Yiini mani U Tienu po. Yiini mani ki kpiagi o yeli! Ŋanbi mani u sanu wani yua jagi i tiali nni yeni po. O yeli n yi Li Miali Diedo, Mangi mani yi pala o nintuali.
Fala baa ye leni yi, yinba li *bali maama bangikaaba leni Falisieninba pala lie danba, kelima yi luoni *tanpoli diema kuama bi niba po. Yii kua yiba, yaaba n bua ki kua mo, yi kan cedi ban kua. [
O di den tie kpepuoli ki pia piinii n bina naa. Waa den ña U Tienu diegu nni, o den tuuni U Tienu po u yensiinu leni ku ñiagu kuli leni mi ñoalolima leni i jaandi.
Jesu n den nagini u dogu bilinciamu buliñoajabu, o den tuogi yaaba n ñani lienni ki tugi o kpiemo ki baan piini. Yua n kpe yeni den tie o naa tugu nni bonjayenyenga, ke o naa mo tie kpepuoli. U dogu yaaba boncianla den yegi leni o.
Laa dana nni Jesu ŋoadikaaba den pugidipugidi ke yaa Jufinba n maadi gileka maama den yenbidi kelima yaa Jufinba n tie dentieba yaa den boagidi daali kuli todima, bi yen kandi yaa Jufinba n maadi gileka maama yaa kpepuona kaa puuni ba.
Pieli den fii ki yegi leni ba. Wan pundi likani bi den ciani o li dietuadili yeni po. A kpepuona kuli den nagini o kani ki buudi, ki waani o Dokasa n den ye leni ba yaa yogunu wan den ŋali bipo yaa tiayiekaadi leni yaa tialakaadi.
Lanwani Lefi buolu yua yua n ki pia biinu bi faali leni yi yeni, o caano bi ki kpienbiga leni li kpepuoli yaaba n ye leni yi yeni kuli baa cua ki je ki guo. Lani n tie Li Miali Diedo yi Tienu n seligi yi, yi nii n baa soani yaa tuonli kuli nni.
Yi baa mangi yi pala Li Miali Diedo yi Tienu nintuali, Li Miali Diedo yi Tienu n baa gandi ki kuani o yeli yaa kaanu yeni kani, yinba yi puoba, Lefi buolu yua, yua n ye leni yi, o caano, ki kpienbiga leni li kpepuoli yaaba n ye leni yi.
Yi baa mangidi yi pala laa jaanma po, yinba, yi bijaba, yi bisiaba, yi naacenba, yi potuada, Lefi buolu yua, o caano, ki kpienbiga leni yaa kpepuoli kuli n ye leni yi.
Tii den lingi kpiagidiba bi nisaaliba kani mo, li yaa tie yinba yaa kani leni nitoaba kani kuli, ki sua ke ti den pia li bali ki tieni yeni kelima ti tie Kilisiti tondiba.
Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.
Yinba bi podanba moko, yua kuli n yaa ye leni o pua leni mi yanfuoma, ki yaa faami ke bi tadi ki cie. Yin yaa jigindi ba, kelima bi moko taa leni yi ki baa U Tienu kani li *ŋanbili leni li miali. Yin yaa tiendi mani yeni ke liba kuli n da pigini yi jaandi.