2 Pieri 1:5 - Gourmanchéma Bible

⁵ Kelima lankuli yaa po yin moandi mani bonŋanla ki yaa pugidi yi dandanli po u tagiŋamu, ki go yaa pugidi u tagiŋamu po mi bandima,

U TIENU MAAMA TILI 2013

⁵ Lani kuli yaa po, yin moandi ki yaa pugidi yi dandanli po u tagiŋamu, ki yaa pugidi u tagiŋamu po mi bandima,

2 Pieri 1:5 ပူးပေါင်းရင်းမြစ်များ

Pisomi 119:4

A den teni a mabilikaama Ke ban yaa kubi ma bonŋanla.

Mi Kpanjama 4:23

Ŋan fangi a yuli leni ŋan kpaagi yaala a pali tugu nni. Kelima a miali ñiali n yeni.

Esayi 55:2

Be n teni ke yi biigidi yi ligi Yaala n kaa tie jemoanma po? Be n teni ke yi tuuni Yaala n kan guoni yi po? Lanwani cengi mani n yedima Ki nan je mani yaala n mani. Yi pala baa mangi kelima yaa jiema n mani bonŋanla po.

Sakari 6:15

Bi niba baa ña hali foagima, ki cua ki todi ban goa ki maa Li Miali Diedo diegu. Lani, yi baa bandi ke Li Miali Diedo, U Paaciamu Kuli Daano n soani nni moamoani. Laa bonla kuli baa tieni, yi yaa tuo ki ŋua Li Miali Diedo, yi Tienu.

Luki 16:26

Lani bebe ka, ku buociangu ye tinba leni yinba siiga, ki teni ke yaaba n bua ki ña ne ki gedi yipo kan fidi, yaaba n bua ki ña yi yaa po mo ki cua ti yaa kani kan fidi.›

Luki 24:21

Tinba, ti den sugini ke wani n tie yua n bi baa faabi Isalele buolu yaaba. Ama dinla n tie dana taa leni laa bonla n tieni.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

1 Korenti 14:20

N kpiiba da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni yin yaa tie nani bi nikpeliba yeni.

Efesa 5:17

Lani yaa po yin da tie yanluodanba, yin yaa fani mani ki moandi ki bandi o Diedo yanbuama.

Filipi 1:9

Min miadi U Tienu yipo yaala n jaandi nni tie ke yi buama n yaa yabidi ki pugidi leni mi bandima leni u fanmoanu,

Filipi 2:12

Lanwani n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima ki yaa ye yi *tindima yema.

Filipi 4:8

N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

Kolosi 1:9

Li tie lani yaa po ke hali tin gbadi lankuli yaa daali, ti jaandi yipo U Tienu kaa cedi ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

Kolosi 2:3

Mi yanfuoma leni U Tienu bandima ŋalimani kuli wuo wani Kilisiti yaa niinni.

Hebilunba 11:6

Oba kuli kan fidi ki mangi U Tienu pali kali li dandanli yaa po, kelima li tie tiladi ke yua n pundi U Tienu kani kuli n daani ke o ye ki baa pa yaaba n lingi o kuli i panpaani.

Hebilunba 12:15

Yin fangi mani yi yula ke oba n da muni o yuli U Tienu*ŋanbili. Yin go fangi mani yi yula ke yaa jiinu n bia ki to kuli n da toa a benkpela, ki cuani ti yanyagidi ki yaa *joagindi bi niba boncianla.

Hebilunba 6:11

Ti bua hali bonŋanla ke yi siiga yua kuli n go yaa pia li yankuali yeni hali mi juodima yogunu, ke yin baa yin sugini yaala kuli cain.

Josue 7:3

Bi den goa ki cua Josue kani ki yedi o: «Laa tie tiladi ŋan teni bi toatieba kuli n gedi ki ban baa Ayi. Toatieba tudalie (2 000) bi tudataa (3 000) baa dagidi. Ŋan da coagi bi toatieba kuli, kelima Ayi yaaba naa fuu.»

1 Pieri 3:7

Yinba bi podanba moko, yua kuli n yaa ye leni o pua leni mi yanfuoma, ki yaa faami ke bi tadi ki cie. Yin yaa jigindi ba, kelima bi moko taa leni yi ki baa U Tienu kani li *ŋanbili leni li miali. Yin yaa tiendi mani yeni ke liba kuli n da pigini yi jaandi.

2 Pieri 1:10

Lani yaa po n kpiiba, yin moandi mani ki cie mi kpiama, ki teni U Tienu n yini yi ki gandi yi maama n yaa se ki pa bonŋanla. Kelima yi yaa tiendi yeni yi kan tudi ki baa hali abada.

2 Pieri 1:11

Yeni, yi baa baa U Tienu n luodi ki yaani yipo ti Diedo leni ti Candaano Jesu Kilisiti diema yaama n kan pendi hali abada yaa niinni.

2 Pieri 3:14

Lanwani n buakaaba, kelima yi gu laa bonla kuli, yin yaa moandi ke o yaa cua, wan sua ke yii pia joagindiba leni tagiliba kuli, ama ke yi pia mi yanduanma leni o.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.