1 Samueli 9:9 - Gourmanchéma Bible

⁹ Hali yogu, Isalele diema nni bi yaa den bua ki gedi ki mia U Tienu wan doagidi bipo bonla, bi den yen yedi: «Tin gedi yua n nua saala bonla po.» Kelima moala ban yi yua o sawalipualo, kpiama bi den yi o yua n nua saala bonla.

U TIENU MAAMA TILI 2013

⁹ Hali yogu, Isidayeli diema nni bi yaa den bua ki gedi ki mia U Tienu wan doagidi bi po bonla, bi yen yedi: «Tin gedi yua n nua saala bonla po.» Kelima moala ban yi yua o saawalipualo, kpiama bi den yi o yua n nua saala bonla.

1 Samueli 9:9 ပူးပေါင်းရင်းမြစ်များ

Mi cilima 25:22

A bila den bobini biyaba o tugu nni ke o yedi: «Be baa nni da?» O den gedi ki mia Li Miali Diedo.

2 Samueli 24:11

U Tienu den maadi leni o sawalipualo Gada, yua n den soagindi Dafidi po U Tienu maama, ki yedi o: «Gedi ki ban waani Dafidi ke mini Li Miali Diedo yedi mine: ‹N bili apo falacianbuoli taa, gandi bi siiga nni yendo.› » Lan den fii ki faa ke Dafidi fii,

2 Bi Badiba 17:13

Li Miali Diedo den soani Isalele leni Juda yaaba po o sawalipuaba buoli kuli ki yedi ba: «Lebidi mani ki ŋa yi sanbiadi ki yaa kubi n *balimaama leni n ñoabona. Yin yaa ŋua mani n balimaama kuli cain, min den bili yi yaajanba po yaa balimaama ki soani n naacenba bi sawalipuaba ke bi waani yi yaama yeni.»

1 Bi Badiba Jama 21:9

Li Miali Diedo den maadi leni o sawalipualo Gada yua n go den tie Dafidi tundika, yaa maama n tie na.

1 Bi Badiba Jama 26:28

O sawalipualo Samueli, Kisi bijua Sayula, Neli bijua Abineli leni Tiseluja bijua Joabi kuli n den gagidi yaala kuli leni yaaba n den baa fidi ki gagidi bonliba, n den gagidi yaala kuli den ye Selomiti leni o kpiiba nuu nni.

1 Bi Badiba Jama 29:29

O bado Dafidi togidikpiala leni o togidiyuama kuli diani Samueli yua n nua saala bonla togida tili nni, o sawalipualo Natan togida tili nni leni Gada yua n nua saala bonla togida tili nni.

1 Bi Badiba Jama 9:22

Bi kuli den tie kobilie n piiga n bilie, ban den gandi yaa buliñoaguuda, ki go den coadi ba ki ŋoadi bi dogi. Dafidi leni o sawalipualo Samueli n den gandi ba ki kaani ba bi tuona nni.

2 Bi Badiba Jama 16:10

Asa pali den beni o sawalipualo po, ke o den cedi ke bi luoni o li kpaadidieli nni, kelima o maama den bieni o pali. Laa yogunu Asa den cili ki wangi o niba siiga bi tianba fala.

2 Bi Badiba Jama 16:7

Laa yogunu, o sawalipualo Hanani den gedi Juda bado Asa kani ki yedi o: «Nani ŋan den dugi Sili bado po ki naa bili a dugidi Li Miali Diedo a Tienu kani yeni, a kan go diedi Sili bado toagoli.

Esayi 29:10

Kelima Li Miali Diedo kuani yi niinni Mi guama yantiali ke yi gonbidi. Ki pii yinba bi sawalipuaba nuni Ki libini yinba a baayuadiida mo yaa yula ti kpaliti.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi sawalipuaba mo: «Da pua mani tipo yaa sawalo n tiegi! Yaa banbidi ti mani! Yaa togidi ti mani yaala n mani.

Amosi 7:12

Amatisia go den yedi Amosi mo: «Fini, li bonlekaala daano, a caa! Guani a diema Juda po ki yaa ban pua sawali lanpo ke bi puuni a a bonjekaala.

1 Korenti 12:17

Li yaa tie ke ti gbanandi kuli bi tie nunbu bebe, mi gbadima bi baa ye le? Bi tikuli yaa bi tie tubili bebe, ti baa gba u nuulu lede?

Bi Bujiaba 1:1

Josue n den kpe, Isalele yaaba den mia Li Miali Diedo ke wan waani ba bi buoli siiga yaa buolu n baa kpa gedi ki tuogi Kanana yaaba bu toabu.

Bi Bujiaba 18:5

Bi den yedi o: «Mia tipo Li Miali Diedo ki buali o tin bandi ti sancenli yaa baa baa mayuli bi li yaa kan baa.»

1 Samueli 9:10

Sayula den yedi o naacemo: «A maadi moamoani, cua tin gedi.» Lane bi den gedi U Tienu nilo n den ye yaa dogu nni.