2 Pieri 1:2 - Gourmanchéma Bible

² Li *ŋanbili leni mi yanduanma n yaa pugidi yipo boncianla, kelima U Tienu leni ti Diedo Jesu yaa bandimoanma po.

U TIENU MAAMA TILI 2013

² Li ŋanbili leni mi yanduanma n yaa pugidi yi po boncianla, kelima U Tienu leni ti Diedo Jesu yaa bandimoanma po.

2 Pieri 1:2 ပူးပေါင်းရင်းမြစ်များ

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Danieli 4:1

Mini o bado Nebukanesa den ye n diegu nni, n den ye likani leni mi yemanma.

Danieli 6:25

O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani leni bi puoba leni bi bila. I yangbanli den cuo ba ki mumudi bi kpaba kuli hali ke bi daa pundi ku buogu tinga.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua kali Baa bebe, oba kuli mo ki bani Baa n tie yua kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

LOMA YAABA 1:7

N diani yipo, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi opo. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

2 Pieri 1:5

Kelima lankuli yaa po yin moandi mani bonŋanla ki yaa pugidi yi dandanli po u tagiŋamu, ki go yaa pugidi u tagiŋamu po mi bandima,

2 Pieri 1:8

Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

2 Pieri 2:20

Kelima li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa bia ki cie bi cilima.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.

Jude 1:2

Mi niñingbadima, mi yanduanma leni mi buama n yaa pugidi yipo hali boncianla.

Mi Doagidima 1:4

Mini Jan n diani li naa tili Kilisiti n yini yaaba nitaanleleeda ya n ye Asi diema nni po. U Tienu yua n den kpa ye, ki ye moala, ki go baa ti cua, leni o fuoma yaaba lele yaaba n ye u bali kalikaanu nintuali,