2 Pieri 1:11 - Gourmanchéma Bible

¹¹ Yeni, yi baa baa U Tienu n luodi ki yaani yipo ti Diedo leni ti Candaano Jesu Kilisiti diema yaama n kan pendi hali abada yaa niinni.

U TIENU MAAMA TILI 2013

¹¹ Yeni, yi baa baa ki kua U Tienu n luodi ki yaani yi po ti Diedo leni ti Candaano Jesu Kilisiti diema, yaama n kan pendi abada yaa niinni.

2 Pieri 1:11 ပူးပေါင်းရင်းမြစ်များ

Pisomi 145:13

A bali tie yaa bali n ye yaa yogu n tu yaa yogu, A diema mo ye nifiima n tu nifiima kuli nni.

Pisomi 36:8

Fini n Tienu, a ŋanbili pia li mayuli hali boncianla. Bi nisaaliba baa sani ki wuoni a fiabi nni.

I Yani 5:1

N naataanpuoga, n ŋamo, n kua n sadingo nni. Ki ñani *mili leni yaa muadi yaa nuulu n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani Ki teni mi buama n gaadi yi nani mi daama yeni!»

Esayi 35:2

U baa puudi bonŋanla, u pali n mangi, Wun yiini i jakoandiyani leni i pamandanyani. Bi baa pa u Libani kpiagidi, Leni Kalimeli leni Salona jigidi. Bi baa le Li Miali Diedo kpiagidi Leni ti Tienu jigidi.

Esayi 9:7

O Diedo fu leni Jakobo puoliŋuani Laa fuugu tie Isalele yaaba po.

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Danieli 7:27

Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba, ga mani wan den ŋanbi yipo yaa diema hali ŋanduna cilima.

Jan n diani U Tienu Laabaaliŋamo maama 10:10

Li conconli kpendi ki baa su, ki kpa, ki go bolini i pe. Mini n cua ke ban baa li miali, ki yaa pia li ke li dua bipo.

LOMA YAABA 2:4

Bi a fali o ŋanbicianli leni o yansoangima leni o juunli ki naa faami ke U Tienu tieni apo li *ŋanbili ki bua ki gobidi a ŋan tuo ki lebidi a yama yoo?

1 Korenti 15:24

Li yaa puoli mi juodima yogunu baa cua. Kilisiti baa paadi ki bolini batoali kuli leni paato kuli leni paacianto kuli ki teni U Tienu yua n tie Baa mi diema kuli.

2 Korenti 5:1

Ti bani ke ti gbanandi yaadi n tie nani li gbandieli, tin ye yaali yaa niinni li ŋandunli nni yaa bodi, ti pia li dieli tanpoli po, nisaalo n ki maa yaali, ke li tie U Tienu n maa yaali ke li baa ye hali yaa yogunu kuli.

Efesa 3:20

U Tienu yua n fidi ki tiendi yaala n yaba ki pendi tin mia o yaala leni tin tia yaala kuli hali ke li kandi, kelima o paaciamu yu n tuuni ti niinni yaa po,

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

2 Timote 4:18

Wani o Diedo n go baa ga nni leni bonbiadila kuli po, ki faabi nni ki kuani nni o diema tanpoli po. Wani n yaa baadi ti kpiagidi hali yaa yogunu kuli. Amina.

2 Timote 4:8

Baa moala bi bili npo mi *teginma badifogiliga, o Diedo yua n tie o bujiateginka n baa pa nni yaaga o goacuama daali. O kan pa mini n bebe ka, ama yaaba n den bua o goacuama kuli.

Hebilunba 6:17

U Tienu moko n den bua lan doagidi cain yaaba n baa baa wan niani ba yaa ñoanianu yaa po ke o yanjagili kan lebidi, o den niani u ñoanianu ki pugini li poli.

2 Pieri 1:1

Mini Simono Pieli, Jesu Kilisiti naacemo leni o tondo, n diani li tili yipo, yinba yaaba n taa leni ti ki baa yaa *dandanli n tie bonmoanla, kelima ti Tienu leni Jesu Kilisiti ti Candaano *teginma po.

2 Pieri 1:5

Kelima lankuli yaa po yin moandi mani bonŋanla ki yaa pugidi yi dandanli po u tagiŋamu, ki go yaa pugidi u tagiŋamu po mi bandima,

2 Pieri 2:20

Kelima li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa bia ki cie bi cilima.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu po, nani mini nba n den koani mi jama ki paadi, ki ka leni n Baa o bali kalikaanu po maama yeni.

Mi Doagidima 5:10

A teni ke bi tua diema Leni kopadicianba U Tienu po. Bi baa diedi ki tinga nni.»