

Mi Doagidima 2:2

‹N bani a bontienkaala, leni a tuonfala, leni a juunli. N bani ke a kan tuo bi nibiadiba po. A den biigi yaaba n tua ke bi tie tondiba ki naa tie yeni, ki sua ke bi tie tuofaadanba.