1 Timote 3:3 - Gourmanchéma Bible

³ Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

U TIENU MAAMA TILI 2013

³ Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 3:3 ပူးပေါင်းရင်းမြစ်များ

Mi Kpanjama 1:19

Yeni de, yua n bua i janbi baali, li baa juodi opo yene: Yua n baa laa baali li baa ñani o miali.

Mi Kpanjama 15:27

Yua n bua i janbi baali, baa guli o diegu, Ama yua n nani li suuli, miali baa foagidi.

O Yanfuodaano 7:8

Li bonla juodima cie li cilima. A yaa juuni cie ŋan fiini a yuli.

Esayi 28:1

Fala baa nandi Samali yaa dogu yu n naani leni ki badifogiliga Ki tie Efilayima dañogaada jigidi yeni. Samali n bobi yaa tiadi ki yiini yaa joaloangu n pia ti bugidi yuli po yeni Kuli tie yaa puuma n mali ki ye mi daama n guli yaaba yula po.

Esayi 28:7

Bani moko mi daama kubi ba ke bi fuundi. Mi dabiadima gaadi ba. Mi dabiadima teni ke o kopadicianba leni o *sawalipuaba kuli pua cacadili cadili. Mi daama yogi ki lundi ba Mi dabiadima gaadi bikuli Bi pua sawali ki luondi luondi. Bi jadibi ki nan ja ti buudi.

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani. Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o sawalipualo ki ban taani o kopadiciamo, Bikuli li ye i janbi po yo.

Esekieli 44:21

*Kopadiciamoba kan ño daama o yaa baa kua deenni yaa luolu nni.

Levi 10:9

«Fini leni a bijaba n da ño duven bi dabiadimaba kuli yi yaa baa kua u Kadikaanu gbandieli nni. Yeni yi kan kpe. Laa *balimaama baa yaa ye hali yaa yogunu kuli, yinba leni yi puoliŋuani po.

Mise 2:11

Yaa nibuolu n tie na bua yaa nilo n tiini Ki ŋua u faalu ki pua mi faama ki tua: ‹N baa maadi yipo duven maama leni mi dabiadima yaa maama.›

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Mise 3:5

Li Miali Diedo maadi yaa maama n tie na ki yedi: «Yaa sawalipuaba n boandi o niba, Ke bi yaadi o sanu nni. N niba yaa puni ba bonŋmankaala, Se ban yaa tua ke mi yemanma baa ye. Bi yaa puni ba bonŋmankaaliba mo, Ban yaa tua ke bu toabu baa cua.

Malaki 1:10

Li Miali Diedo, U Paaciamu Kuli Daano go yedi: «Li baa yaa ŋani ki cie yinba bi kopadicianba siiga nni Yendo n luoni n diegu buliñoana, Yin da go cuondi n padibinbinli po mi fantama fanma fanma. N pali ki mani yipo baa waamu. Mii go bua ki ga yi nuu nni padiliba kuli mo.

Matie 21:13

O den yedi ba: «Li diani: ‹Bi baa yi n dieli i jaandi diegu.› Ama yinba wani teni ke li tua a concona wuonkaanu.»

Jesu Tondiba Tuona 20:33

Mii den kuani n yama oba kuli ligi nni, yaaka o wula nni, yaaka o tiadi nni.

LOMA YAABA 16:18

Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma.

1 Tesaloniki 5:14

Ti kpiiba, ti go tundi ki mia yi yin tuodi ki yaa tundi yaaba n ye sindisindi yema, ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.

1 Timote 3:8

Li go tie tiladi Kilisiti n yini yaaba todikaaba moko n yaa tie bi niba n jigindi yaaba, ban da pia pala lie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

2 Timote 3:2

Kelima bi niba baa bua bi yula ŋamu bebe, ki tua i ligi buakaaba. Bi baa tie ñoakpalidanba leni japaadanba, ki tie a nisugida, leni bi danyiekaaba, leni ŋanwaadanba, ki go tie yaaba n kaa fangi U Tienu.

Titi 1:11

Li tie tiladi ŋan mubini bi ñoana, kelima bi yagini ti dietiandi yama ki bangi ki lingi ki baa i janbi ñuadi.

Titi 1:7

Li tie tiladi ke Kilisiti n yini yaaba gobidika n yaa tie U Tienu naacen-juoginka, wan da pia ban baa fidi ki kuli o yaala. Wan da tie tupaalu daano, ki da tie mutuodaano, ki da tie dañolo, ki da tie nipualo, ki da tie yua n kuandi o yama yaa i janbi yaa ñuadi nni.

Titi 2:3

Ŋan go yaa wangi a pociana ke bi tagi n yaa tuugi leni mi gagidiŋanma, ban da tie tuotabigu danba, yaaka dañogaada. Ama li pundi ban yaa bangi yaala n ŋani,

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Hebilunba 13:5

Yin da pa mani yi yula i ligi buama po. Ama yin yaa mangidi yi pala leni yin pia yaala moala kelima U Tienu yedi: «N kan ŋa ŋa, N kan lu ŋa hali abada.»

Jaki 4:1

Yin pia yaa koana leni yaa janjanma kuli yi siiga yeni, likuli ŋua be? Laa ŋua yi bonbuaka-biadila, yaala n tiendi bu toabu yi gbanandi nni ka yoo?

1 Pieri 5:2

Yin yaa kpaa mani U Tienu yankulu, yu n ye yikani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la ke yi yama ye lienni moamoani.

2 Pieri 2:3

Kelima bi bangi-faadanba yeni ŋaliŋabuama po bi baa baadi yi kani li baali ban bungi ki ñani yaa bangifaama po. Bi bujiali cuonu bili bipo hali yogu ki kpendi, bi bolinma mo kan go waagi ki cua.

Jude 1:11

Fala n baa bipo, kelima bi ŋoadi Kayina n den ŋua yaa sanu. Bi go luni bi yula *Balaama yaa yaadima nni kelima bi bua ki baa mi panpaani. Bi fiini mi janjanma ki bodi nani Kole yeni.

Mi Doagidima 1:9

Mini Jan, yi kpiilo, yua n taa leni yi o falaciamo leni *U Tienu diema, leni li juunli nni Jesu nni, bi den gedini nni Patimosa kpendegili kelima U Tienu Maama leni Jesu yaa siedi po.

1 Samueli 8:3

Baa den ŋua bi baa Samueli fuuli, bi den bua mi piama boncianla ki gaani a suuna. Baa den gobidi ke li tiegi.