1 Timote 1:9 - Gourmanchéma Bible

⁹ Ti go bani ke baa bili li balimaama yeni o niteginka po, ama bi bili ma bi nibiadiba leni yaaba n yie li bali leni U Tienu yiekaaba leni ti *tuonbiadi danba po, leni yaaba n kaa ŋua U Tienu sanu kaa fangi o mo yaa po, leni yaaba n ku bi baanba leni bi naanba, leni nikpalo kuli po,

U TIENU MAAMA TILI 2013

⁹ Ti go bani ke baa bili li bali maama yeni o niteginka po ka. Ama bi bili ma bi nibiadiba leni yaaba n yie li bali maama, U Tienu yiekaaba, ti tuonbiadi danba, yaaba n kaa ŋua U Tienu sanu, kaa fangi o mo, yaaba n kpaani bi baanba leni bi naanba, nikpalo kuli,

1 Timote 1:9 ပူးပေါင်းရင်းမြစ်များ

2 Samueli 16:11

Dafidi go den yedi Abisayi leni o badibaanba kuli: «N bimadiga yaa bua ki kpa nni daa, yaa ja n tie Benjamina buolu na mo te? Cedi mani wan yaa solini kelima Li Miali Diedo n puogi o yeni.

2 Bi Badiba 19:37

Wan den kua o bulo Nisiloka dieli nni ki labini ki pugi o, o bijaba Adilameleki leni Saletiseli den taa mu jugisiemu ki ku o, ki sani ki gedi Alalati dogu nni. O bijua Esali-Hadona den ga o kaanu ki dini Asili diema bali.

2 Bi Badiba Jama 32:21

Lanwani Li Miali Diedo den soani maleki Asili bado toagoli nni ke o bolini a jakoanda kuli leni o toatieba yudanba kuli. Asili bado den goa ki kuni o denpo leni i fe. Dayenli o den kua o bulo dieli nni ke o bijaba den kua ki ku o leni ki jugisiega lankani.

Mi Ñama 20:13

Yin da kpa o nilo.

Mi Ñama 21:14

Ama nilo yaa luni nunfanbu ki baa kpa o nisaalilielo, baa o yaa sani ki wuoni n *padibinbinli kani, yin dadi ki ñani o ki kpa o.

Mi Kpanjama 20:20

Nilo yaa soli o baa leni o naa, O fidisanga baa gbindi li *biigili nni.

Mi Kpanjama 28:17

Yua n ku o lielo baa sani ki ban ŋmadi ki baa li kuli nni. Oba kuli n da sieni o.

Mi Kpanjama 28:24

Yua n suni o baa leni o naa Ki yedi ke laa pia tagili, Wani leni bi sanjaba kuli tie yenme.

Mi Kpanjama 30:11

Bi nitianba ye ki yen soli bi baa, Bi kan go jigini bi naa mo.

Mi Kpanjama 30:17

Yua n ñuadi o baa, ki yie ki kan cengi binaa maama, U kpenu nni kankala baa fiadi o nuni Jiebani bila mo baa je o.

Jeremi 23:11

Baa bi sawalipuaba leni bi kopadicianba kuli biidi cain. Baa hali n diegu nni n laa bi biadima. Li Miali Diedo n yedi yeni.

Esekieli 21:25

A baa fuu sanyendu, ke ki jugisiega n pundi Amoni yaaba dociamu Laba, leni Juda diema dopaalu Jelusalema.

Levi 20:9

Yaa nilo n soli o baa bi o naa kuli, bi baa kpa li daano. O soama n goa jagini o yaa yuli po kelima o den soli o baa bi o naa.

Matie 10:21

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

LOMA YAABA 1:30

Bi go tie bi ñoakpalidanba ki maadi bi lieba po yaala n bia leni U Tienu yiekaaba leni bi yusiedanba, leni bi japaadanba, leni yaaba n pagi bi yula. Bi go cili yaa biadima n kaa den kpa ye, ki tie bi danyiekaaba moko.

LOMA YAABA 4:13

Li naa tie kelima li *balimaama kubima yaa po ka ke U Tienu den niani Abalahama leni o buolu kuli ke o baa teni ban diedi ŋanduna. Ama li tie wan den baa yaa moamoansaali kelima li dandanli yaa po.

LOMA YAABA 5:20

U Tienu balimaama den yuandi ki bili ki baa teni i tagili n yabidi, ama ti tuonbiadi n den yabidi naankani, U Tienu ŋanbili den yabidi likani ki cie.

LOMA YAABA 6:14

Ti tuonbiadi kan go yaa die yi, kelima U Tienu *balimaama ki go die yi, ama o *ŋanbili n die yi.

Galati 3:19

Lanwani be yaa po ke li bali maama ye? Mi den pugini ki baa doagidi bi niba *tuonbiadi, hali U Tienu n den niani u ñoanianu yua yaa po n baa cua. Malekinba den doagidi ma, ke o *candanbaalo mo soagini ma.

Galati 5:18

U Tienu Fuoma yaa gobidi yi, li bali maama kaa go die yi.

Galati 5:21

leni li nunponbiadili, leni li dañogaadili, leni ku nuagu leni laa bonbuoli kuli. N go tuodi ki waani yi nani min den kpa waani yi maama, ke yaaba n tiendi laa bonjoagindi buoli kan kua *U Tienu diema nni.

Galati 5:23

Li bali maama naa koani leni laa bonla.

Mi Tiadima 27:16

‹Ti solindi n baa yua n fali o naa leni o baa!› Lani bi niba kuli baa taani ki ga: ‹Amina!›

2 Tesaloniki 2:8

Lanyogunu mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

1 Timote 4:7

Ama ŋan yie yaa togida n tie fanma fanma ki nia li dandanli. Ŋan moandi ki yaa se ki pa U Tienu sanŋoadima nni.

1 Timote 6:20

Fini Timote, ŋan yaa gu U Tienu pianli, ki paadi leni yaa mafanma n ki yegi leni li dandanli leni yaa niama n ñani bi niba bandima yaama n ki tie moamoani kani.

2 Timote 2:16

Ŋan sani ki foagidi leni mi mafanma yaama n nia li *dandanli, kelima yaaba n kubi ma baa suagi liiga U Tienu yiema nni yogunu kuli.

2 Timote 3:2

Kelima bi niba baa bua bi yula ŋamu bebe, ki tua i ligi buakaaba. Bi baa tie ñoakpalidanba leni japaadanba, ki tie a nisugida, leni bi danyiekaaba, leni ŋanwaadanba, ki go tie yaaba n kaa fangi U Tienu.

Titi 1:10

Li pia bi niyiekaaba boncianla, ama bi yaba yaaba n kua ku koanciagu siiga ki cie ki boandi biyaba ki go maadi majoagindi buoli kuli.

Titi 1:16

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba kaa fidi ki tieni tuonŋanliba kuli.

Titi 1:6

Li tie tiladi ke nikpelo kuli n yaa tie ban kan fidi ki kuli yua leni bonlaba. O baa yaa pia poyendo bebe, leni yaa bila n daani Jesu bi niba n kan fidi ki tabi yaaba leni cagindiba bi ke bi tie biyenyieda.

Titi 3:3

Ti moko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Hebilunba 11:31

Li tie kelima li dandanli yaa po ke li poconconli Lahaba ki den taani ki bodi leni U Tienu yiekaaba, kelima o den ga Isalele yaaba dodiidiba cangu ki todi ba.

Hebilunba 12:16

Yin go fangi mani yi yula ke oba n da tie conconma daano, leni yua n fali yaala n gagidi nani Esayu yeni, yua n den kuadi o nikpedi kelima jeyenma po.

1 Pieri 2:7

Laa tanli tie jigidi yinba yaaba n daani po. Ama yaaba n kaa daani po yaa po, li tie: «Bi tanmaaba n den yie yaa tanli, Lini n tua li tanpuuli tanjigi.»

1 Pieri 3:20

Hali yogu bi den fiini mi yiema U Tienu po, ke o den juuni leni ba ke li waagi. Li den tie Nowe n den kpie ku ñinbiaciangu yaa yogunu. Bi niba waamu, lan tie niba nii, yaaba n den kua ku ñinbiaciangu yeni niinni ki faabi leni mi ñima.

1 Pieri 4:18

Nani i Diani n yedi maama: «O niteginka yaa tindi leni fala, yua n yie U Tienu ki tie ti tuonbiadi daano mo te?»

Jude 1:15

O baa jia ti buudi leni bi niba kuli, ki cuo yaaba n yie o kuli kelima ban yie o ki tieni yaala yaa po. O go cuo ti *tuonbiadi danba yaaba n yie o yeni, kelima ban sugidi o yaa sugidi yaa po kuli.»

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i *buli danba, yaaba n bua mi faama ki go pua ma kuli baa ye niinpo.