1 Samueli 8:8 - Gourmanchéma Bible

⁸ Bi tieni a nani ban tieni mini maama hali min ñani ba Ejipiti nni ki cuani ba ne, hali ki pundi hali moala. Bi ŋaa nni ki ŋoadi i *buli.

U TIENU MAAMA TILI 2013

⁸ Bi tieni a nani ban tieni mini maama hali min ñani ba Ejipiti nni ki cuani ba ne, ki pundi hali moala. Bi ŋaa nni ki ŋoadi tientoe.

1 Samueli 8:8 ပူးပေါင်းရင်းမြစ်များ

Pisomi 78:8

Ke ban daa tie nani bi baanba, Yaa nibuolu n ki pia maanli ki go pia mi yiema. Bi pala ki se kaanyendu, Bi yama mo ki ye U Tienu kani bonŋanla.

Mi Ñama 16:3

Isalele yaaba den yedi ba: «Li Miali Diedo yaa den cedi ke ti kpe Ejipiti diema nni tin den kaa ki kuu leni a nanboba yaa yogunu ki go ŋmani dupen ki guodi laa den tu? Kelima yi cuani ti mi naa fanpienma nni ki bua ki teni ku naa niligu kuli n kpe mi koma.»

Mi Ñama 17:2

Lanwani bi niba den cua ki cidi Musa li koanli. Bi den yedi: «Pa ti mi ñima tin ño.» Musa den yedi ba: «Be yaa po ke yi cidi nni li koanli? Be yaa po ke yi bigidi Li Miali Diedo yeni?»

Mi Ñama 32:1

Isalele yaaba n den laa ke Musa waagi li juali yuli po ki naa jiidi, bi den taani Alono kani ki yedi o: «Fii ki duadi tipo yaa *buli n baa yaa cuoni ti nintuali, kelima Musa yaa ja n ñani ti Ejipiti diema nni yeni tii bani yaala n tieni o.»

Jeremi 34:14

Ne leni bina lele, yi siiga yua kuli baa cabi o nikpiilo Ebilu yua, yua n cua ki kuadi o yuli opo. O baa soani opo bina luoba, li yaa yuandi a baa cabi o.› Ama yi baanba naa den ga n maama, baa den diadi bi tuba ki cengi n maama.

Esekieli 2:3

O den yedi nni: «Fini o ja yeni, mini n soani a laa nibuoyieko Isalele yaaba kani, bani yaaba n fiini npo mi yiema yeni po, bani leni bi yaajanba den tua npo i tagili danba ki taa ki pundi hali dinla.

Mi Tiadima 9:24

Hali min bandi yi yaa yogunu, yi li tie niyiekaabe Li Miali Diedo po.

Bi Bujiaba 13:1

Isalele yaaba didi go den tieni yaala n ki mani Li Miali Diedo ke o taa ba ki teni Filisiti yaaba nuu nni hali bina piinaa.

Bi Bujiaba 2:20

Li Miali Diedo pali den beni Isalele yaaba po ke o den yedi: «Bi niba ne miidi n ŋantaado, min den kuani yua leni bi yaajanba, baa tuo ki ŋua min yedi ba yaala.

Bi Bujiaba 4:1

Ehudi n den kpe, Isalele yaaba didi go den tieni yaala n ki mani Li Miali Diedo.

Bi Bujiaba 6:1

Isalele yaaba den tieni yaala n ki mani Li Miali Diedo ke o den taa ba ki teni Madiana yaaba nuu nni ke bi diedi ba hali bina lele.

1 Samueli 8:7

Li Miali Diedo den yedi Samueli: «Cengi bi maama ki tieni ban yedi yaala kuli. Kelima laa tie ke bi yie fini ka, bi yie mine, ke min da go die ba.

1 Samueli 8:9

Lanwani ŋan cengi bi maama, ama ŋan tuodi ki waani ba yaa bado n baa ti yaa die ba n baa yaa pia yaa bali.»