2 Pieri 1:3 - Gourmanchéma Bible

³ U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

U TIENU MAAMA TILI 2013

³ U Tienu paalu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti, o kpiagidi leni o ŋanbili po.

2 Pieri 1:3 ပူးပေါင်းရင်းမြစ်များ

Pisomi 110:3

A niba pia li yankuali bonŋanla A paalu n doagidi yaa daali. Nani ku mangu n yen luoni u tiŋafaanu maama, A jawaaba baa cua a kani ki laa yaa tiadi n gagidi U Tienu po.

Pisomi 84:11

N yaa tieni dayenli a luoli nni, Li cie npo min tieni dana tudili potogu. Mini, li mani npo ki cie min yaa se U Tienu diegu buliñoabu kani Ke min yaa ye bi nibiadiba gbandiena nni.

Mi Kpanjama 12:4

O pomoano tie o calo kpiagidi, Ama yaa pua n tie o calo po fe tie nani yaa yianu n di a kpaba yene opo.

Mi Kpanjama 31:10

Ŋme n baa baa o pomoano? O pia mayuli ki cie i lanmoani boncianla.

Mi Kpanjama 31:29

«Bi jafanba boncianla pia u tagiŋamu, Ama fini, a cie bikuli!»

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

LOMA YAABA 8:32

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?

LOMA YAABA 9:24

Lani n tie tinba, wan yini yaaba. Waa yini ti yaaba n tie Jufinba siiga bebe ka. Ama o go yini ti yaaba n kaa tie Jufinba moko yaa siiga.

1 Korenti 1:9

U Tienu tie tin fidi ki dugi yua yaa po, wani yua n den yini yi ke yin yaa pia yanyenma leni o Bijua Jesu Kilisiti ti Diedo.

2 Korenti 12:9

Ama o den yedi nni: «N *ŋanbili dagidi apo kelima n paaciamu tuuni ki pundi li bianu ku tadingu nni.» Lani yaa po n baa kpiagidi n yuli ki pugidi n tadingu nni ke Kilisiti yaa paaciamu n yaa ŋua nni.

Efesa 4:1

Kelima lankuli yaa po n tundi yi, mini yua n tie li kpaadili kelima n tie o Diedo yua, ke yi tagu n dagidi leni wan den yini yi yaala yaa po.

Efesa 4:4

Gbananyendi n ye, mi Fuoma moko tie yenma, yeni moko suginyenma n ye, U Tienu n den yini yi yaama yaa po.

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

Filipi 4:8

N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

Kolosi 1:16

Li bonla kuli den tagi o yaa niinni, yaala n ye tanpoli leni yaala n ye ki tinga nni kuli, tin nua yaala leni tin kaa nua yaala: yaaba n ka i bali kalikaani po leni yaaba n tie bi diediba leni bi yudanba leni yaaba n pia li bali kuli. Li bonla kuli tie o yaa tagima ki tagi o yaa po.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

1 Tesaloniki 4:7

U Tienu ki den yini ti ke tin yaa kubi mi conconma ka, ama mi gagidiŋanma po.

2 Tesaloniki 2:14

U Tienu den yini yi lankuli po kelima tin den waani yi yaa Laabaaliŋamo po, ke yin baa yi biinu ti Diedo Jesu Kilisiti kpiagidi nni.

1 Timote 4:8

Ti gbanandi tuonli pia mayuli waamu bebe, die ki bua ki yaa suagi liiga U Tienu sanŋoadima nni, lani n pia mayuli li bonla kuli po, kelima li niani u ñoanianu yaa miali n tie na po leni yaa miali n baa cua moko yaa po.

2 Timote 1:9

O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

Hebilunba 1:3

Wani Bijua yeni n yadi U Tienu kpiagidi yendima. U Tienu n tie maama, o Bijua moko tie yeni cain. O go kubi mi tagima kuli ke mi ye kelima o maama paaciamu po. Wan den soani ti *tuonbiadi ŋuudi-ñanma tuonli ki dudi, o den kali hali tanpojoma, U Tienu yua n pia ti kpiagidi jienu po.

1 Pieri 1:15

Ama, nani yua n yini yi n gagidi ki ŋani maama, yi mo n gagidi ki yaa ŋani yeni yi tagi kuli nni.

1 Pieri 1:5

O bili la yinba yaa po, wani U Tienu paaciamu n kubi yaaba kelima li *dandanli po, yaa *tindima n baa yuandi ki doagidi mi juodima yogunu po.

1 Pieri 2:21

U Tienu den yini yi lani yaa po kelima Kilisiti wani oba moko den laa fala yinba yaa po, ki ŋa yipo li bontogidikaala ke yin yaa ŋua o yaa fuuli.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 3:9

Yin da guani oba kuli o biadima, ki da sugi ki guani oba. Ama yin gaali, kelima U Tienu den yini yi lani yaa po ke yi mo n baa o kani li seli.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.

2 Pieri 1:10

Lani yaa po n kpiiba, yin moandi mani ki cie mi kpiama, ki teni U Tienu n yini yi ki gandi yi maama n yaa se ki pa bonŋanla. Kelima yi yaa tiendi yeni yi kan tudi ki baa hali abada.

2 Pieri 1:2

Li *ŋanbili leni mi yanduanma n yaa pugidi yipo boncianla, kelima U Tienu leni ti Diedo Jesu yaa bandimoanma po.

2 Pieri 1:5

Kelima lankuli yaa po yin moandi mani bonŋanla ki yaa pugidi yi dandanli po u tagiŋamu, ki go yaa pugidi u tagiŋamu po mi bandima,

2 Pieri 1:6

ki go yaa pugidi mi bandima po li yukubili, ki go yaa pugidi li yukubili po li juunli, ki go yaa pugidi li juunli po U Tienu tuoma,

2 Pieri 1:8

Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

2 Pieri 2:20

Kelima li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa bia ki cie bi cilima.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.

Ruti 3:11

Moala ŋan da go jie liba kuli. N baa tieni apo ŋan yedi yaala kuli, kelima u dogu yaaba kuli bani ke a tie pomoano.