1 Samueli 8:20 - Gourmanchéma Bible

²⁰ ke timoko baa yaa naani leni i nibuoli kuli. Ti bado yeni baa yaa ja tipo ti buudi. O baa yaa ye ti liiga ki gobidi ti bu toabu nni.»

U TIENU MAAMA TILI 2013

²⁰ Lani, timoko baa yaa naani leni i nibuoli kuli. Ti bado yeni baa yaa ja ti po ti buudi. O baa yaa ye ti liiga ki gobidi ti bu toabu nni.»

1 Samueli 8:20 ပူးပေါင်းရင်းမြစ်များ

Pisomi 106:35

Ama bi den kali ki taani leni bi nilanba Ki den maani ki yaa togidi bi bogida.

Mi Ñama 33:16

Be n baa teni ban bandi ke a pali mani mini leni a niba po? Li yaa tie ke a baa yegi leni ti yaaka? Yeni mini leni a niba baa gagidi ki paadi leni yaa nibuoli n ye ŋanduna nni kuli.»

Mi Coadima 23:9

N ye a joatana yula po ki nua ba, N ye a joabila yula po ki ñuadi ba Bi tie yaa nibuolu n paadi ki pia bi yekaanu biba Yu n ki taa leni nibuotoe.

Jan n diani U Tienu Laabaaliŋamo maama 15:19

Ŋanduna bi baa bua yi yi yaa bi tie o yaaba, ama kelima yii tie ŋanduna yaa yaaba, ke n go gandi yi ki paadi leni ŋanduna, lani yaa po ŋanduna yaaba nani yi.

LOMA YAABA 12:12

Yin yaa mangidi yi pala yi suginma nni. Yin yaa pia li juunli fala nni. Yin yaa jaandi mani ki da cedi.

2 Korenti 6:17

Lani yaa po o Diedo go yedi: ‹Yin ña mani bi siiga Ki paadi leni ba, Ki da sii yaala n *joagini kuli, Lani n baa ga yi.›

Mi Tiadima 7:6

Kelima yi tie yaa nibuolu n gagidi ki ŋani Li Miali Diedo yi Tienu po. Li Miali Diedo yi Tienu gandi yi ke yin tua i nibuoli siiga, o yaa nibuoliceli mi tinfanma nni.

Filipi 3:20

Ama tinba, ti tie *tanpoli diema yaaba. Ti gu ke ti Candaano o Diedo Jesu Kilisiti baa go ña lankani ki cua,

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Samueli 12:12

Ama yin den laa ke Amoni yaaba bado Nahasi tuogi leni yi bu toabu, yi den yedi nni: ‹A-a, ti bua ki baa o bado wan yaa die ti.› Yi den yedi yeni baa ke Li Miali Diedo yi Tienu den tie yi bado.

1 Samueli 12:2

Moala diidi mani, o bado yua baa yaa gobidi yi. Mini wani di kpeligi ke n yudi mo pendi, n bijaba mo ye yi siiga. N den gobidi yi hali n jawaama yogunu ki pundi hali dinla.

1 Samueli 8:5

ki yedi o: «Diidi, a kpeligi, a bijaba mo naa ŋua a fuuli baa waamu. Lanwani ŋan dini tipo o bado wan yaa die ti, nani i nibuoli kuli n pia maama.»