1 Timote 2:4 - Gourmanchéma Bible

⁴ wani yua n bua bi niba kuli n tindi, ki go bandi i moamoani.

U TIENU MAAMA TILI 2013

⁴ wani yua n bua bi niba kuli n faabi, ki go bandi i moamoani.

1 Timote 2:4 ပူးပေါင်းရင်းမြစ်များ

Esayi 45:22

Yinba yaaba n ye hali i tinbiani kuli Jigidi mani ki nuali nni ki baa mi faabima Kelima mini n tie U Tienu, Toa ki ye.

Esayi 49:6

O den yedi nni: «Min teni ke a tua n naacemo yeni daa dagidi. A baa fiini Jakobo buoli yaaba Ki nan guani Isalele yaaba siiga yaaba n sieni. N go gandi a ke ŋan tua mi yenma i nibuoli po Ke n *faabima mo n talini Ki pundi hali ŋanduna banlu kuli po.»

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Esayi 55:1

U ñunñuunu n pia yinba yaaba yeni kuli, Cua mani mi ñima kani Baa yua n ki pia ligi Cua mani ki da ki je Cua mani ki da mi daama leni mi naaŋanma Ke laa tie ligi, ki naa pani liba mo.

Esekieli 18:23

Mini o Diedo, Li Miali Diedo yedi: ‹Naani n bua o nibiado kuuma bi? Min sugini yaala ki tie wan lebidi o tagu ki yaa ye kaa?›

Esekieli 18:32

Kelima mini o Diedo, Li Miali Diedo yedi ke mii bua niloba kuli kuuma. Lebidi ki guani mani ki yaa ye!› »

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?

Habakuki 2:14

Ki tinga niba baa gbie leni mi bandima, Yaala n tie Li Miali Diedo paalu leni o kpiagidi, Nani mi ñincianma n gbie mi kaanu maama yeni.

Matie 28:19

Lanwani, yin gedi mani ki tieni i nibuoli nni kuli bi ŋoadikaaba, ki *batisi ba Baa yeli nni, Bijua yeli nni leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Marki 16:15

Lani o den yedi ba: «Gedi mani ŋanduna nni kuli ki ban yaa wangi bi niba kuli o Laabaaliŋamo.

Luki 1:77

Ki teni o niba n le o *tindima, Kelima o tieni bipo sugili bi *tuonbiadi po.

Luki 14:23

Lani canbaa den goa ki yedi o: ‹Ña u dogu nni ki gedi a sanbibila nni leni a naga balinma, ki tigini bi niba ban cua na ke n diegu n gbie.›

Luki 24:47

ke bi baa cili Jelusalema na ki yadi ki gedi i nibuoli kuli po ki ban yaa wangi ke bi niba n lebidi bi yama ki baa sugili bi tuonbiadi po.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, leni i moamoani, leni li miali. Oba kuli kan pundi Baa kani, li yaa tie mini yaa po.

Jan n diani U Tienu Laabaaliŋamo maama 17:17

Gagidi ki ŋanbi ba i moamoani nni. A maama tie i moamoani.

Jan n diani U Tienu Laabaaliŋamo maama 6:37

Baa n puni nni yaaba kuli baa cua n kani. N kan deli yua n cua n kani kuli.

LOMA YAABA 11:14

ke li yaa baa tuo min yaa ñundi n buolu yaaba li mutuoli ke min fidi ki faabi bi siiga bi tianba.

1 Timote 4:10

Ti tuuni ki moa kelima ti bili ti suginma U Tienu yua n fo kani, wani yua n tie bi niba kuli Candaano, ama o tie yaaba n daani o yaa po yo ki cie.

2 Timote 2:25

Wan go yaa tie yua n tundi yaaba n yiedi opo leni mi dingima, ki yaa sugini U Tienu n pa ba ban lebidi bi yama, ki fidi ki bandi i moamoani,

2 Timote 3:7

Bi ŋua mi bangima yogunu kuli ki naa fidi ki pundi i moamoani yaa bandima.

Titi 1:1

Mini Polo yua n tie U Tienu naacemo leni Jesu Kilisiti tondo, ki baa gobidi U Tienu n gandi yaaba li *dandanli nni ke ban bandi yaa moamoani n ŋua U Tienu tuoma.

Titi 2:11

U Tienu *ŋanbili yaala n cuani mi *tindima bi niba kuli po doagidi.

Hebilunba 10:26

Ti yaa baa ki bandi i moamoani, ki yuandi ki tiendi ti tuonbiadi ti yama po, padili naa go ye ti tuonbiadi po,

Jaki 3:14

Ama yi yaa pia li nunponbiadili ki niagi leni yi yaba, yin da kpiagi yi yula ki da pua faama i moamoani po.

2 Pieri 3:9

O Diedo baa kuani o ñoanianu li kan waagi, baa ke bi nitianba nua ke o waagidi. Li tie ke o pia yipo li juunle, kelima waa bua baa niyendo n bodi, ama ke bi niba kuli n lebidi bi yama.

2 Jan 1:1

Mini o nikpelo n diani li tili fini Cannaa po, U Tienu n gandi yua, leni a bila kuli po, min bua yinba yaaba leni i moamoani. Laa tie mini bebe ka bua yi, yaaba n bani i moamoani kuli bua yi.

Mi Doagidima 14:6

N go den laa malekitoa ke o yugi tanpoli mi fawaama nni. O den kubi yaa laabaaliŋamo n ye hali yaa yogunu kuli ki baa wangi ki tinga nni yaaba kuli, mi diema, i mabuoli leni i nibuoli yaaba kuli.