1 Samueli 7:5 - Gourmanchéma Bible

⁵ Samueli den yedi: «Yin taani mani Isalele yaaba kuli Mitisipa dogu nni ke n baa mia yipo Li Miali Diedo.»

U TIENU MAAMA TILI 2013

⁵ Samueli den yedi: «Yin taani mani Isidayeli yaaba kuli Misipa dogu nni, ke n baa mia yi po o Diedo.»

1 Samueli 7:5 ပူးပေါင်းရင်းမြစ်များ

Mi cilima 20:7

Moala ŋan guani o ja yeni o pua, kelima o tie sawalipualo o baa jaandi apo lan tie ŋan yaa ye. Ama a yaa guani o, ŋan bandi ke a baa kpe, fini leni yaaba n tie a yaa niba kuli.»

Mi cilima 31:49

Bi go den yini laa kaanu Mitisipa kelima Labana den yedi: «Li Miali Diedo n yaa tie siedi mini leni fini yaa siiga baa ti yaa go nua tiyaba yaa yogunu.

2 Bi Badiba 25:23

Juda yaaba toagola yudanba, Netania bijua Isimayeli, leni Kalea bijua Yohanana, leni Tanehumeti bijua Selaya, yua n ñani Netofa leni Makala dogu yua yaa bijua Jasania leni bi toatieba kuli den gbadi ke Gedalia baa yaa tie Juda diema gufeneeli. Bi den gedi o kani Mitisipa dogu nni.

Nehemi 9:1

Cilele yeni piilie n danaali daali, Isalele yaaba den taani ki baa loli bu ñoabu. Bi den yie li paboanli yaa tiadi ki wuli biba po mi tama.

Jeremi 40:6

Jelemi den gedi Ahikami bijua Gedalia po Mitisipa po ki ban ye leni o yaa niba n den ye mi diema nni siiga.

Ose Tili 5:1

Cengi mani line, yinba bi kopadicianba, Yinba Isalele yaaba kuli, cengi mani. Yinba badidiegu yaaba, diadi mani yi tuba ki cengi: «Ti buudi jiama tie yi yaa tuonle Ama yi den tua nani ku diagu yeni n niba po, Mitisipa dogu po, Taboli juali po mo, yi den tua bipo Nani ban dia yaa taalu yeni.

Joeli 2:16

Taani mani bi niba, Ki tieni taangagidikaali, Taani mani a nikpela, Taani mani a bila, Baa yaa bila n da ŋaani. O pocaancalo n ña o dieduadili nni O pocaano mo n ña o gbandieli nni.

Josue 15:38

Dileyani, Mitisipa, Jokiteeli,

Josue 18:26

Mitisipa, Kefila, Motisa,

Bi Bujiaba 10:17

Amoni buolu yaaba den taani ki gedi ki kpa bi toanagili Galaadi diema nni. Isalele yaaba mo den taani ki kpaa bi yaa toanagili Mitisipa dogu.

Bi Bujiaba 20:1

Isalele yaaba kuli den taani ñoabu ki gedi ki taani Mitisipa dogu, Li Miali Diedo nintuali. Bi den ñani i kaani kuli, ki cili nijienu po, Dana dogu, ki yaa caa hali niganu, Beti-Seba dogu, leni Galaadi, puoli po yaa diema.

1 Samueli 10:17

Samueli den yini Isalele yaaba ke bi taani Mitisipa Li Miali Diedo nintuali.

1 Samueli 12:17

Tii ye *ŋalikama ceyogunu kaa? Ki taaga n ki go mi yaa yogunu. N baa jaandi ki mia Li Miali Diedo, o baa soani ki taaga leni i tatantani. Lani yi baa bandi ke yi tudi boncianla Li Miali Diedo nintuali leni yin mia ban dini yipo o bado.»

1 Samueli 12:23

Mini mo, Li Miali Diedo n faabi nni min da tieni opo yaa tuonbiadi n tie na, lani n tie ki cedi ki kan yaa jaandi ki miadi o yipo. N baa yaa bangi yi yaa sanu n ŋani ki go tiegi.

1 Samueli 7:12

Samueli den taa li tancianli ki bili li Mitisipa leni Sena siiga ki yini li Ebeni-Eseli, lani n tie: “Mi todima Tanli”, ki yedi: «Li Miali Diedo todi ti ki pundi hali ne.»

1 Samueli 7:16

Binli kuli o den yen gaani Betela dogu leni Giligali dogu leni Mitisipa, ki gobidi Isalele yaaba laa kaantaadi kuli.

1 Samueli 7:4

Lanwani Isalele yaaba den ñani bi buli, *Baali leni Asitate nannana bi siiga, ki ŋua Li Miali Diedo bebe.

1 Samueli 8:6

Samueli pali den biidi leni ban mia o bado wan yaa die ba. Lanwani Samueli den jaandi ki mia Li Miali Diedo.